أسطوانه الدبرياج للفليشيا
سؤال ياشباب عربيتى فليشيا 97 مشكلتها السخونه
السخونه مرتبطه بسرعه العربيه يعنى كل مأزيد فى السرعه تزيد الحراره وللعلم مغير ريداتير من سنه أصلى والمروحه حالتها كويسه وبالقميص بتاعها والطرمبه جديده والغطاء بتاع القربه جديد وشايل ثرموثتات الكوع و بستعمل مياه خضرا وعامل وش سليندر ومظبط التاكيهات
أنا شاكك فى أسطوانه الدبرياج مع أنى رحت لكذا ميكانيكى وقالى أنها كويسه وسبب الشك أنها متغيرتش لحد دلوقتى والعربيه عامله 145000 كيلو والسحب كمان ضعيف والعزم مع العلم أنها ممكن تجيب مثلا 80 على الثالث بس بتاخد وقت وبعدين زمان كانت المروحه بتشتغل شويه وبعدين بتفصل شويه دلوقتى بقت أول متشتغل المروحه متفصلش حتى لو فضلت العربيه شغاله 5 ساعات متواصله مبتفصلش غير بعد مأبطل العربيه بدقيقتين أو 3
وأسف للأطاله