أوك بناء علي طلب سيادتكم ان اليوميات متقلبش لبرنامج اسامه منير هنتظر نتكلم في الموضوع ده بس بجد حاول تتكلم لان ده هيتعبك كتير عموما ان شاء الله خير وهنتظر ان شاء الله نتكلم سوا وان شاء الله تغير وجهه نظرك:s1[1]:
عرض للطباعة
[QUOTE=rodyA113;3872985901]وتسلمي يارب من كل شر يا قمر ميرسي لذوقك والورده الرقيقه دي ....خلاص قوليلي المكان والتخطيط والتكتكه وانا هحاول ان شاء الله بعد ما ناخد التصريحات هههههه:s1[1]:[/QUOTE
الله يخليكى يا رودى...انا مش فى دماغى مكان معين الحقيقة بس ان شاء الله قريب نعمل موضوع مخصص لمقابلتنا وناخد رأى بعضنا ونحدد المكان سوى :B4_033:
طيب طالما عايزين مواضيع من يوميات الأعضاء...
لسه حاصللى اليومين اللى فاتوا موقفين صغيرين واحد حلو و واحد وحش. مواقف من العادية يعنى...
استحملوا بقى الملل اللى هأعمله :049:
الموقف الحلو:
كنت راجع مرة بالليل البيت و كان فى غفير قاعد فى الشارع اللى جنب البيت حاطط كرسيه على الرصيف.
الأضاءة ضعيفة و الواحد مش شايف كويس ..و أنا معدي من جنبه لقيت رجلى شاطت حاجة بعديها لقيت مج فاضي بيتنطر و يقع على الرصيف و يتكسر. هو كان حاطه على الأرض جنب الكرسي و انا مشفتوش.
قعدت اعتذر له و أقوله أسف و مشفتوش و مكنش قصدي و هو يقولى عادي و فداك و مفيهاش حاجة و اسلوب كلامه كان محترم و كسفنى بزيادة..المهم كملت البيت و جه على بالى...كلنا بنبقى تعبانين من الدنيا دي و أسلوب المعيشة و أفتكرت العصبية الزايدة اللى الواحد بيشوفها من الناس فى الشارع. ممكن تلاقى ناس لابسة بدل بتنزل تتخانق عشان واحد مد بوز عربيته قبل التانى و يشتموا بعض أو خبط عربية التانى من غير خدوش. و واحد زي الغفير ده انه يمتلك عربية دي حاجة فوق خياله
او تلاقى الناس بتتخانق لو واحد سبق التانى فى طابور الكاشير فى كارفور و واحد زي ده اكيد عمره ما شاف كارفور و لا حتى جاب يقدر على تمن خضار أو فاكهة من سوبر ماركت لأنها أغلى من السوق.
طب واحد زيه قاعد غفير بيقبض فى الشهر حاجة بسيطة و طالع عينه كان ممكن يلاقى فى الموقف ده تنفيس عن غضبه انى كسرت مج الشاى اللى بيسهر عليه و تسليته الوحيدة طول الليل. و يعبر عن سخطه من هموم الحياة فى الموقف ده لكن بدل كده كانت روحه حلوة و اسلوبه كريم فى الكلام.
طبعا رجعت البيت برضه حاسس بالذنب من المج اللى اديته بالشلوت فى الضلمة ده..جبتله مج نضيف من عندي عشان انا عارف قداسة كوباية الشاى للغفرا و الحراس من شغلى و رحت اديتهوله و اعتذرت تانى. و طبعا كان ذوقيا محرج ياخده و يقولى لا ميصحش و مكانش قصدك و فداك و كده و بعدين خده أخيرا و مشيت.
الموقف ده عادي بس انا بفرح لما ألاقى واحد عنده سعة نفس و أسلوب مهذب و مش مخلى حياته تحكم أعصابه و ده مبقتش اشوفه كتير للأسف.
يا ريت مكونش زهقتكم :E_braces[1]:
لا بالعكس انت حسستنا ان لسه فيه حاجات حلوه كتيره حوالينا اولا ربنا يحفظك انت نفذت كلام الله (هل جزاء الإحسان الا الإحسان) الحمد الله رب العالمين هو رجل بسيط لكن عنده اخلاق ممكن فعلا مكنش عنده الا المج البسيط وشويه الشاي بس انت جزيته على حسن اخلاقه معاك الحمد الله الخير في وفي امتي الي يوم الدين جزاك الله خير
بس حضرتك قلت الموقف الحلو ومقلتلش الموقف التاني الوحش ايه ده انت نمت؟؟؟ هههههههه ياله مستنين الموقف التاني :ma:وحضرتك شرفتنا بتواجدك في يوميات سكان مدينه نيل موتورز الفاضله :s1[1]:
قلت أشوف رد الفعل الأول لحسن اتحدف بالطماطم بس شكرا كتير ليكى شجعتينى :satelite:
الموقف الوحش:
هو تسجيل أعتراض....
هل عدم النظام ده مشكلة مسؤلين و لا الناس.
اكيد كلنا عارفين ان المشكلة عندنا فى الحياة العامة مشكلة ادارة...
بس للأسف فى ناس مش منظمين بالمرة حتى لو معاهم شهادات عالية.
ابسط شيء فى تنظيم الواحد لشغله انه يكون عنده مواعيد عشان مصالح الناس.
أتكلم النهاردة على دكتور كان المفروض أروحله عشان كشف. و اكيد بنعاصر المشكلة دي كلنا مع بعض الدكاترة...فى ناس منهم منظمين طبعا بس ياريت نكون احنا المتعلمين بصفة عامة لو شغلنا بيتعامل مع الناس اننا كأدارة ننظم الشغل ده.
كان واحد قاللى علي الدكتور ده بعد لما جربت العلاج مع اتنين سابقين قاللى انه كويس فسألته على معاده و نمرة العيادة عشان الحجز.
قاللى مفيش حجز! قلتله طيب النظام ايه؟ قاللى هو بييجى على الساعة اتنين و بيفضل لحد 4 فى رمضان عشان كده روح بدري. الساعة 1 مثلا
انا اساسا مش بحب الانتظار و بزهق بسرعة ولكن مع حالتى المرضية الحالية الموقف أصعب بس قلت الله غالب و ان كنت حاسس بضيق من ان مفيش حجز أو أي وسيلة تنظيمية...و الواحد معندوش وقت
قلت اوك و الساعة واحدة كنت هناك و طلعت للعيادة لقيت أن العيادة لسه أصلا مفتحتش و الشقة مقفولة...هو العادي ان التمرجي بييجي قبل الدكتور بمدة عشان يفتح العيادة لكن لقيت الباب مقفول و واحد مريض مستنى الدكتور ادام الباب.
فضلت مستنى واقف شويه و بعدين رجلى بدأت تشتكى محتاج مكان أجلس فيه ..للأسف موضوع رجلى ده جاللى من شغلى القديم و فى النهاية سبته بس لسه بتعالج و مش بعرف أقف لمدة طويلة.
المهم نزلت سألت حارس الأمن قولتله التمرجي بييجى امتى؟ قاللى مفيش تمرجى هو الدكتور بيفتح العيادة بنفسه!!
طب بييجى الساعة كام؟ قاللى على 2:30 كده.
اتضايقت طبعا لما دكتور تخصص العظام و الجراحة و كده و اكيد فى كتير غيري بييجوا بسبب مشكلة فى رجلهم سواء بسبب حادثة أو خلافه يعملوا ايه و يستنوه فين؟ طب الرجل الغلبان اللى طالعله اللى قابلته على باب الاسانسير بيتعكز على رجل و ست معاه هيعمل ايه هو كمان؟ هيفضلوا مسندينه اكتر من ساعة بره الشقة؟طب و اللى جاي مع مراته و بنته الصغيرة هيقعدهم فين؟فين الرحمة بحال الناس؟
طبعا لما عرفت من الرجل بتاع الأمن ان الدكتور هييجي على 2:30 يعنى كمان ساعة و مفيش مكان للجلوس قلت ادور على مكان بره مشيت لمحطة الترام و لقيت كرسي قعدت عليه لحد الساعة 2:15 و برضه الجلوس لمدة طويلة كان بيزود الألم عندي أوي خصوصا ان كراسي الانتظار مش مريحة. قلت أطلع بقى قبل ما يفتح العيادة و ناس كتيرة تدخل و الموضوع يبقى زحمة.
طلعت - على كلام حارس الأمن - 2:15 يعنى بدري 15 دقيقة على ميعاد فتح العيادة زي ما الحارس قال....لقيت العيادة مفتوحة و مليانة للأخر ناس و الكراسى خلصت و فى ناس واقفة. :fdsa:
خدت بعضى و مشيت و انا بعرج على رجلى اللى حصلها اجهاد فى اليوم ده عالفاضي...
انا ممكن اكون مقصر يمكن كان المفروض اطلع مثلا قبل 2:15 و استحمل شويه؟ بس بصفة عامة تنظيم الدخول كله غلط..مفيش حجز...مفيش ميعاد محدد للدخول...الدخول بيكون انك تقف فى طابور طويل...طب اذا كنت انت أصلا جاي تتعالج لأنك مريض و مش بتعرف تقف فى طوابير :rfds:
ممكن تلاقى الدكتور ده بيشتكى من سوء التنظيم فى البلد.طب انت بدأت بنفسك؟ انت ماسك مشروع بتقضى فيه مصالح ناس برضه؟ هل رحمتهم و ريحتهم من عدم النظام و لا كنت صورة تانية مصغرة منه...صورة بتقول ان للأسف مننا مش منظمين و بيشتكوا و بيلوموا غيرهم على سوء ادارته و هو مش حاسس بسوء ادارته حتى لو الادارة دي على سكال صغير
لكل واحد طلب سكرين شوت للمنتدى ادي اللينك
http://web.archive.org/web/200705190...ors.com/Forum/
و ده برده
NileMotors.com :The Best Cars Forum In Egypt:: قائمة المنتديات
و ده الموقع اللي جبت منه
Internet Archive Wayback Machine
و اي خدمه يارجاله
لكل واحد طلب سكرين شوت للمنتدى ادي اللينك
NileMotors.com :: قائمة المنتديات
و ده برده
NileMotors.com :The Best Cars Forum In Egypt:: قائمة المنتديات
و ده الموقع اللي جبت منه
Internet Archive Wayback Machine
و اي خدمه يارجاله
:b4_033:اكيد انا مع حضرتك ان فعلا دي بقت مشكله العصر التنظيم وخصوصا في مهن لازم تراعي ده بس عفوا في فعلا دكاتره مبتقدرش تتحكم فيه وتلاقي الحجز بالشهور طب والتعبان يعني هيستني قدامه حل من اتنين ليروح لوسطي تدخله ليروح للممرض ويديله فلوس ويدخله وده طبعا لا حل ولا اخلاق لان في ناس تانيه تعبانه ومستنيه فعلا تحس انك في صراع ...انا بحكم عملي كفايه ان اقول مثلا انا الدكتوره فلانه ده لو انا عارفه الطبيب او حد زميلنا بشتغل في الجامعه ...ولا زم اكيد اشوف حد اثق فيه علشان اعرف اتكلم معاه ...فعلا لازم النظام ده يتغير وخصوصا الأطباء لازم يبقي في نظام حتي كمان في مكان العياده تلاقي دكتور تحصص باطنه وقلب في الدور 8 ومفيش اسانسير او جراحه عظام طب اذاي دول هيموتوا عقبال ما يطلعوا هي دعوه طيبه منك ونسميها ( ابد بنفسك ) غير انت الأول ونتذكر قول الله تعالي لا يغير الله ما بقوم حتي يغيروا ما بانفسهم ) دي دعوه حلوه من حضرتك نظم حياتك لتنظم حياة الآخرين :b4_611: متنساش توقيعك مقوله شكسبير Laughing Faces Do Not Mean That There Is Absence Of Sorrow"
".But It Means That They Have The Ability To Deal With It
we should have this ability to deal with each problem in a good way
Allah save you
http://www.nilemotors.net/Nile/Arabi...ons/report.gif http://www.nilemotors.net/Nile/images/vbseo/digg.gifhttp://www.nilemotors.net/Nile/image.../delicious.gifhttp://www.nilemotors.net/Nile/image...technorati.gifhttp://www.nilemotors.net/Nile/images/vbseo/furl.gif
http://www.nilemotors.net/Nile/Arabi...tons/quote.gif
شكرا على التعليق :) و ما شاء الله أحييكى على معرفة مصدر التوقيع :S_thum1[1]: ... ربنا يحفظك و يحفظنا جميعا...خلى بالك اللون الأحمر للتعليقات مخصص للأدارة بس :)... و أنا مستنى اسمع منك و من الأعضاء الأفاضل عن يومياتكم برضه و لو مواقف صغيرة. أي موقف بسيط بنتعرضله ممكن نطلع منه حكمة و لو بسيطة نفكر بعض بيها. فى مواقف تانية ممكن احكيها بس مش دلوقت حابب أسيب مساحة لغيري نتشارك كلنا:shine[1]: