الموضوع: الحقونى العربية الريجاتا بتنط على الغيار التانى

و انا ماشى على الدائرى و انا على الرابع لقيت الفرامل و انا بفرمل الدواسة بتنزل لتحت قوى عشان تفرمل زى ميكون فيها هوا عكس العادى كنت احمل على الدواسة تفرمل على طول
اما المشكلة الكبيرة و انا خلاص نازل من الدائرى و كل ما اجيب الغيار التانى العربية زى ميكون بتنط و تترجرج اجيب على الاول تنط شوية انا اتجننت على فكرة عندى الفتيس على الغيار التانى بس بيعمل صوت جامد يعنى كأنى مش دايس دبرياج المهم واحد قاللى حط زيت للموتور فحطيت وواحد قاللى لا ده كهربا العربية مش مظبوطة وواحد قاللى لا ده زيت الفتيس
انقذونى مش عارف اعمل ايه
الحقونى قبل ما ابعها لانى زهقت بجد

انت عندك اكتر من مشكلة والفيصل فيها الميكانيكى
لان ممكن يكون عندك طقم دبرياج بايظ ومحتاج يتغير ودى فيها 500 ج
بالاضافة لزيت الفتيس اكيد ناقص او اشتغل كتير وبقى محتاج يتغير
بالاضافة باردو ان فية هوا دخل لعلبة الباكم بتاعة الفرامل لازم الهوا دة يطلع عند طريق الميكانيكى
الحاجات دى كلها لازم تتعمل مع بعض مش حاجة واحدة وتسيب التانية خلى الميكانيكى يفحص كل حاجة فيها وقبل ميعمل حاجة يقولك تكلفتها
متعملش زيي وتسيبة يشتغل وبعد كدة تفاجأ بالمبلغ اسألة الحاجة دى ف حدود كام وهو هياخد عليها مصنعية كام
وخلية يبص لك على الكوبلن ويتأكد انة سليم .. لو الكوبلن فية مشكلة هينقص زيت ويعملك مشكلة ف السحب وصوت تخبيط ويعملك مشكلة ف الفتيس كمان واحتمال تفك فتيس لو بتاع الفتيس فحصة وقالك ان فية مشكلة تعملة غوايش ع الاقل انا غيرت دة كلة ف عربيتى العربية بالكامل الريجاتا غيرت فيها كل ما تتخيل ما عدا الصاج اللى برة ... روح لميكانيكى كويس وربنا يوفقك