حجزت صنى اتوماتيك اليوم من السبع اتوموتيف

**cpt_shawky** · 09-03-2008 11:41 AM

المشاركة الأصلية كتبت بواسطة essam10

السلام عليكم
ماتقلقش يااخى من موضوع الثلاث الاف جنيه
انا حجزت الاسبوع الماضى ودفعت الفلوس واخذت عرض السعر للبنك وانهيت الاجراءات و استلمت العربية بالفعل بعد 48 ساعة من تسليم خطاب البنك لمعرض السبع (مصر الجديدة ).
الموضوع ده معمول للتاكد من جدية الحجز ولضمان ان العميل مايروحش معرض ثانى

جدية الحجز هى دفع الحجز لكن موضوع الثلاث الاف جنيه ده مش مفهوم...حضرتك اشتريت بكام وفالورق مع البنك كان مكتوب كام.

**essam10** · 09-03-2008 04:20 PM

انا ياخى دفعت ثلاثة الاف جنيه لمعرض السبع واخذت عرض السعر منهم بقيمة 83000 جنيه .
يعنى اجمالى سعر العربية بالنسبة ليا هو 86000 جنيه (الموديل المانيوال)
صدقنى يااخى مافيش اى مشاكل وانا مادفعتش مليم زيادة على ثمن العربية

**cpt_shawky** · 09-03-2008 04:30 PM

المشاركة الأصلية كتبت بواسطة essam10

انا ياخى دفعت ثلاثة الاف جنيه لمعرض السبع واخذت عرض السعر منهم بقيمة 83000 جنيه .
يعنى اجمالى سعر العربية بالنسبة ليا هو 86000 جنيه (الموديل المانيوال)
صدقنى يااخى مافيش اى مشاكل وانا مادفعتش مليم زيادة على ثمن العربية

هو ده اللى احنا بنتكلم فيه ليه عرض السعر ميبقاش بالـ 86000 طالما ده سعرها فعلاً (طبعاً ده بالنسبة لسيارة حضرتك المانيوال)

**ابوشريف** · 09-03-2008 07:00 PM

المشاركة الأصلية كتبت بواسطة essam10

انا ياخى دفعت ثلاثة الاف جنيه لمعرض السبع واخذت عرض السعر منهم بقيمة 83000 جنيه .
يعنى اجمالى سعر العربية بالنسبة ليا هو 86000 جنيه (الموديل المانيوال)
صدقنى يااخى مافيش اى مشاكل وانا مادفعتش مليم زيادة على ثمن العربية

الموضوع فيه حاجه غير طبيعيه

ليه مصممين ان عرض الاسعار اقل ب 3000 جنيه

احتمال كبير ان الصنى نزلت 3000 فى كل موديلاتها ولسه الموضوع مش معروف للجميع

سألت احد اصدقائى فى بنك مصر عن كيفية الشراء بالتقسيط وكان الرد :

انك تروح للمعرض اللى ناوى تشترى منه وتاخد عرض الاسعار للبنك وبناء عليه تدفع الجزئ النقدى للبنك وتتفق معاه على القسط للباقى

والبنك بيعطى لك شيك بكامل ثمن العربيه تروح بيه للمعرض ويسلمك العربيه كانك اشتريتها كاش

وبالنسبه للموضوع اللى اثاره الاخ moh عن الربا

قرأت الكثير عن هذا الموضوع وخلاصة مافهمت منه

انك تذهب للبنك لتستدين منه مبلغا بالفائده وتذهب به لشراء سياره هذا هو الربا بعينه

لكن فى حالة انك تذهب لشراء السياره عن طريق البنك نفسه

وتدفع ما معك من السيوله له وتتفق على باقى المبلغ بالتقسيط الذى ترضاه وهو يدفع ثمنها للمعرض كاملا

فكما قال العديد من الفقهاء انه طالما دخلت سلعه وسط التعامل فهذا حلال والله اعلى واعلم

**tebeeb** · 09-03-2008 11:06 PM

المشاركة الأصلية كتبت بواسطة cpt_shawky

وحقيقة معرفش ليه السبع يتهرب من ضرايب على 3 الاف جنيه غريبة اوى...

لأ مش غريبة ولا حاجة .. لو هو واخد العربية مثلا ب 86 ألف وكتب إنه بايعها ب 88 ألف يبقى الضرايب هتحاسبه على مكسب ألفين مثلا .. إنما لو في الورق إنها ب 91 يبقى هيتحاسب على مكسب 5 آلاف وفرق كبير قوي بين الحالتين ...

المشاركة الأصلية كتبت بواسطة cpt_shawky

طبعاً لا تتردد انك تجيب السوبر صالون اذا كانت الميزانية تسمح

أنا سمعت كلامك ورحت حجزت السوبر صالون وبرضة دفعت 4000 وكتب السعر 98000 يبقى الإجمالي 102 ألف ... وأنا حجزت اللون النبيتى وبالداخل فرش بيج ... وهو عرض إنه هيسلمني العربية مترخصة من المرور مقابل 725 جنيه رسوم الترخيص ... هل كده يبقى معقول ولا إيه

**essam10** · 10-03-2008 10:36 AM

بالضبط يا صديقى هو ده المبلغ الذى دفعته فى المرور نظير ترخيص العربية ( السعر يشمل شراء طفاية 1 كجم قيمتها 100 جنيه )

**cpt_shawky** · 10-03-2008 10:42 AM

المشاركة الأصلية كتبت بواسطة tebeeb

وهو عرض إنه هيسلمني العربية مترخصة من المرور مقابل 725 جنيه رسوم الترخيص ... هل كده يبقى معقول ولا إيه

دى كده رسوم الترخيص لكام سنة ؟؟

**cpt_shawky** · 10-03-2008 11:19 AM

برجاء الإفادة يا جماعة فموضوع نظام السداد لأن السبع اتصل من 5 دقائق واخبرنى بانتظارهم لدفع المبلغ وأخبرتهم امس بطلبي أن يكون الورق ب 91000 رسمياً ولكن خلال مكالمة اليوم أخبرنى أن المدير المالى للسبع رفض ذلك ولكن فى حالة رغبتى فى أخذ فاتورة شخصية من السبع بـ 91000 لا يوجد مانع.

**cpt_shawky** · 10-03-2008 11:50 AM

فى نقطة تانية نسيت اتكلم عنها بخصوص التأمين هما بيأمنوا تبع الجمعية CiS بنسبة 2% فانا قلتلهم انى ممكن اجيب تبع الجمعية بنسبة 1.4% طبعاً ده من هنا من المنتدى فقالى أنه كلام مزبوط ولكن لما هأمن تبعهم هما اللى هيتولو كل حاجة فحالة الحوادث لا قدر الله وادانى أمثلة على كده عن حوادث حصلت وعملوا ايه وساعدوا العميل ازاى ولكن فى زبون عمل زيي كده وجاب مع نفسوبنسبة 1.5% ومرايته اتكسرت بقاله 3 شهور بتحايل عليهم ويلف يمين وشمال عشان يصلحها. ما رأيكم دام فضلكم

وافضل مكان للتأمين مع اقل نسبة طبعا;)