-
مليونير المرور المجهول
الاخوه الاعزاء فى المنتدى تحيه طيبه وبعد
كنت من اسبوعين فى المرور بجدد رخصه العربيه اما كان يوم ربنا مايوريكم الجو حر وزحمه وجدع اللى عنده معرفه وواسطه ويعرف يسلك وكملت بانى الملف بتاع العربيه كان تايه والموظف مش لاقيه فطلب منى الموظف ان استنه واصبر لاكده لاتعدى بكره نكون جمعناه بيعاقبنى كانى انا اللى ضيعته فاطررت الانتظار مع السكوت التام الخلاصه يوم يخليك تحسد اللى ممعهوش عربيه وشاف يوم اسود زى ده روحت افحص الموظف طلب منى اجيب بصمه الموتور
تتجاب منين يا جدعان قالولى عامل البصمه اهو اللى واقف بين العربيات اديله 5 جنيه وياخدهالك روحت جارى عليه لقيته واجل للو شوفته فى الشارع وهتطلع اللى فيه النصيب وتدهوله لا يحمل من حطام الدنيا سواء قلما رصاص وكمان مجيبش البرايه ومنهمك فى اخد البصمات ايشى كروز ايشى سيراتو ايشى قلت فى عقل بالى وده هيرضى ياخد بصمته الادا بتاعتى يلا ربنا يستر وبحنن قلبه المهم استنيت لما راق وروحنت ريحله وبكل ادب ممكن لو سمحت تاخد بصمه عربيتى :ask: قالى فين قلتله اهى كانت على بعد 20 متر ومع ذلك قالى هتهالى قولتله حاضر وانا ماشى اجيبها كنت بقوله فى سرى منك لله هو البنزين ببلاش يلا ان كان ايك عند الكلب حاجه قوله حاضر جبتهاله قالى افتح الكبود فتحته بص للموتور بقرف وحسيت انه كان عايو يرجع ع الموتور اصلى كان لسه واخد بصمه تيوتا كرولا معلقتش نمر ورحت مطلع ال5 جنيه اخدها برضوا بقرف المهم خلصت بعد مخلصت روحت رايحله واقف اعدله فى العربيات اللى اخد بصمتها واللى لسه هياخد:049::049:
لقيت المتوسط حوالى 50 عربيه روحت قوام مطلع التليفون وجايب الاله الحاسبه ومضرب يامعلم 5 فى 50 يساوى 250 قول فى 25 يوم شغل يبقا ايه الرقم ده انا غلطت ولا اكونش زودت صفر ولا العده هنجت الناتج طلع 6250 فجاه حسيت بدوخه والدنيا لفت بيه وصعبت على نفسى ومر امامى شريط حياتى مدرسه ودروس :3_3_102[1]:وجامعه ومصاريف و10 سنين متعين مدرس والاستاذ راح والاستاذ جه والاستاذ خد الكادر عارفين مرتبى كام ولا اقولكم بلاش اصلى بخاف من الحسد فى النهايه اتمنيت انى الراجل يشغلنى معاه قلم لا قلم ومسطره واستيكه بس ادعوا ان هو يوافق
-
والله حضرتك عندك حق
بس الاشد منه مهندس الفحص انا شوفته بنفسي في مرور السلام وكنا في رمضان سنه 2003
يعني كانت الد نيا لسه حنينه شويه
وكنت اخر واحد داخل افحص والراجل بتاع البصمه بعد ما اخد ال5 جنيه قالي الحق المهندس قبل ما يمشي ويقفل المكتب
دخلت عليه المكتب لا قيته مطلع رزمه فلوس ما لايقل عن 500 جنيه
وبيعدهم واول ما دخلت ارتبك طبعا وحطهم في جيبه
انا شخصيا اخد مني 40 جنيه من فرد واحد
20 للفحص
20 للطفايه قالي بدل ما تشتري طفايه ب90 جنيه انا اختم الايصال ووفر الباقي
لان الطفايه اللي كانت في العربيه كانت بايظه وكان المفروض اني اغيرها
اظن انه مهندس الفحص في الايام دي ممكن يعدي ال500 جنيه بمراحل
الله اعلم الفلوس اللي بيلمهوا غصب عن الناس مصيرها ايه معاهم
-
تدفع تعدي ماتدفعش ماتعديش سلاااااااااااام يا صاحبي
-
الفساد في المرور ده موضوع كبير
والغريب ان القانون وخطوات الترخيص تسمح للموظفين المرتشين - بعض - باستغلال الناس ابشع استغلال ولو كان المشرع عاوز ينهي كل المهازل دي لفعل في شكل خطوات يصعب الاحتكاك فيها بالموظف او رقابه صارمه او استخدام الانترنت للتجديد او كله من خلال شباك مراقب بكاميرات لمنع تسليم الرشاوي او وجود مكتب صارم في المرور لتلقي الشكاوي من فرض او طلب بعض الموظفين للرشاوي ولكن للاسف هما عاوزين كده . الفساد اصبح مستشري بشكل شبكي .
-
ولا الصراف إللي دايما المبالغ عنده تنتهي بصفر .... ما فيش فكه أبدا
بس أنا سمعت انهم مش بياخدوا الفلوس دي لوحدهم.... الكبار بياخدو منهم "إتاوه شهرية" مقابل إبقائهم في أماكنهم
-
انا فى كلام كتير مش عارفه اجمعه مش عارف العيب فى مين
المهم ده الطبيعى فى بلدك
وعلى فكره الخمسه جنيه ديه مش كلها بتروح ليه ديه بتتوزع بعد كدا
ولو انت متدهوش الخمسه نيه هوا هيطلبها يعنى بيعتبرها ثمن الورقه
-
كلامك صح
بس شوف في الآخر بيعمل بيهم ايه
ده في الأول و الآخر مال حرام
خليه ينفعهم كلهم
-
مش متخيل ازاى بيقبل على نفسه وعياله المال الحرام؟
ولا حد مفهمه ان ده حلال؟
-
قولوا للاكل الحرام يخاف
بكره اللى اكله يفسده
-
ياعم شوف السايس الواقف فى الشارع علشان يركنك بياخد كام منك و من كام واحد زيك فى الساعه الواحده ولا الناس الوقفه فى الشارع بتغسل العربيه بجردل مياه و شويه بريل و ياخد منك 10 او 12 جنيه زى الباشا و مش عاجبه
Content Relevant URLs by
vBSEO 3.6.0 PL2