ياباشا الله واكبر وربنا يخليلك يوسف يارب
انا المشكله ان ابني اكبر من بنتي بسنه فلما كان بيضربها كنت بزعقله واقوله اختك حبيبتك لحد ماهي بقت تضربه وهو مايرضاش يضربها وبقي يعامل اي اطفال بنفس المبدأ
عرض للطباعة
ده ايه تربية الغابة ده
من الافضل تفصلى اولادك عن التخلف ده
محدش بيستخدم التفاهم بالايد غير الحيوانات
انا قبل كده كنا في مناسبه وضربو ولادي كالعاده المهم بقيت لما يبقي في حاجه عندهم اروح لوحدي واسيب مراتي مع الاولاد ولما كانو بيسالوني اقولهم قاعده مع الاولاد علشان يحسو بس برده مافيش فايده مش عارف بجد اعمل ايه
ربنا يخليك ويرزقك بالذرية الصالحة
جزاك الله خيرا عن التوضيح
الكلام كان موجه ليا انا يا افندم واستاذه مسلمة جزاها الله خيرا حبت توجهه بطريقة غير مباشرة تجنباً للإحراج.
جزاك الله خيرا مرة أخرى وجارى التغيير ورمضان كريم
اول حاجه متخليش اولادك يختلطوا بالاطفال دول نهائى و انت كمان قلل زياراتك لاخر درجه لو مهم انكك تروح عندهم روح لوحدك اقضى مصلحتك و خلص موضوعك و بعد كده اتوكل على الله و امشى ....... هما هيحسوا و متستناش من ابن خالتك ده و مراتو اى خير لانهم مش فاهمين و مش هيفهموا غير اللى هما اتربوا عليه و طبعا واضح من موضوع الاظافر الطويله .............. مش هطول عليك شيل ده من ده يرتاح ده عن ده
لا يا استاذ عصام متستهونش بالموضوع ده... و طالما بتعمل الصح يبقى مفيش حاجة اسمها (دماغك صغيرة)
موضوع ضرب الأطفال ده حاجة صعبة و تأثيره مش كويس...أنا فى حضانة و ابتدائي كنت فى مدرسة متبعة سياسة ضرب التلاميذ على الفاضى و المليان منهم لله و لحد دلوقتى مش ناسي و لا عمري هنسي قسوتهم اللى كانوا بيعملوه و لسه لحد دلوقت بحاول أعالج نفسي من الأثار اللى سابوها فى شخصية و طباع الواحد.
و لو كان الموضوع مش عادي مكنش فى أوروبا تلاقى مصطلح Child Abuse و ده بيصنف كجريمة لدرجة انهم لو اشتبهوا فى واحد بيضرب ابنه بياخدوا الطفل منه رغم انه أبوه!
بس انت بتقول ابن خالك... فاستعمل السياسة كلم أطفاله باسلوب حلو ان ده عيب و حاول تحايلهم و كده بس لو عايز نصيحتى متسبش الموضوع و لا تستهتر بيه.
انا زي مابيقولو كده اللي يرش ابني بالميه ارشه بالنار ولابالدم مش عارف
انا ممكن اقوم اضرب العيل اللي ضرب ابني وميهدالي بال الا لو خدت حق ابني او هو اخد حقه وانا الحمد لله ابني بيعرف ياخد حقه ومش انا اللي علمته كده دي والدتي كل ماروح هناك تعلمه شويه
دلوقتي اللي بيعمل معاه حاجه يجيبه من قفاه وينزل بيه علي الأرض ولازم يعمل تثبيت اكتاف - اصله بيتفرج علي المصارعه معايا
زمان كنت غلبان وكانو في المدرسه يغلسو عليا وكان ابن عمي دايما مستقصدني ويضربني وكانت امي دايما تشتكي وخصوصا ان مرات عمي تبقي خالتي لحد ماجيت في مره زنقته علي الحيطه وطبقت في زمارة رقبته لحد ماكان هيموت في ايدي وبعديها حرم ييجي جنبي
وفي الثانوي برده كان واحد بيغلس عليا وقاعد ورايا قمت قام علي التخته ونازل باليد في وشه لما عورته - ساعته الفصل كله بقي يعملي حساب
مع احترامي لكلامك يا ماندو
ولاد بنات متفرقش
اللى يضربها تضربه ما دامت مش هي اللى بتبداء بالضرب
وهاتجيب ولي امر التلميذ ازايحنا بنتكلم في العملي وحتي لو جبت ولي امره ممكن يعمل زي ابن خالة اخونا
باختصار مش هخلي عيالى جبناء علشان خاطر اي حد
ا
وكيل نيابة النائب العام ولا تفرق معايا
هو اب وانا اب
مش هيربي عياله هخلي عيالى يضربوهم
لا يا عصام بيه مفيش لخبطة ولا حاجة
انا معرفهم ان الى يضربهم يضربوه
ولو كنا برة وقلت لهم لا بردو ميسكتوش الا لما ياخدوا حقهم وهم الل ىيضربوا يعني متفق عليه بيني وبينهم ازاي يتلخبطوا ؟؟؟؟؟؟؟؟؟
ودلوقت يا باشا بقوا بيفهموا كل حاجة بس احنا نقدر نجاريهم بس
وكيل نيابة النائب العام ولا تفرق معايا
هو اب وانا اب
مش هيربي عياله هخلي عيالى يضربوهم
د/محمد بتهيالي انا ماقدرتش اوصل لحضرتك قصدي هو انا مش خايف منه يعني علشان شغله زي ماحضرتك فهمت انا بخاف علي زعل خالتي اللي هي والدته وانا كمان بتحرج جدا بشكل عام ومش عايز اتحط في صوره اني بصغر دماغي ودي اطفال وبتلعب والكلام ده انا لما بمنع نفسي بلاقيه يجي عندي هو والضرب بيبقي ديلفري:fdsa:
حضرتك لو انت عندهم فى البيت اول ما الامور تخرج عن السيطرة ويبدا الضرب حضرتك تقوم مروح على بيتك ويظهر عليك انك مش مبسوط
اما لو كانو ضيوف عندك وحصلت مشاكل بين الاولاد تدخل ولادك حجرتهم وتقول مفيش لعب بالطريقة دى بدون ما يظهر عليك زعل وترحب بيهم جيدا علشان الروابط الاسرية
نصيحة من اب
بلاش تعلم اولادك العنف
هههههههههههه
حلوة الضربة الدليفري ده
طبعا عارف يا عصام بيه ان المسالة مش خوف
المسالة احراج
بس اذا كان هما معندهمش دم يبقي انا مش هضحي بولادي علشان خاطرهم
خد بالك ان السن ده ولادك بيكتسبوا فيه عاداتهم السلوكية يعني اللى هايبقي جبان هيفضل جبان طول عمره واللى هينضرب النهاردة هيفضل ينضرب طول عمره مش لازم ضرب مادي في المستقبل هايبقي ضرب معنوي وهايبقي ليهم حقوق ومش هيعرفوا يدافعوا عنها لانهم متعودوش يدافعوا عن نفسهم
يا عصام بيه ما قالك لما مش بيروح لهم هم بييجوا والضرب بيبقي دليفري
ونصيحة بردو من اب
بلاش تعلم ولادك العنف
لكن في نفس الوقت لازم تعلمهم يدافعوا عن نفسهم
ولاحظ ان كل كلامي كنت حريص مع ولادي انهم ميبداوش مع حد الضرب
لكن اللى يعتدي عليهم لازم يعتدوا عليه وبعنف اكتر علشان ميفكرش هو ولا اي حد تاني انه يكرر الاعتداء عليهم
بجد ان بستغرب على الاطفال اللي مولوديين عدوانيين وفيه خبث ولئم غريب واللي يغيظ اكتر الاهالي اللي بيكونوا فرحانين بسلوك ولادهم !!!!!!!!!
ولادي طيبين جدا ومش بيبدأوا بالأذية
عندي سفندي طيب وغلبان ومش بيرضى يضرب اي حد اصغر منه
لكن مع اخواته عفريت وبتاع مشاكل
لقيت العيال استحلوا الحكاية سواء اولاد اخواتي او اولاد اعمامه وعماته
والكل بيضربه ويعضه ويخربشه حتى اللي لسه مطلعوش من البيضة اللي اقل من سنتين
مبقتش اتكسف من حد ولا اعمل حساب لحد خصوصا اللي امهاتهم تنحة ومش بتحوش ابنها عن ابني لو انا مش موجودة
واحيانا مش بيرضى ياخد حقه بروح مسكة ايده واخليه يلطش الولد التاني
كدة الولد التاني عرف انه لو ضرب هيتضرب
لسه امبارح بنت عمته مخربشاه كتير زي القطط وعندها حوالي سنة ونص وقاعد يعيط لي وعامل فيها مسكين
قلت له لو منزلتش خربشتها زي مخربشتك مش هتاخد مصروف
وفعلا راح خربشها ويقولي بس معيطتش عشان ضوافري قصيرة !!!!
بس انا عارفاه هو بيكون قاصد يكون حنين عليها
اخلى بالي من مين ولا من مين
انا مش هاجيب بناتي المقابلات تاني
يا نهار ابيض
امال العيال دول لما يكبروا الواحد هيعمل ايه معاهم وياخد باله منهم ازاي
قوينا يا رب
يا جماعة الموضوع دة متعب اوى
لكن فى النهاية ان احنا لازم نربى ولادنا من صغرهم انهم ياخدوا حقهم من الطخين
الله اعلم الايام مخبية ايه
وبالذات البنات اكتر لانهم بعد هايكبروا ويروحوا دروس ومدارس وكليات
وعينيكوا مش هاتبقى عليهم طول الوقت(معلش اصلى لسة عازب)
بلاش يبقى فيه خوف لان دة فعلا بياثر على الواحد جدا بعد كدة يا اما بالايجاب او بالسلب
مبقاش فى حد طيب فى الزمن دة ( الا من رحم ربى)
لازم نخلى بالنا كويس اوى من الموضوع دة
مافيش حاجة اسمها قرايب ونسايب وحبايب
ولادى دول اغلى حاجة عندى فى الدنيا بعد ربنا وامى وابويا
معلش مع احترامى لحضراتكوا
الناس اللى انتو بتتكلمو عليهم دول مش دايمين لكوا
لازم نربى فيهم الشجاعة وعزة النفس والقوة وكل دة يبقى فى الخير
الزمن اللى احنا فيه المفتح والمخربش هوة اللى بقى ليه احترامة ومكانته وسط الناس
انا من كتر احترامى لنفسى
ابن عمى وانا صغير شمتنى(ودى كانت حاجة كبيرة وقتها)
ضربته ضربه كان هايموت فيها
ودا بسبب عيب وماينفعش وانتا محترم خليك انتا الاحسن هوة الوحش وانتا الحلو
والكلام اللى لايودى ولابيجيب
وفى الاخر حصل نتيجه عكسية
وفعلاانا بشجع طريقة دكتور محمد فى تربيته لاولادة ( ربنا يخليهمله ويشوفهم عرايس كدة ان شاء الله
وياريت كلنا نعمل كدة
شكرا يا باشا هنعمل ايه بس
حرام لما كل شوية الاقي بنتي راجعة مضروبة مرة جسمها معلم من الضرب ومرة وشها احمر من الخوف والكارثة بجيبهم مرة من الباص على غير العادة لقيتهم نازلين الاتنين بيصرخوا وعياط والمشرف بتاع الباص بيقول مش هركبهم تانى قلت عملوا نصيبة قلت له خلاص هشوف فيه ايه الاول وكلمته بيني وبينه ان البنت الكبيرة عندها كهربا في المخ (الحمد لله اتضح بعد كدة انها سليمة وانه كان غباء دكاترة)
المهم واحنا راجعين على البيت احاول افهم منهم مش عارف من البكاء لغاية ما فهمت منهم الاقي فيه بنت قومت واحدة منهم من على الكرسي علشان تقعد زميلها جنبها تخيل
والبنت وبنتي ضربوا بعض والمشرف جه مع البنت التانية وقوم بنتي وبنتي من القهر حاولت تضربها والمشرف منعها والبنت الصغيرة بتعيط علشان اختها
اخدت البنتين في ايدي وعلى المدرسة وكلمت المسؤل عن الباصات قلت له اياك تتنقل انا جاي لك
رجت المدرسة والشرر بيطلع من عيني ودخلت فيهم شمال على طول وانا هخرب بيتكم وهطلع من هنا على الوزير (كان يسري الجندي وكان راجل محترم جدا عكس احمد زكي بدر) طيب اهدا لا مهداش المدير بعتت مدرسة جابت للبنت مية واهدي يا حبيبتي ايه اللى حصل البنت قالت اللى حصل وحقكم علينا ومش هتتكرر
طبعا رفضت واصريت على معاقبة المشرف والسواق وان البنت دي تتعاقب لان الباص مش بتاع اللى خلفوها ولا سينما علشان تقوم بنتي وتحجز المكان لزميلها وكان بها وفعلا بعدها احترموا نفسهم وبقوا لا مؤاخذة زي الجزم
وواحنا راجعين مش هقولك البنات كانوا مبسوطين ازاي لانهم حاسوا ان ابوهم مش هايسيب حد يأذيهم من غير ما يجيب لهم حقهم
وواحنا راجعين عدت عليهم الدرس بتاعنا من تانى ان اي حد يضربكم اضربوه عشر اضعاف ما ضربكم وانا المسؤل ومتخافوش
انا ضد ان الطفل يبقي عدواني
لكن ضد انه يبقي مستسلم وخاضع كل من هب ودب يأذيه معنويا او جسديا
وفي زماننا لازم الطفل يعرف ياخد حقه من وهو صغير علشان يعرف ياخد حقه وهو كبير
البنت التالتة بسم الله ما شاء الله مش مستنية اعلمها حاجة هي معلمانا كلنا الادب ومش بتسيب حقها وبتضرب اي حد في البيت لو اخد اي حاجة بتاعتها
فيه مشكلة بتبقى لما واحد من الاخوة بيأذي اخوه او اخته ولما المظلوم يروح لباباه والا مامته يبقوا سلبيين
ده في النهاية حيطلع انسان لما يكبر شكله ايه؟
ربنا يخليك يا ديفل
تقل جيبك وانا جاهز
هههههههههههههههه
بنتلكك اهو انت اولى من الواد بيدو ابن كريم واخد العملية سرمحة وخلاص وشكله مش ناوي على جواز
والله يا مسلمة دي مشكلة رهيبة
يعني بصراحة العملية مملة ومرهقة ومقرفة بشكل غير طبيعي
انا علشان قاعد اليومين دول وهما اجازة كمان فاخدت بالي
مفيش نص ساعة تعدي من غير ما واحدة فيهم تضرب التانية واحقق واخلي الغلطانة تعتذر وخلاص مش هتعملي كدة تانى مفيش نص ساعة واحدة جاية تشتكي وهكذا الخ الخ الخ الخ لما حسيت ان الحياة كلها فض خناقات بينهم
مسلمة انتى عندك ولاد ؟؟؟؟؟؟؟؟
لو عندك ولاد هتعرفي ان العملية فعلا مملة ومميتة
في اليوم الواحد مش اقل من 100 خناقة
انا جالي انهيار عصبي منهم
الله يكون في عون امهم
انا عرفت سبب عصبيتها عليهم
العيال يجننوا والله كل نص ساعة خناقة ويمكن ده اللى بيخلي الاهل بيزهقوا ويسيبوهم يمكن يخلصوا على بعض ويطبقوا قانون الطبيعة البقاء للاقوي
مش هعمل فيها مثالي انا النهاردة اخر ما اتخنقت منهم بعد طبعا مش اقل من 5 ولا 6 مرات شكاوي متبادلة دي ضربتني دي شدت شعري الخ الخ وكمان وانا صايم يعني مش شايف ادامي ضربت الاتنين وزنبتهم
صحيح قلبي كان بيتقطع بس كان لازم مهزلة الشكاوي المتبادلة تهدا شوية والحمد لله بقية اليوم محصلش غير عشرتاشر خناقة بس