المشاركة الأصلية كتبت بواسطة tutankhamoun
بغض النظر عن رؤية جمال مبارك عن موضوع الأكتفاء الذاتي .
و لكن لن يكون هناك أكتفاء ذاتي لو معدلات الزيادة السكانية فصلت زي ماهية
و خلوا بالكم أن أحنا هانعاني فعلا من موضوع المياه .......... و ده برضه بسبب تقاعس الحكومة عن التعاون مع الدول اﻷافريقية و تركنا الملعب للصهاينة تلعب لوحدها مع الدول الأفريقية الفقيرة ( مخططات صهيونية للعب بمقدرات الشعوب الأسلامية علشن ما يقومش قومة لينا تاني )
طبعا أنا مش مع الحكومة في حاجات كتيرة غلط عملتها و مازالت بتعملها ...
بس في حاجات تانية مهمة زي الزيادة السكانية و الثروات الغير مستغلة ...... و التوفير في الأنفاق العام الحكومي و تعليم الناس التوفير برضه في حياتها .
أحنا أصلا مش عايشين صح كأفراد و ده بسبب أنعدام المثال .......... و أنعدام تطبيق القوانين عموما.
و إن لم نتعلم من الآخرين ........... هانبقى أغبياء .
تعالوا نتكلم عن المحاصيل الزراعية على سبيل المثال .
زي ما حضراتكم أتكلمتوا في البداية عن التحكم من دول أخرى في الغذاء
طول ما عدد السكان بيكبر بالمعدلات اللي ماشي بها ......... في المستقبل هانجوع فعلا مش قلة الأكل ....
و لنا في الدول اللي عدد سكانها ثابت عبرة و مثل ........ و الدول الفقيرة ذات العدد السكاني الكبير و اللي تقريبا أصبحنا منهم مثل و عبرة و لكن أحنا أمامنا فرصة و ممكن نستغلها بالترشيد في كل شئ .
طبعا أحنا علشان نعمل أكتفاء ذاتي .
لازم عدد السكان يكون ثابت نسبيا .
أستخدام طرق حديثة في الزراعة ( الري بالتنقيط مثلا )
الأبحاث الزراعية بأسنباط سلالات قوية تتحمل الجو و ذات أنتاجية عالية .
طبعا مع أستصلاح أراضي زراعية جديدة في الصحراء .
و فيه حاجات كتيرة محتاجين نعملها ......................... بس دي شوية أفكار مرتبطة بالموضوع الخاص بالزراعة