سؤال عن ميتسوبيشي ميراج 2000

**nona4455** · 26-08-2010 12:31 AM

السلام عليكم ارجو من الاخوه في القسم ان يفيدوني عن المتسوبيشي الميراج موديل 2000 كامله اتوماتيك 1800سي سي منحيث توافر قطع الغيار واسعارها وهل تختلف عن الانسر وهل هي اقتصاديه في البنزين ويسهل صيانتها عند اي ميكانيكي ياباني وضريبتها كام وشكرا لكم وكل عام وانتم بخير

**mr_vampire** · 26-08-2010 04:37 AM

متهيالي قطع غيارها نفس الكريستالة من حيث الكماليات. انما القطع الميكانيكية ومايخص الموتور اكيد فيه اختلاف بس اختلاف السي سي بس برده موجودة عند بتوع الاستيراد وفي بور سعيد بالعبيط. من ناحية الضريبة بقي اعتقد اعلي شوية عشان 1800 بس تحديدا معرفش بصراحة. وهيبقي حرق البنزين طبعا اعلي فلو امكن تخليك ( او تخليكي ) في الكريستالة العادية يبقي افضل واضمن. هي معروضة بكام ؟؟؟؟؟؟؟؟؟؟؟

**HeMa_LanCeR** · 26-08-2010 05:04 AM

المشاركة الأصلية كتبت بواسطة nona4455

السلام عليكم ارجو من الاخوه في القسم ان يفيدوني عن المتسوبيشي الميراج موديل 2000 كامله اتوماتيك 1800سي سي منحيث توافر قطع الغيار واسعارها وهل تختلف عن الانسر وهل هي اقتصاديه في البنزين ويسهل صيانتها عند اي ميكانيكي ياباني وضريبتها كام وشكرا لكم وكل عام وانتم بخير:s_thum1[1]:

الكلام اللي هقوله ده لو انت من القاهره لكن لو من بورسعيد هتقي كل حاجه هناك
قطع الغيار : غيرمتوفره
اسعارها : نفس الكرستاله في حالت انك لقيتها أصلا
الأختلاف : الصاج اقوي من اللانسر الشكل ختلف شويه (كابوت - اكصدامات - شنطه -رفارف - موتور)
البنزين : طبعا غير اقتصاديه
الصيانه : سهله بس المشكله قطعه الغيار
الضريبه : لأ اعلم بس طبعا غاليه لأنها عدت فئه ال 1600 سي سي

**mr_vampire** · 26-08-2010 04:55 PM

معرفناش هي الميراج معروضة بكام ؟؟؟؟؟؟؟؟؟؟؟

**nona4455** · 26-08-2010 06:09 PM

السلام عليكم السعر المطلوب من صاحبها 60 الف وعامله 100 الف كبلو ولو ممكن تفاصيل اكتر كن الميراج اكون شاكر:b4_388:

**mr_vampire** · 26-08-2010 07:46 PM

طيب نصيحة ممكن بالسعر ده او تزود كمان الفين وتجيب مكوة او موديل 2001 لحد 2003 وعربية محترمة وكماليات عالية وشكل جديد كمان وعالية عن الارض كتير.

**shriefcolt** · 30-08-2010 12:39 AM

الميراج نفس قطع غيار الكريستاله من حيث العفشه و الفوانيس الخلفيه
والكشاف الامامي نفس كشاف الكولت من 96 لغايه 2001 ومتوفر في الحرفيين انا اشتاريت جوز ب500 جنيه
الموتور قطع غياره بالعبيط في بور سعيد
بصراحه عربيه تمام