الموضوع: برجاء الافاده

السلام عليكم و رحمه الله و بركاته
يا جماعه انا محتاج نصيحتكم ضروري
ادامي نوبيرا موديل 2004 اوتوماتيك حالتها معقوله بس كتير من اصحابي قالولي متركبش اوتوماتيك في النوبيرا بعد 2002 لان لحد 2002 كوري اصلي بعد كده العربيات مشاكلها كتييير اوي و الفتيس و الماكيبنه بيبوظوا بسرعه و غالين اووووووووووي ده غير ان محدش بيحب يشتريها و مش هتعرف تبعها يوم ما تحب تغير
قالولي خليك في الانوس او الجوليت او النوبيرا المانيوال
و انا بصراحه ادامي واحده لانوس 1 حالتها كويسه بس مش عارف هل كلامهم ده صح ولا اي فتي

المشاركة الأصلية كتبت بواسطة محمد الشامي

لو حضرتك قارنت بين النوبيرا واللانوس , فـ النوبيرا تكسب جدااااا
لانها موتور 1600 , عربيه واسعه , شياكه , قيمتها فيها , ثبات ممتاز على الطريق , مشاكلها بسيطه وحلها سهل بإذن الله , يعني التقييم العام للعربيه ممتازه على اد تمنها فعلا

لكن حكايه النوبيرا الاتوماتيك , فأنا كنت بقول نفس الكلام اللي حضرتك سمعته من اصحابك :-) لكن لما حضرتك تقرأ هنا في المنتدى عن النوبيرا وكلام ملاك النوبيرا هتلاقي ان العربيه ممتازه جدا وملهاش اي مشاكل في الاوتوماتيك , اهم حاجه انك تعرف ازاي تعمل صيانه العربيه وازاي تتعامل معاها

لكن طبعا مع مراعاه ان سحب الاوتوماتيك في النوبيرا مش زي سحب العربيات الياباني والفرنساوي , يعني تجميعها بطئ عنهم شويه

اهم حاجه :-
تأكد من سلامه العربيه كلها وان مفهاش اي مشاكل فنيه , سواء في الكنترول او الاتوماتيك بتاعها , او اساسيات العربيه , متتهاونش في اي حاجه غلط عينك تقع عليها , يعني لازم العربيه تكون سليمه 100%

لو حضرتك من القاهره اقدر ارشحلك بنزينه شيل اللي في اول الهرم عشان تكشف علي العربيه هناك , وهما هناك هيطمنوك جداااا

اتمنالك التوفيق بإذن الله

+11111