الموضوع: لماذا نايل موتورز (خاص بالعضوات) مشاركات خارج الموضوع

المشاركة الأصلية كتبت بواسطة أبو صلاح

وبجد حاسس يا دكتور انك بترميني بطوبة في دماغي بالكلمة دي

طوبة إيه بس يا بوصلاح..دا إنت حبيبي وإحنا بينا سمك وجمبري واستريديا وسلطة طحينة..أنا لم أقصد أي حد علق على الموضوع ده بعينه من إخواننا ممن أحبهم في الله وأحترمهم..وإنما قصدت النصيحة فقط لما لمسته في عدة مواضيع سابقة تطغى عليها الروح الطفولية والاستظراف بما لا يتناسب مع حسن تقديري للأشخاص المشاركين..وبما أظن أنه تحويل للمواضيع لحالة غير مريحة تخفي أكثر مما تعلن..وتجد المواضيع تطول لصفحات بلا داعي وتكون كل المشاركات أشبه بالمناكفات بين طلبة وطالبات مدرسة ابتدائي أو إعدادي على أحسن تقدير...وده خلى بعض الناس تزعل وتاخد المواضيع بحساسية...طبعا زي ما في ناس هنا في المنتدى كتير جدا محترمين..أنا وإنت عارفين إن في ناس كتير برضه دماغها خفيفة وسلوكياتها وتعليقاتها دون المستوى..وده بتلاحظه كتير..فالمقصود فقط كان إغلاق الباب على هذه النوعية

المشاركة الأصلية كتبت بواسطة أبو صلاح

ايه الجاد هنا ؟ عنوان الموضوع اللي بيقول العضوات فقط يعني حاسس كانهم بيطلعوا لينا لسانهم وبيقولوا بصوا قد ايه احنا كتير ؟

معلش يابوصلاح ..مختلف معاك..الموضوع واضح من بدايته إنه أسئلة جادة وتقييمات واقتراحات مطلوبة وأسئلة دقيقة ولا أرى أن من بينها ما يدعو للفكاهة..وكون الموضوع في عنوانه (خاص العضوات) كان ينبغي أن يتم تقدير ذلك بدلا من دخولنا وتشويش الموضوع بهذه النقاشات الجانبية والتي أعتذر أنني شخصيا شاركت فيها وتم تغيير مسار الكلام
وتوبة
كل سنة وإنت طيب يا بوصلاح ومستنيين نشوفك في أقرب فرصة