طب يا جماعة بالنسبة لعرق كف اليد
اية هو الحد اللى يخليهم يدينى اعفاء بسببة
انا اكتر حاجة بتخلى كف ايدى تعرق عند التوتر وكمان ساعتها باطن القدم هو كمان بيعرق
عرض للطباعة
طب يا جماعة بالنسبة لعرق كف اليد
اية هو الحد اللى يخليهم يدينى اعفاء بسببة
انا اكتر حاجة بتخلى كف ايدى تعرق عند التوتر وكمان ساعتها باطن القدم هو كمان بيعرق
علي فكره انا اخدت اعفاء طبي بسبب موضوع عرق اليدين ده و كنا في شهر 1 تقريبا بس ايدي كانت عرقانه جدا جدا و اللي بيشوف الموضوع ده دكتور الجلديه و يوم اعادة الكشف ايدي ماكنتش عرقانه زي اول مره بس برضه اخدت غير لائق و كان فضل و نعمه من عند ربنا
السلام عليكم و رحمة الله و بركاته
ربنا ييسر و كل اللى هيكشفوا , يطلعوا من الجيش , لحد ما يبقاش هناك الا المشير طنطاوى و الصول عبد اللطيف بتاع الهايكستب , يبقوا يقعدوا ورا بعض يلعبوا صلح - هههههههههههههههههههه- :w6266d, أنا على فكرة عمرى ماشوفت الصول ده , بس أنا سمعت عنه من زمايلى اللى راحوا الجيش .
مازيراتى كواتروبورتيه
حضرتك كدة ادتنى امل جامد
ادعيلى ربنا يكرمنى
بس حضرتك الكشف بيكون ازاى عشان انا فى الهايكستب قولتة ايدى بتعرق
راح مسح بايدة كف ايدى وكتبلى لائق ب ومحول لجنة طبية عليا
والكشف يوم الاتنين القادم ان شاء الله مع العلم ان تخصصى من ضمن التخصصات التى تم اختيارها فى الارجا
مش بالساهل تبقى ظابط اصلا دول بياخدوا الخلاصة
انت بعد ما بتتقبل ظابط بتعمل تحاليل شاملة و جميع انواع الفحوصات و لو في حاجة صغيرة تنزلك على طول عسكري
خليك عسكري احسن و خلص الجيش بهدلة و ذل
محدش يعرف خدو كهرباء power فى اللإرجا ولا لأ؟
طيب انا كنت نويت ان شاء الله اقدم متخصصين في الاكاديميه ايه رأيكوا وتنصحوني بأيه؟؟ بارك الله فيكم ....
حد يقدر يرد على إستفساري ده
http://www.nilemotors.net/Nile/3872980779-post210.html
مش هاقولك أكتر من ان كان معايا ناس عندهم خضروف في الركبة ورباط صليبي و عاملين عمليات منهم في فقرات الظهر كمان
ده غير اللي وزنهم كان زايد عن الطبيعي ب 30 أو 40 كيلو
وكل ده كانوا ضباط أحتياط
الفرز في الضباط الأحتياط حاجة والفرز في الكليات والأكاديميات العسكرية حاجه تانية
نصيحة لوجه الله
ماتضيعش مستقبلك وتدخل الجيش باقي حياتك
لأن صدقني هاتندم
ومايغركش البدلة ، أقل من سنة وهاتكره تلبسها أصلا
معلش أنا عندى إعتراض ...
الموضوع مش مجرد بدلة ...
بس لو قررت تكمل فى القوات المسلحة ... و 2 ولاد عمى حربية و واحد طيار جيش ..
ال2 مبسوطين من الجيش ..
لسبب بسيط ...
شغل حلو و فلوس معقولة .. ده غير المتفوق بيروح أماكن حوافز و بدلات كويسة جدا ...
و بعثات للمتفوقين لأمريكا .. و بيعمل منها فلوس كويسة ...
لما يتعب أو حد من عياله يتعب ... بيروح مستشفيات القوات المسلحة .. إنضباط و نضافة و علاج حلو و مش بيسرقك ..
ليهم مصايف إلى حد كبير نضيفة و كويسة و بسعر كويس ..
ليهم فنادق نضيفة ... يروحوا يقعدوا فى أى مكان فيها و بسعر حلو ..
ليهم نوادى نضيفة و كويسة جدا ...
ليهم مشاريع إسكان كويسة و تسهيلات فى السداد قوى ... يعنى هتسكن هتسكن و الشقق كويسة بالنسبة لوحد فى بداية حياته .. غيره ممكن مايعرفش يجيب زيها حتى لو هيدفع أكتر منه ..
ليهم مرور خاص و حاجات خاصة بتغنيهم عن التعامل مع الأشكال الغريبة فى المرور و المصالح الحكومية المختلفة ..
ليهم سلطة و وضع إجتماعى مش بطال ... خاصة طيارين القوات الجوية و ضباط القوات البحرية .
.. هتعيش عيشة كويسة ... و خصوصا إنت ضابط الذل فى الجيش مش هيبقى زى ما إنت فاكر ...
و بيقلولى بالحرف .. الضابط المحترم الملتزم فى شغله مؤديه على أكمل وجه ... يا سعده و يا هناه ..
قليل الأدب بيتربى ... لكن الإهانة بشكل عام إللى الكل بيتكلم عليها مش قد كده ...
هتعيش عيشة حلوة ...
طبعا هاتفتكر أني بقول كده لأني كنت مخنوق من الجيش لأني كنت مش ملتزم
لكن العكس تماما
حاصل على شهادتين تقدير مع تقدير مادي من كلية الضباط الأحتياط
الثالث على دفعتي في معهد الدفاع الجوي والأول في تخصصي
شهادة الجيش قدوة حسنة
علاقتي جيدة جدا بقائد وحدتي ورئيس العمليات ولازلت على صلة بيهم حتى الأن ، وكانوا يتمنوا إن أكمل
ولو فاكر إني بقول كده علشان كنت إحتياط
ممكن أديلك نمر لرتب من ملازم أول حتى مقدم يأكدوا نفس الكلام
الجيش مش زي ماكنا فاكرين في ثانوي
اللي أضحك عليه ودخل بيندم أشد الندم وبيستنى اليوم اللي هايخرج فيه بفارغ الصبر
السلام عليكم و رحمة الله و بركاته
بالظبط كده ياباشا :satelite:, بلا جيش بلا كلام فاضى .
الجيش ده للناس اللى بتقدر تستفيد منه استفادة مادية بحتة فقط و دول الجيش بيبقى بالنسبة اليهم جنة فى الدنيا:36_1_2[1]: و جحيم فى الاخرة:beatdeadhorse5: .
قال جيش قال , هما الشباب ناقصين:120146b , كفاية القرف و الغم و الفقر اللى احنا فيه , كمان هيضيعوا أحلى سنين عمرنا فى الهلس ده , و على ايه بقه ان شاء الله؟؟؟؟؟ , على النعيم و الترف و العزة و الكرامة اللى المصريين عايشين فيها .
مازيراتى كواتروبورتيه
السلام عليكم ورحمة الله وبركاته لو سمحتوا كان ليا كام سؤال كدة وياريت بعد اذنكوا تجوبونى فى حاجة كنت عايز افهمها محيرانى شوية القفل بتاع المخلة ده
هى المخلة دى مش عاملة زى الشوال كدة هتتقفل بقفل ازاى بس اصل الموضوع ده
نفسى افهمى يعنى معلشى هو سؤال ملوش لزمة انا عارف بس عايز افهم بس مش اكتر
اما بقى بالنسبة للاسئلة هى كتير انا عارف والله معلشى بتاسفلك لتانى مرة بس اكمنها اول مرة فعايز افهم بس لان الجيش فيه كلام كتير
1-هستسمحكوا بس تقولولى ايه الحاجات بس اللى هحتاجها وانا رايح مركز التدريب
اصل فى ناس بتقول خد ابرة وخيط وديتول وبدرة رجل وحاجات كدة فياريت معلشى
تقولولى باختصار شديد ايه اللى اخده معايا وهل الشنطة اللى بجيب فيها حاجتى
بيحطوها فى الامانات يعنى متدخلش معايا وهل اجيب معايا قلم ماركر علشان
اكتب على المخلة بتاعتى اسمى ولا ده ممنوع
2-وبالنسبة برضو للفلوس اخد كام معايا وهل ينفع اخد محفظة ولا هتتقلب هى
كمان متهيالى ان اللبس الملكى اللى انا هروح بيه الاول هحطه فى الدولاب
وهقفل عليه ولا ايه الدنيا دى برضو اصل فى ناس سمعتها بتقولى انهم حطوا
اللبس الملكى ده على السرير واللبس اتسرق فمعلشى ياريت توضحولى
الحتة دى بالذات احسن لو الفلوس واللبس راحوا انا كدة مش هروح
3-هل ممن اجيب كوتش غير الكوتشى اللى بيسلموه وياريت بقى تفيدنى فى السؤال
ده دلوقتى احنا هنسلم المخلة قبل منخرج طيب لو مثلا البيادة اتقطعت ولا
الكوتشى ده اتقطع هسلمه كدة ولاهشترى واحد اصل الحاجات دى مكملة معايا لاخر
الجيش فاكيد انها هتدوب يعنى
4-وبالنسبة بقى لاكل الميز هو فعلا سىء للغاية يعنى هعيش على الكانتين ولا ايه النظام
5-وياريت برضو لو تقولولى ايه نظام اليوم وهل فعلا الحمامات بمواعيد وكدة وهل
الحمامات نضيفة اصلا احسن الواحد حاسس انه هيتشل من الجيش ده والله
6-وياريت برضو لو تقولولى الاسلحة الكويسة فى الجيش يعنى شغل ادارة وكدة بدل الخدمة والقرف ده لو الواحد عرف يشوف حد يعنى
بتاسف والله للمرة المليون انا عارف ان الاسئلة كتير ومعظمهم ملوش معنى بس معلشى ياريت حد يفيدنى وشكرا