فولكس فاجن ترغب في شراء الفا روميو

**Samir Elshahawy** · 25-08-2010 06:04 PM

وفقا لما جاء فى الصحف الألمانية ، فإن مجموعة فولكس فاجن تريد ان تربي طفل آخر في الأسرة لديها والتى ازدحمت بالعلامات التجارية وهى شركة الفا روميو .و نقلا عن مصدر رفيع فى شركة فولكس فاجن والذى لم يذكر اسمة ، والذى يقول إن فولكس فاجن مستعدة لتوقيع أوراق التبني إذا كان هذا متاح .
المشكلة ، هى أن الفا روميو ليست في السوق في الوقت الراهن ، وليس هناك إشارة من الشركة أو الشركة الأم – شركة فيات – أن ذلك من المرجح أن يحدث في أي وقت قريب.

كما أضاف مايكل براندل ، وهو المتحدث الرسمي باسم شركة فولكس فاجن ، ان شركة فولكس فاجن لا يوجد لديها اى تعليق على هذه الشائعة ، والفا روميو ايضا لا تعلق على اى شىء.
ولكن كما هو معروف فإن 99% من كل الشائعات التى تظهر فى مجال صناعة السيارات تصبح حقيقة فى النهاية.

لكن المصدر الرفيع المستوى والذى لم يذكر اسمه اكد ان هناك مناقشات مبدئية بشأن شراء فولكس فاجن لألفا روميو وان قد حدث اكثر من مكالمة هاتفية بين كل من شركة فولكس فاجن والشركة الأم –فيات- بشأن هذا الموضوع . ولذلك يجب ان نذكر انه تم فعلا بحث الموضوع من قبل الشركتين ولكن هذا لا يعنى ان الأمر سيتم فعلا .

ولكن ما أعلنته شركة فولكس فاجن وهو انها تريد ان تصبح اكبر شركة سيارات فى العالم قد يعطى بعض من المصداقية لهذة الشائعة رغم الإختلاف بين سياسات الشركتين .

رغم عدم تأكدنا من الخبر ولكننا يجب ان نبقى اعيننا على كل ما هو جديد فى مجال السيارات.

**SeiffoZ** · 27-08-2010 04:35 AM

على جثتى!

**blazer** · 27-08-2010 04:56 AM

لا مش موافق
دى مدرسه ودى مدرسه تانيه خالص

**Abdo_Eldesokey** · 27-08-2010 05:07 AM

ومين قال إن أنا هبيع ؟؟!!

**Ralliart** · 27-08-2010 06:00 AM

لو كان الامر في ايدي كنت منعت فولكس من شراء الماركات لان حرام اللي هما بيعملوه ده تدمير لثقافات وشخصيات شركات كبيره زي سكودا وسيات واودي ولامبورجيني ............ عن طريق فرض المواتير والشاسيهات الموحده لكل موديلات الشركات دي
وبقت الاسكودا اللي هي واحده من اعرق شركات السيارات في التاريخ واللي هي اتعملت قبل فولكس بعقود
بشاسيه وموتور فولكس وبمجرد علامه سكودا وشكل مختلف !
ونفس الموضوع في السيات اللي بقت نسخه مكرره من فولكس وسكودا
واودي بقت عباره عن فولكس دفع رباعي وفخمه شويتين
ولامبورجيني الايطاليه اللي كان ليها روح زي عربيات فيراري بقت بمواتير وتكنولوجيه اودي وفقدت روحها وبقت عباره عن علامه وشويه تشطيبات ايطالي لكن الباقي الماني
وافتقدنا شخصية عربيات زي الديابلو والكونتاش

الشركه دي بعتبرها مجرمه في حق الماركات التاريخيه وحتى لو مواتيرها وشاسيهاتها كويسين بس كده فقدنا شركات تانيه كتير كان ممكن تضيف جديد لو كانت مستقله بذاتها لان اي ماركه بيبقى ليها نكهتها الخاصه لكن مع فولكس جروب كله بنكهة فولكس !!

**M.almaghraby** · 27-08-2010 06:10 AM

حراااااااااااام

لأ بجد بجد حرام

الفا مختلفة عن اي حاجة تانية ,,,,,, كله الا الفا روميو بجد

حزعل جدا جدا لو دا حصل
.................................................. ...................................

بس ليا تعليق علي ralliart

اللامبورجيني نفدت من فرض السيطرة دا :))

ليها روحها برده مهما كان " ايطالي "

**Ralliart** · 27-08-2010 07:41 AM

والله يا دكتور مهما كان فالعربيه تحولت شويه وزي ما قلت مفيش لامبو ليها هيبة الديابلو والكونتاش ،دي لوحدها كانت اسطوره وكانت بتتحسب فئه لوحدها حتى لو مش هي اسرع عربيه بس كانت بتعمل جو جامد وليها هيبه يمكن مبنشوفهاش غير في الريفينتون

ويمكن علشان هي سوبر كار مطالهاش عبث فولكس بس مثلاً عندك بورش طول عمرها معروفه بشكل معين ومكان الموتور وليها طابعها التصميمي وفئتها السعريه
لكن حالياً بقى فيه كايين نسخه محسنه من الفولكس توارج وبقى في بانيميرا بموتور في الكبوت واربع ابواب ودا منافي لشخصيه بورش والله اعلم ايه اللي جي

**tarekfar** · 27-08-2010 01:33 PM

المشاركة الأصلية كتبت بواسطة ralliart

لو كان الامر في ايدي كنت منعت فولكس من شراء الماركات لان حرام اللي هما بيعملوه ده تدمير لثقافات وشخصيات شركات كبيره زي سكودا وسيات واودي ولامبورجيني ............ عن طريق فرض المواتير والشاسيهات الموحده لكل موديلات الشركات دي
وبقت الاسكودا اللي هي واحده من اعرق شركات السيارات في التاريخ واللي هي اتعملت قبل فولكس بعقود
بشاسيه وموتور فولكس وبمجرد علامه سكودا وشكل مختلف !
ونفس الموضوع في السيات اللي بقت نسخه مكرره من فولكس وسكودا
واودي بقت عباره عن فولكس دفع رباعي وفخمه شويتين
ولامبورجيني الايطاليه اللي كان ليها روح زي عربيات فيراري بقت بمواتير وتكنولوجيه اودي وفقدت روحها وبقت عباره عن علامه وشويه تشطيبات ايطالي لكن الباقي الماني
وافتقدنا شخصية عربيات زي الديابلو والكونتاش

الشركه دي بعتبرها مجرمه في حق الماركات التاريخيه وحتى لو مواتيرها وشاسيهاتها كويسين بس كده فقدنا شركات تانيه كتير كان ممكن تضيف جديد لو كانت مستقله بذاتها لان اي ماركه بيبقى ليها نكهتها الخاصه لكن مع فولكس جروب كله بنكهة فولكس !!

معلهش عندي تعليق على الكلام ده بخصوص فولكس :
شركة فولكس واودي طول عمرهم شركة واحدة يمكن من حوالي 50 سنة او اقل شوية واودي اسمها الشقيق البافاري لفولكس فاجن ، اما سكودا يمكن عريقة تاريخيا لكن كان ايه واقعها لما اشتريتها فولكس ولا حاجة صفر كبير زيها زي اللادا وعربيات الكتلة الشيوعية بالعكس فولكس نشرتها في العالم كله وطورتها، ونفس الحكاية السيات الأسباني عمر ما كان ليها موديلات او شخصية مستقلة كانت شركة أسبانية حكومية بتعمل العربيات الفيات الصغيرة زي شركة نصر عندنا ، شركة فولكس عملتها خط مستقل بموديلات جديدة مش شايف اي علاقة بينها وبين عربيات فولكس الا في المواتير بس، وعلى فكرة مخترع الفولكس فاجن البيتلز هو فرديناند بورش مؤسس وصاحب شركة بورش لكن الحكومة ألألمانية امتلكت الفولكس بعد الحرب العالمية الثانية وفصلتها عن شركة بورش وخلال العشر سنين اللي فاتوا كان فيه مفاوضات بين الشركتين للاندماج وتبادل الحصص والرؤساء الحاليين بتوع الشركتين اقارب وينتموا لعائلة واحدة ، وبالمناسبة الباناميرا ب بتتعمل قبل استحواذ فولكس فاجن على بورش

انما انا معاك في ان الأودي والفولكس روحهم واحدة لكن باقي العربيات مختلفة يعني السكودا مش شايف وجه شبه بينها وبين الفولكس او الأودي في التصميمات

**Ralliart** · 27-08-2010 03:25 PM

مفيش شبه ازاي؟؟
دا السكودا والسيات نسخ من فولكس في كل حاجه ما عدا الشكل
وانا مقلتش ان فولكس اشترتهم وحالتهم حلوه بس اسلوب النسخ مش حلو وفولكس كان ممكن يطورو الشركه من غير النسخ في الشاسيه والموتور وكل الاجزاء الميكانيكيه

يعني كمثال شوف تعامل فيات مع لانشيا والفا هتلاقي كل عربيه مستقله بذاتها وبمواتير مختلفه بتكنولوجيا مختلفه تتدرج من اول الالفا ولما التكنولوجيا تقدم تتحط في الفيات ودا ميمنعش ان في تبادل في الشاسيهات والمواتير بس مش في كل موديلات الشركتين
مع ان فيات كانت شارياهم مفلسين بس مفرضتش شخصيتها عليهم

وفي كمان جي ام شوف الفرق بين الكاديلاك واللينكولن والشيفورليه والبويك ومطبقتش اسلوب فولكس غير على gmc

انما شوف الفابيا والبولو والابيزا لو شلت البودي مش هتعرف تفرقهم عن بعض

**tarekfar** · 27-08-2010 05:14 PM

التكنولوجيا في العربيات اللي تبع فولكس فعلا واحدة صحيح ، انا مش عايز افتي بس اعتقد ان سياسة التركيز في الأبحاث على تكنولوجيا واحدة متقدمة وتعميمها على باقي الماركات مع فروق في الشكل والتصميم والسعر اثبتت نجاحها، فولكس فاجن حاليا بتحارب عشان تبقى اكبر شركة في العالم وبتحقق ارباح بقالها كذا سنة متتالية بالرغم من ازمات سوق السيارات في العالم كله، لكن جي ام مثلا بيتها مخروب واعلنت فلاسها وكانت حتبيع اوبل لولا تدخل الحكومة الأمريكية

الموضوع: فولكس فاجن ترغب في شراء الفا روميو

LinkBack

أدوات الموضوع

عرض

فولكس فاجن ترغب في شراء الفا روميو - انشر الموضوع فى :

-

-

-

-

المواضيع المتشابهه

الفا روميو 75

سوزوكي تقرر انهاء شراكتها مع فولكس فاجن ... و فولكس فاجن ترفض !!

الفا روميو 156

الفا روميو 146 للبيعالفا روميو 146 موتور بوكسر موديل 96 1600 سي سي زينون و الرخصة انا

الفا روميو 146

الكلمات الدلالية لهذا الموضوع

المفضلات

المفضلات

ضوابط المشاركة