انا عايز اعرف رأيكم فى عربية
باسات 1999
2000 سى سى
اتوماتيك
85000 كم
فابريكا جوه و بره
صيانة توكيل
مش عايزه غير 4 فرد كاوتش
و غير كده الصيانه بتاعتها على حساب صاحبها فى التوكيل
ايه رأيكم فيها و سعرها يعمل كام
عرض للطباعة
انا عايز اعرف رأيكم فى عربية
باسات 1999
2000 سى سى
اتوماتيك
85000 كم
فابريكا جوه و بره
صيانة توكيل
مش عايزه غير 4 فرد كاوتش
و غير كده الصيانه بتاعتها على حساب صاحبها فى التوكيل
ايه رأيكم فيها و سعرها يعمل كام
هى يا 1800
يا 2000
مش فاكر بامانه
كانت مع واحد صاحبى عربيه غوووول بس معرفشى ظروف صيانتها وقطع غيارها أيه
هوه باعها وجاب أوكتافيا الجديده
يعنى عربية حلوه
انا عمرى ما سوقتها
انا باشوفها بس
انما شكلها جامد مووووت
فين عاطف بك صالح يدلنا
هو اللى شغال فى قطع غيارها
عربيه جميله اتكل على الله
عربية ممتازة يا طنانى لكن اسمع عنها إنها بتجناج مقصات كل فترة ودى اكتر حاجة بتكلف فيها
عشان والدى كان عايز يجيب واحدة زيها بس هو مش بيحب يروح كل شوية عند الميكانيكى أو يغير حاجة فى العربية باستمرار
فزملاءه فى الشغل قالو له بلاش منها أحسن وربنا يكرم بعربية كويسة ليه
أحسن اليومين دول واخد بالاوبل ماشى بيها هيا عاجباه أوى بس مش هينفع يجيب واحدة زيها
هو انت نويت تسيبنا غنت كمان يا طنانى
كان ادامى حاله شبه دى تقريبا كان لونها فضى
صاحبها بيتكلم فى 100000
واحد صاحبى تانى كان شارى باسات بس مانيوال 1600 فابريكه بره وجوه
ومش محتاجة الهوا زيرووووو بس 2001 او 2002 مش فاكر بالظبط المهم كانت عامله 103000
من ناحيه العربيه هي متعه في السواقه لاني ركبتها بس اسمع ان قطع غيارها غاليه واسمع كمان ان مقصاتها غاليه
اما بالنسبه للسعر انا شايف ان هو كتير شويه يعني انا شايف ان لو حالتها شاذه اوي يبقي 75 حلو عليها لان انا كان قدامي وحده 1600 مانيوال فابريكه بالكامل صيانات توكيل بردو لو شلت النمرتين تتباع زيرو كان مطلوب فيها 75 بس لما سالت علي سعرها كله قالي عشان حالتها 70 الف حلو عليها.
بس المهم لو نويت شوف قطع غيار المتور ده موجود هنا ولا لا.
وفي حاجه كمان لو الموتور ده مش بتاعها ومتسقط لها السعر ده هيخلف تماما.
انا اللى قلقنى فيها موضوع المقصات ام 12000 جنيه
لأ ياعم بلاش أحسن
للأسف الرقم صح
و عشان كده صرفت نظر خالص عنها حتى الأن لغاية ما اتأكد من حاجة
عربيه محترمه جدا جدا جدااقتباس:
انا اللى قلقنى فيها موضوع المقصات ام 12000 جنيه
و تقدر تقول عليها عربيه رياضيه مستخبيه جوه عربيه فخمه
بس الرقم اللى انت بتقوله ده مرعب اوي
ما انا فكيت دماغى منها لغاية ما انزل الوكاله عند ناس حبايب الميكانيكى بتاعى اعرف عنها كل حاجة
الموتور قطع غياره موجودة استيراد كتير, و متهيألى كمان الجديد مفيش منو مشكلة, موضوع المقصات قتل كلاما, المفيد العرفته لغاية دلوقتى, ان المقصات الأصلى جديد بتتكلم فى حدود 6000 - 6500 ج.
بعد كده ناس ملاك جدد للموديل ده سألو على الأسعار عند بعض تجار قطع الغيار فى دمشق و رمسيس و السعر فى حدود 3000 ج.
و أخيرا استيراد حالة جيدة بتتكلم فى 1500 ج تقريبا, بصراحة 12000 ج عمرى ما سمعتو, أنا أكبر رقم سمعتو كان 8000 ج أيام الغلو.
ممكن 12000 ديه تكون يا سعر توكيل, ياما لو مقصات ال 2000 سى سى تختلف عن 1600 سى سى.
و أخيرا بالنسبة لموتور و فتيس الباسات 1600 سى سى, يتطابق تماما مع البورا 1600.
العربيه جميله يا طنانى.. من العربيات اللى كنت بدور عليها ايام ما كنت بشترى العربيه
بس عيبها موضوع المقصات ده.. ناس كتير جدا بتشتكى منه لانهم غاليين وفوق كده بيتغيرو كتير.. وبيقولو برضه فرش السقف بيقع كتير.. والله اعلى واعلم طبعا
بالنسبه للسعر.. ال 1600 سى سى لو نضيفه اوى اوى اوى ما تزيدش عن 70 الف.. حلو مووز عليها
ايييه يا بوب.. انت هتسيبنا ولا اييييييه
لا هاروح و لا اجى
قاعد معاكم
هروح فين