انا باحب نسلتة بصراحة ... بس لسه باشرب من مية الحنفية لحد دلوقتي ... و ان شاء الله هاركب فلتر قريب جدا :)
انا باحب نسلتة بصراحة ... بس لسه باشرب من مية الحنفية لحد دلوقتي ... و ان شاء الله هاركب فلتر قريب جدا :)
انا جايب المبرد ده من شركة نستله
يعني اتصلت بيهم بقسم المبيعات وطلبت المبرد
انا اشتريته من 3 سنين تقريبا وبصراحة زي الفل كان ايامها ب 1100 جنيه + 10 كبونات مجانا
الجهاز فيه سخن وبارد والبارد فيه كذا درجة حرارة علشان تتحكم في سقوعية المياه
حاليا دلوقتي عندهم جهاز فيه بارد وسخن وفاتر يعني 3 حنفيات بدل اتنين المياه الفاترة دي اللي هي بدرجة حرارة الغرفة
بصراحة شركة محترمة جدا وبيتفق معاك على توصيل المياه
يعني هل كل اسبوع هتحتاج مياه ولا كل ما تحتاج تتصل او تبعت sms للمندوب
انا ساعات بخلص العبوة في اسبوع او 10 تيام فلما بحتاج ببعتله رسالة وبيجيلي في اليوم بتاعي
وطبعا القارورة لحد باب شقتك بياخد الفارغة وبيديلك المالينة
كل مبرد بيديلك معاه عبوتين فارغين علشان تدليهم الفارغ وتاخد المليان زي الحاجة السقعة كده
المبرد اللي عندي من شركة برجن وعليه لوجو نستله وطبعا بالضمان
بس كده
السلام عليكم
انا مش عاوز اصدمكم او اضايق حد باللى هاقوله
للاسف انضف نوع مياه هو مياه سيوه
لانه الوحيد اللى من بير جوفيه على عمق 1200 متر و فى الصحرا
اما كل الشركات الاخرى فا بتجيب من بير فى كفر الاربعين
واللى يعرف كفر الاربعين دي بلده زراعيه
و اتكتب تحقيق فى الجرايد قبل كدا عن بلاغ اتقدم ضد نسله و بركه و اكوافينا بسبب انهم بيجيبوا من البلد دي و مياة البير هناك متسرب عليها مياة الري و الشركات بعد ماتستخلص المياه بتعالجها بالاملاح المعدنيه علشان تتشرب
اما (مياة المجاري دساني ) فا انا مش بحاول اشتريها لانى جربت مره اشربها لاقيت ريحتها مقرفه
خلاصة الكلام
مياة سيوه و مياة حياة دول من بير فى الصحراء دول اصح مياة
نسلة و اكوافينا و بركه دول بير فى ارض زراعية
دساني من المجاري (اول ماتفتح الزجاجة شم الغطاء)
باشا فعلا انا سمعت الكلام ده بس مش عن نستله
انا سمعت دساني واكوافينا وحاجات تانية كتير
لكن نستله لالالالا هقولك ليه ببساطة
لو تلاحظ اي اجتماع مهم في مصر بيتذاع في التليفزيون تلاقي نستله
مرة شوفت اجتماع مجلس الوزراء تلاقي على التربيزة نستله
انا رحت مكاتب ناس مسئولة ومش قليلة وجايبين مبردات ومياه نستله
بتهيئلي هي افضل مياه في مصر واكيد الطعم باين جدا
على فكرة فيه ناس كتيرررر بتهاجم نستله مش لشئ الا لموضوع المقاطعة والكلام الفاضي ده
ريحوا دماغكم واشترو فلتر 5 او 6 مراحل
انضف كمان بكتير من المياه المعدنيه
وهتبقى اوفر على المدى الطويل
انا جيبه من حوالى شهر و مبقتش اعرف اشرب لا مياه معدنيه ولا من الحنفيه وبحس بطم سىء فى الميه
انا جايبه ب 1650 جنيه