احمد باشا ذلة لسان ايه بس :)
الموضوع مكنش ذلة لسان يا رايس
شكلك مقرتش الموضوع
عموما الموضوع خلص اساسا وبنهزر انا وبسكوته مش عايزك تشيل هم
بس موضوع نوال ده اصراحه مش مريحني :)
مترسيني علي الليله وهبقي اشوفك بحاجه :)
A.Yakout
والله يا ياقوت انا مقريتش الموضوع فعلا بس مهما كان يعنى اكيد كان له مغزى فى بطن الشاعر...و بعدين الانا فاهمه انه كان استفسار من صاحبة الموضوع ازاى تسوق بكعب...يعنى استفسار مش حاجة غلط يعنى...الحمدلله ان الموضوع خلص...موضوع نوال دة موضع كبير عليك...اذا كان مش عاجبك موضوع الكعب العالى...هيعجبك موضوع نوال...انت غريب ياياقوت..بس بعيد عن الهزار اكيد فيه مواضيع هتعجبك و مواضيع لا..لحد بس ما اروح اقرأ الموضوع لانى مفهمتش انت ايه المضايقك لحد دلوات...بس برضه انا متأكد انها ذلة لسان
تسلم يا ابو حميد
بس بعيد اننا نقلب في القديم تاني
اني فعلا مش فاهم ايه مناسبة انه يتعاد فيه بالطريقه دي تاني
وعموما احب ااكدلك انها مكنتش مجرد ذلة لسان
ومفيش اي مضايقه من ناحيتي علي فكره بدليل اني رديت للبنت التحيه والموضوع اتنسي اساسا
والف شكر يا رايس
A.Yakout
ده اكيد
المهندسة ريمو
صديقة غالية جدا عندى
يمكن حضرتك ماتعرفهاش
وده سبب الخلاف
لكن انا اعرفها كويس
وعلى فكرة معرفتى بيها كانت بعد الموضوع المشار اليه مش قبله
ولفت نظرها فى اول لقاء لينا لاسلوب طرح الموضوع واتنقاشنا فيه وده سبب دفاعى عنها لانى تفهمت منها شخصيا وجهة نظرها
اعتقد انك كونت فكرة الى حد ما عن انى مش بجامل حد حتى لو كان صديق
وهى والحمدلله من اكثر الشخصيات المحترمة اللى ممكن تقابلها فى حياتك
ربما خانها التعبير فى بداية الموضوع المشار اليه
بس هى فعلا مكنتش تقصد اى اساءة لاى حد
وهى بالفعل مغلطتش فى اى شخص
هى كانت عضوة جديدة
وزى اى عضو جديد على نايل موتورز بيحصل نوع من التصادم
لاننا جميعا بيربطنا لغة حوار واسلوب من نوع خاص
وبعدين الاعضاء المحترمين اللى زى حضرتك وزى ريمو ما احبش يكون بينهم خلاف او باد هيستورى
اتمنى ريمو ما تزعليش من نابستر
واتمنى نابستر تكون تفهمت كلامى
بسكوته فعلا مش فاهم انتوا مكبرين الموضوع كده ليه
الموضوع وخلص معايا من ساعتها
واول مشاركه ليا في الموضوع لما بعلق علي ذكرك للموضوع
واني افتكرت ذكريات معاه
متهيالي كان في ايموشن مبتسم (دليل اني بهزر)
ورديت فعلا عليها لما بتقولي كل سنه وانتا طيب
و اهتميت بالرد عليها في موضوع تاني هنا في الاجتماعي
يعني الموضوع منتهي تمامااااااااااااااااااااا اااااااااااااااااااااا
الي حصل بعدين ان استاذ احمد (وربنا يعلم معزته عندي)
قال كلمه في مشاركه ليه هنا في الموضوع ده انا اصراحه مكنتش استناها منه اصراحه
عموما بشكرك يا بسكوته عي تقريب وجهة النظر
ومش جديده عليكي انتي معروفه انك اسكندرانيه جدعه
متزعلوش مني يا جماعه
لما قلت الموضوع ده كان مداعبه مني مش اكتر
ومكنتش اتخيل انه يوصل لحد الاهانه
اسف فعلا
A.Yakout
السلام عليكم
اذي حضرتك استاذ ياقوت وكل سنه وحضرتك طيب ...اولا خلاص اللي فات مات والله ومفيش زعل ما بين الأخوات في بس العتاب لكن الزعل مش موجود ليه حضرتك بتقول اهانه حضرتك بس كنت شادد شويه ومحدش بيهين حد ولازم يكون عندنا الروح اللي بتتقبل الكلام ...وحضرتك المهندس احمد ميقصدش يزعلك ابدا هو بيحترمك جدااااااا ودليل على انه بيدخل يهديك عادته دائما لو حضرتك تلاحظ مشاركاته معاك ومع الأعضاء الآحرين اسمحلي انت متزعلش منه ولا من بسكوته بس بجد انت كنت شادد شويه ولو كانت هي اخطات التعبير خلاص غدلها وقولها انا اخوكي الكبير وهزر واضحك وهتلاقي مفيش اي حاجه...وبعدين الكلام ده من سنه ولقيت الموضوع اتفتح تاني عادي علشان انا سالت بسكوته عن موصوع الكعب ..خلاص واضحك ومكنش في حاجه ....المهم عايزه حضرتك متزعلش ولا حد يزعل وكلنا اخوات وياله ورينا المشاركات اللذيذه بتاعتك وياله واول من تدحلهم الموضوع ريمو وبسكوته والمهندس احمد وكل سنه وحضرتك طيب :120105~352:
اهانة ايه ولمين
انا مش فاهمة حاجة
انا اخدت كلامك هزار وده كان واضح جدا من ردى عليك
لكن المهندسة ريمو زعلت فعلا
لدرجة انها مش عاوزة تدخل المنتدى تانى
والسبب
جملتك دى
الموضوع القديم ما اتفتحش
والتليمح عنه كان فى موضوع خاص بالعضوات
ومعتقدش انها وجهت اى اهانة لاى شخص
وسبق واعتذرت العام الماضى فى الموضوع عن سؤ الفهم اللى حصل
مكنش فى داعى لجملة زى اللى قولتها
وفى النهاية كلنا اسرة واحدة
وارد جدا ان حد يزعل والتانى يقوله حقك عليا
هى دى علاقات البشر
حقكوا عليا كلكوا
انا اللى لمحت عن الموضوع
امشى يا موضوع
امشى يا موضوع :ma: