مشكلة فتيس الأتوماتيك فى النيو أكسنت

**Mohamed_Gamil** · 25-08-2010 08:39 PM

السلام عليكم ،،،

عندى مشكلة فى فتيس الأتوماتيك فى عربيتى النيو أكسنت 2010 الجديدة وهى لسة مكملتش 7,000KM الفتيس كان زى الفل فى الأول وبعدين من حوالى أسبوع كدة بدأت أحس أن النقلة التالتة والرابعة بتتأخر شوية بس قلت عادى يمكن أنا مش دايس جامد على بدال البنزين وبعدين من كام يوم كدة التأخبر زاد وبقى ملحوظ أوى لدرجدة أن الـ RPM بيوصل لحد 5 والفتيس لسة منقلش للنقلة الرابعة !!!!

أنا حجزت ميعاد فى التوكيل يوم السبت القادم والصراحة قلقان جدآ لتكون المشكلة كبيرة وأدخل فى حوارات بقى خصوصآ انى سمعت أن مشاكل الأتوماتبك ملهاش حل، ربنا يستر بقى أدعولى يا جماعة.

**lovermohamed** · 25-08-2010 08:52 PM

ربنا معاك ان شاء الله

ممكن تكون مشكلة بسيطه في الكهربا متقاقش ان شاء الله خير

**lolita** · 25-08-2010 09:00 PM

الاوتوماتيك الكوري وحش جدا بشهادة كل الناس

**hamdy** · 26-08-2010 12:03 PM

متلقش ان شاء االله يمون عيب بسيط مش جامد وبعدين
مين قال ان فتيش الكوري وحش اسئل الناس اللي راكببة النترا و ماتركس و جيتز وهما يقولولك ايه الاخبار

**mohamed** · 26-08-2010 12:41 PM

يا ريت صاحب الموضوع يبقى يقولنا ايه اللى حصل فى التوكيل والمشكلة كانت ايه بالظبط
وايه حكاية ان اوتوماتيك الكورى وحش يا ريت توضيح

**د.محمود صلاح** · 26-08-2010 03:04 PM

ان شاء الله بسيطة ووافينا بالاخبار من فضلك

**karakero** · 26-08-2010 04:05 PM

المشاركة الأصلية كتبت بواسطة lolita

الاوتوماتيك الكوري وحش جدا بشهادة كل الناس

انا مش عارف حضرتك مين كل الناس اللى شهدت بالكلام ده!!! ... انا معايا نيو اكسنت اوتو عامله 20,000 كيلو و الفتيس الحمدلله زى الفل .. و اعرف ناس كتير معاهم اكسنت و جيتز و النترا عاملين اكتر من 100,000 و كلهم اوتو و زى الفل برضه .... بلاش نطلع اشاعات و نعمم من غير دليل بعد اذنك!!!!!!!!!!!!!!!!!!

**Mohamed_Gamil** · 26-08-2010 06:17 PM

المشاركة الأصلية كتبت بواسطة mohamed

يا ريت صاحب الموضوع يبقى يقولنا ايه اللى حصل فى التوكيل والمشكلة كانت ايه بالظبط
وايه حكاية ان اوتوماتيك الكورى وحش يا ريت توضيح

المشاركة الأصلية كتبت بواسطة د.محمود صلاح

ان شاء الله بسيطة ووافينا بالاخبار من فضلك

أن شاء الله سوف أوافيكم بالأخبار لمل أروح التوكيل

المشاركة الأصلية كتبت بواسطة adham

طالما العربية في الضمان ما تعملش اي حاجة خالص لغاية ما يشوفوها

بس هل يوجد اي تسريب من زيت الفتيس

من خراطيم او الفتيس نفسة

هل لقيت مثلا زيت احمر تحت العربية

او هل حضرتك كنت بتعمل صيانة للعربية برة التوكيل قريب ؟؟؟

لان الاعراض دي ضعف ضغط ممكن يكون بسبب نقص كبير في زيت الفتيس atf(زيت الباور او زيت الهايدروليك)

لأ مفيش أى تسريب للزيت واضح، وأنا عامل صيانة الـ 1000km و الـ 5000km داخل التوكيل ولا أقوم بعمل أى صيانات بره التوكيل، ربنا يستر بقى ...

**semosoft** · 26-08-2010 07:06 PM

ممكن حضرتك تتأكد انك مش دايس على زرار الاوفر درايف

تاني حاجة جرب متدسش على دواسة البنزين جامد و خليك على 2500 ار بي ام و تابع النقلات
و ان شاء الله خير و تكون حاجة بسيطة