الموضوع: ياريت اللى بيفهم يساعدنى فى الموضوع دة

هى بسم الله ما شاء الله شكلها حلو اوى بالبودى ومن غيرة
لاهم من البودى كيت هو ليها قطع غيار فى مصر ولا هتتسحل وتوفقها والقصص الفكسانة دى
اهتم بموضوع قطع الغيار دة علشان ما تدبسش فى العربية ويطلع عينك فى قطع غيارها

وعليكم السلام ورحمة الله

عربية جميلة بس هل ليها قطع غيار متوافرة؟ وأنا شايف انها من غير البودى كيت المتنفاخ ده شكلها أحلى لو أخدت بويه حلوة وجنط شكلة حلو .. و ناس كثير في الحرفيين كويسة و شغالة في الفايبر زى بسام و حواجب وغيرهم والناس بتشكر في بسام بس ان مش من هوة الفايبر عموماً

هى بسم الله ما شاء الله شكلها حلو اوى بالبودى ومن غيرة
لاهم من البودى كيت هو ليها قطع غيار فى مصر ولا هتتسحل وتوفقها والقصص الفكسانة دى
اهتم بموضوع قطع الغيار دة علشان ما تدبسش فى العربية ويطلع عينك فى قطع غيارها

الف شكر على ردودكم .. ومن ناحية قطع الغيار بتاعت الموتور فهى موجودة لاننا بنتعامل مع فيات والاكسسوار قليل جدا فى العربية واعتقد شبه مش موجود لانها مش محتاجة .. انما اللى فعلا انا باسال عليه دلوقتى هو قطع الغيار بقى للعفشة والحاجات دى ( الحاجات اللى مش ظاهرة) ودى محدش فادنى عشان ماحدش عرف العربية .. واللى انا هاعمله انى لما اكشف عليها هخلى الميكانيكى يشوف الحاجت دى وهو اكيد فاهم

اما بالنسبة للفايبر مثلا عند بسام ممكن القصة دى تتكلف كام ؟؟ وهل هو شغله كويس ولا اى كلام

يا رجالة فى ايه .. 37 مشاهدة و3 ردود منهم واحد بتاعى !!!
انا مش عايز الا حد يفهمنى اروح لمين اللى يقدر يعمل الشغل دة وممكن يتكلف كام

المشاركة الأصلية كتبت بواسطة mada_d12

يا رجالة فى ايه .. 37 مشاهدة و3 ردود منهم واحد بتاعى !!!
انا مش عايز الا حد يفهمنى اروح لمين اللى يقدر يعمل الشغل دة وممكن يتكلف كام

متستاهنش ان بحجم المشاهدات وقلة الردود لان حضرتك جايب عربية اعتقد اغلبية الناس مكنوش يعرفو عنها حاجة ( انا واحد منهم وشوفتها في فيلم قدييييييييييييييم كان فيه بوسي وسعيد صالح ومكنتش اعرف انها فيات اصلااااااااااا) سؤال جانبي هي العربية ده تعمل كام كسعر دلوقتي وموتورها كام سي سي ؟؟؟؟؟؟؟؟؟

المشاركة الأصلية كتبت بواسطة mr_vampire

متستاهنش ان بحجم المشاهدات وقلة الردود لان حضرتك جايب عربية اعتقد اغلبية الناس مكنوش يعرفو عنها حاجة ( انا واحد منهم وشوفتها في فيلم قدييييييييييييييم كان فيه بوسي وسعيد صالح ومكنتش اعرف انها فيات اصلااااااااااا) سؤال جانبي هي العربية ده تعمل كام كسعر دلوقتي وموتورها كام سي سي ؟؟؟؟؟؟؟؟؟

انا عارف ان العربية ماحدش يعرفها كتير بس لو حضرتك ركزت انا مش باسأل فى حاجة جوة العربية .... انا باسأل للناس اللى عارفين عن الشخص اللى ممكن يعمل شغل الفايبر اللى انا حاطط صوره ويتكلف كام بالتقريب !!! مش عن العربية خالص

عموما العربية سعرها لسة ماعرفتوش من صاحبها بالتحديد لانى لسة ماتفقتش معاه بس حوالى 25.000 فى الحدود دى والعربية 1500 سى سى

وانا لسة لحد دلوقتى مستنى الردود وبجد ارجو الرد من الادريين او الناس اللى فاهمة ياريت ماحدش يبخل بالمعلومة يا جماعة عشان انا بجد محتاج اعرف

هو انا سؤالى صعب اوى كدة ... ماحدش هنا يعرف حد بيعمل شغل فايبر نضيف ؟؟؟؟؟؟
انا والله العظيم ماجيبت سيرة على العربية انا عايز شغل الفايبر والسؤال واضح .. ماسالتش على قطع الغيار ولا العربية كانت فى فيلم ايه
عايز اعرف مين بيعمل تنفيخ فايبر زى اللى انا حاطط صوره وهيتكلف كام