هل من علاج

**محمد بلال** · 25-08-2010 11:47 PM

هل من علاج

هل من علاج لمرض هوس نتف الشعر ( يعنىوالعياذ بالله تقعد تنتف غصب عنك فى شعر ذقنك أو حاجبك أو شعر رأسك )

**Soma_Sooma** · 25-08-2010 11:56 PM

هو يعتبر دة نوع من انواع التوتر زى قرقضة الضوافر كدة و ان شاء الله بيروح بس لازم تشوف دكتور يخرجك من حالة التوتر دى

**A7MED_PHARMA** · 26-08-2010 12:02 AM

أنا كان عندي هوس إني ألعب في حواجبي أيام ثانوية عامة
طول منا قاعد بذاكر
إيد ماسكة القلم..والتانية ماسكة حاجبي الشمال
ههههههههههههههه
بس الحاجات دي فعلا زي ماقالت سوما
توتر وقلق محدود بوقت..وبيروح بعدها
إنت بس ماتحطش في دماغك..وهتلاقيك نسيتها

أنا كنت داخل ثانوية عامة بحواجب زي شنبات الصعايدة..دلوقتي بقو خفاف خاااااااالص

**Soma_Sooma** · 26-08-2010 01:13 AM

المشاركة الأصلية كتبت بواسطة qenacity

للأسف المرض ده ليه اكثر من ست سنوات والواحد تعب منه على الاخر روحت لدكتور نفسى صرفلى مهدئات معملتش اى حاجه وانا اتخنقت من الوضع ده وبقى مسببلى احراج جامد

طيب هقولك على حل حلو انت طبعا مش بتحس بنفسك وانت بتعمل كدة . بس حاول تنتبة ان انت بتعمل الحركةدى و تبطلها وقتها و تعمل اى حاجة تانية تشغلك وتفضل تعمل كدة لحد ماواحدةواحدة تقل ان شاء الله

**grumby78** · 26-08-2010 01:22 AM

زي كلام الي قبلي
حاول تركز في العاده دي وانتا بتعملها و تمنع نفسك منها ودائما ذكر نفسك انها منتقده من الناس وانك ماتحبش ان الناس تربطك بالحركه دي . السيطره على نفسك يعني . الموضوع حيكون متعب لمدة اسبوعين على الاكتر وبعد كده ستتخلص منها باذن الله . وتذكر انت اكبر من ان تسيطر عليك عاده غريبه .

**ASKAFRAWY** · 26-08-2010 01:27 AM

المشاركة الأصلية كتبت بواسطة soma_sooma

طيب هقولك على حل حلو انت طبعا مش بتحس بنفسك وانت بتعمل كدة . بس حاول تنتبة ان انت بتعمل الحركةدى و تبطلها وقتها و تعمل اى حاجة تانية تشغلك وتفضل تعمل كدة لحد ماواحدةواحدة تقل ان شاء الله

انا متفق تماما مع الرأى دة,....لان انت اول ما هتبدأ تتوتر تبدأ تصرف اهتمامك بحبجة تانية..و صدقنى لو مارست نوع من الرياضة ولو حتى المشى هيقلل من موضوع التوتر دة

حل تانى بس من غير ضحك والله
انك تحلق زيرو و تحلق ذقنك لفترة معينة لحد ما تنسي العادة دى
انا و الله مش بهزرلان لو مكانك كنت هعمل كدة ما هم كدة كدة هيقعوا من النتف يبقى بيدى لا بيد عمرو

**rodyA113** · 26-08-2010 01:36 AM

السلام عليكم
هو ردود بصراحه جميله بنعتبرها عندنا في علم النفس علاج سلوكي بس قبل ما ابدا اتكلم مع حضرتك ممكن تقلي سنك ولو متزوج وامتي حضرتك حصلك كده؟ ولاحظت ده امتي؟ وبدات بالقوه دي ولا بالتدريج لحد ما بقت عاده عند حضرتك؟ حضرتك عصبي ولا لا؟عندك مشكله تانيه زي تحريك او اهتزاز الأطراف؟

**ASKAFRAWY** · 26-08-2010 01:40 AM

المشاركة الأصلية كتبت بواسطة rodya113

السلام عليكم
هو ردود بصراحه جميله بنعتبرها عندنا في علم النفس علاج سلوكي بس قبل ما ابدا اتكلم مع حضرتك ممكن تقلي سنك ولو متزوج وامتي حضرتك حصلك كده؟ ولاحظت ده امتي؟ وبدات بالقوه دي ولا بالتدريج لحد ما بقت عاده عند حضرتك؟ حضرتك عصبي ولا لا؟عندك مشكله تانيه زي تحريك او اهتزاز الأطراف؟

وهل يفتى و ملك فى نايل موتورز...اتفضل يا دكتور طبعا مفيش كلام بعد كلام علم النفس

**rodyA113** · 26-08-2010 01:54 AM

الله يخليك ميرسي ربنا يشفيه يارب هو الشافي بسيطه ان شاء الله

الموضوع: هل من علاج

LinkBack

أدوات الموضوع

عرض

-

-

-

-

-

-

-

-

المواضيع المتشابهه

علاج الثعلبة

علاج الخبطه :(

علاج الصلع

الكلمات الدلالية لهذا الموضوع

المفضلات

المفضلات

ضوابط المشاركة