ﻻ يوجد عفشجي بيفهم في مدينة نصر ؟!! (مرفق أسباب الرجرجة الثمانية)

يا جماعة مش معقول يكون مافيش وﻻ عفشجي كويس في مدينة نصر !!
عندي صوت رجرجة من تحت على الشمال
وكل ماروح لواحد يقولي اغير حاجة لحد ماغيرت العفشة كلها ولسة الصوت زي ماهو
صباح الفلوس اللي أنا دفعتها والعربية جديدة
ﻻنسر 2007

على العموم أسباب الرجرجة ممكن تكون سبب من اﻷسباب الثمانية التالية:
1- اﻻسكاترا
2- قواعد الموتور
3- بلية العجلة
4- جلب المقصات
5- كاوتشة ميزان أمامي
6- كاوتشة ميزان خلفي
7- صليبة كوبلين داخلي
8- السبب الخفي اللي عندي وانا مش عارفه

أرجو يا جماعة اللي يعرف عفشجي -صنعته في ودنه- عشان يعرف الصوت من ايه ياريت يقولي
ملحوظة:
ماحدش يقوللي وحيد العفشجي عشان رحت عنده مرتين ولم يعرف أي حاجة في أي حاجة وشغله ماعجبنيش

ممكن حضرتك تكلم سيد و دة فى كيلو اربعة و نص طريق السويس الماظة 0182845961
عن تجربة 10 سنين و مش هتكلم عنه

رقم 8 دي عندي بردو في عربيتي ههههههههههه

بس انت قلت صوت رجرجه انا اللي اعرفو في عربيتي اللي مغلباني معاها ان الرجرجه احساس اكتر منها سمع

هي احساس وسمع

يعني أنا بسمع صوت رجرجة
وحاسس بيه تحت رجلي الشمال

اقتباس:

---

المشاركة الأصلية كتبت بواسطة zekairy

يا جماعة مش معقول يكون مافيش وﻻ عفشجي كويس في مدينة نصر !!
عندي صوت رجرجة من تحت على الشمال
وكل ماروح لواحد يقولي اغير حاجة لحد ماغيرت العفشة كلها ولسة الصوت زي ماهو
صباح الفلوس اللي أنا دفعتها والعربية جديدة
ﻻنسر 2007

على العموم أسباب الرجرجة ممكن تكون سبب من اﻷسباب الثمانية التالية:
1- اﻻسكاترا
2- قواعد الموتور
3- بلية العجلة
4- جلب المقصات
5- كاوتشة ميزان أمامي
6- كاوتشة ميزان خلفي
7- صليبة كوبلين داخلي
8- السبب الخفي اللي عندي وانا مش عارفه

أرجو يا جماعة اللي يعرف عفشجي -صنعته في ودنه- عشان يعرف الصوت من ايه ياريت يقولي
ملحوظة:
ماحدش يقوللي وحيد العفشجي عشان رحت عنده مرتين ولم يعرف أي حاجة في أي حاجة وشغله ماعجبنيش

---

بص ياباشا انت فى الاول مقولتش موضوع الرجرجه ده انت سامعه ولا حاسه كمان

يعنى بأختصار انت حاسه فى باطن العربية ولا تحت رجليك او فى الدركسيون
لانها ممكن تكون حاجات تانية غير اللى قولت عليه ومتخطرش على بال حد ومتكونش تخصص عفشجى

انا حقول لحضرتك على حاجة انا دخت زيك كده علشان كان عندى رجرجه ترعب فى القايم اليمين اول لما اوصل لسرعه 100كم وطلعت فى الاخر جلدة الشكمان سليمة بس مرخرخة فا بتخبط

وكمان حضرتك ممكن تلاقى مثلاً قاعدة الفتيس وممكن تكون حاجة فى علبة الدركسيون
انا عاوز اقولك بس متحكمش نفسك ان المشكله فى العافشة لانها ممكن متكونش كده

وربنا يكرمك بحل قريب لمشكلتك

اقتباس:

---

المشاركة الأصلية كتبت بواسطة haroun707

انا عاوز اقولك بس متحكمش نفسك ان المشكله فى العافشة لانها ممكن متكونش كده

---

والله كلامك مقنع وسليم

أنا حاسه تحت رجلي الشمال بالضبط
وليس علبة دريكسيون لأني عملتلها نص إصلاح من شهرين وذهبت للراجل كذا مرة عشان اتأكد ان الصوت مش من علبة الدريكسيون

المهم اروح لمين يعرف الصوت ده جاي منين ؟!!
هي دي القضية

اقتباس:

---

المشاركة الأصلية كتبت بواسطة zekairy

والله كلامك مقنع وسليم

أنا حاسه تحت رجلي الشمال بالضبط
وليس علبة دريكسيون لأني عملتلها نص إصلاح من شهرين وذهبت للراجل كذا مرة عشان اتأكد ان الصوت مش من علبة الدريكسيون

المهم اروح لمين يعرف الصوت ده جاي منين ؟!!
هي دي القضية

---

يا باشا الاول انت لازم تعرف مثلا الرجرجة دى وانت واقف ولا وانت ماشى لان مثلاً وانت واقف ممكن مثلا تكون قواعد موتور او فتيس او شكمان لو مش كده

وانت واقف حاول تلف الدركسيون اقصى اليمين واقصى الشمال وتسمع وتركز ولو مش كده

يبقى تمشى بالراحة وتسمع

وتحاول تروح لميكانيكى يكون كويس وبيفهم وعنده ضمير علشان ميشتغلكش


ححكى لحضرتك قصة صغيرة

ليه صديق كانت عربيته وهو ماشى فجأة الدبرياش بيحجر بيكون زى الطوبه ولما العربية تبرد يفك تانى المهم راح لحوالى 4 ميكانيكيه وكل واحد يقوله ماستر عمومى لا ده بليه لا اسطوانه وصرف مصاريف كثير جدا ولما عرفت اخدته لواحد صديقنا ( الل يرحمه ) كان عنده مركز حلله الموضوع بحوالى 35 جنية فى 15 ساعة لانه ببساطة كان عارف ان العربية ليها ماستر دبرياش تانى صغير فا جابلة طقم اصلاح وبس واتحلت المشكله على كده

اقتباس:

---

المشاركة الأصلية كتبت بواسطة haroun707

يا باشا الاول انت لازم تعرف مثلا الرجرجة دى وانت واقف ولا وانت ماشى لان مثلاً وانت واقف ممكن مثلا تكون قواعد موتور او فتيس او شكمان لو مش كده

وانت واقف حاول تلف الدركسيون اقصى اليمين واقصى الشمال وتسمع وتركز ولو مش كده

يبقى تمشى بالراحة وتسمع

---

ولا حاجة من الحاجات اللي انت ذكرتها

الصوت بسمعه فقط لما العجلة (((الشمال))) تمشي على حفر صغيرة أو أرض معرجة
يعني الرجرجة تحدث فقط عندما تسقط العجلة الشمال مرة واحدة لتحت في الحفر الصغيرة أو الأرض المعرجة
أما الطلوع على المطبات أو لما ألبس طوبة مثلا فلا يصدر أي صوت والعربية بتبقى طبيعي خالص

يعني باختصار صدمات العجلة الشمال ((لفوق)) طبيعية بدون أي صوت
أما الصدمات ((لتحت)) هي اللي فيها المشكلة

غير كدة العربية زي الفل ومافيش صوت حتى على المطبات الفجائية

اقتباس:

---

المشاركة الأصلية كتبت بواسطة zekairy

ولا حاجة من الحاجات اللي انت ذكرتها

الصوت بسمعه فقط لما العجلة (((الشمال))) تمشي على حفر صغيرة أو أرض معرجة
يعني الرجرجة تحدث فقط عندما تسقط العجلة الشمال مرة واحدة لتحت في الحفر الصغيرة أو الأرض المعرجة
أما الطلوع على المطبات أو لما ألبس طوبة مثلا فلا يصدر أي صوت والعربية بتبقى طبيعي خالص

يعني باختصار صدمات العجلة الشمال ((لفوق)) طبيعية بدون أي صوت
أما الصدمات ((لتحت)) هي اللي فيها المشكلة

غير كدة العربية زي الفل ومافيش صوت حتى على المطبات الفجائية

---

كده واضح فعلاً انها حركة عافشة طيب بطاحة المساعد سليمة وهل المساعد نفسه مربوط صح ولا ايه وممكن تكون جلبه من جلب المقص ومتكونش باينة

انا عن نفسى حسأل لحضرتك على عفشجى كويس واجيبلك تفاصيله

اقتباس:

---

المشاركة الأصلية كتبت بواسطة haroun707

بطاحة المساعد سليمة وهل المساعد نفسه مربوط صح ولا ايه وممكن تكون جلبه من جلب المقص ومتكونش باينة

---

أنا غيرت جلب المقصات والمساعدين الاربعة
بس لا أعرف البطاحات ممكن تكون هي اللي بتعمل الصوت ده ولا لأ

وربنا يكرمك يا عم هارون تعبتك معايا
وألف شكر على اهتمامك

اقتباس:

---

المشاركة الأصلية كتبت بواسطة zekairy

أنا غيرت جلب المقصات والمساعدين الاربعة
بس لا أعرف البطاحات ممكن تكون هي اللي بتعمل الصوت ده ولا لأ

وربنا يكرمك يا عم هارون تعبتك معايا
وألف شكر على اهتمامك

---

ياباشا ولا تعب ولا حاجة ربنا يكون فى عونك انا عارف الواحد لما بيكون سامع صوت بيبقى بيكلم نفسه وخصوصاً لما بيكون مش عارف الصوت منين

وربنا يكون فى عونك على العموم انا معاك وحسألك زى ما قولتلك وانا فى الخدمة

متابع

طيب انت تاعب نفسك ليه مع شويه ناس مبتفهمش

روح الرواس وهما علي الاقل يطلعولك العيب فين

اقتباس:

---

المشاركة الأصلية كتبت بواسطة mohamed_rhem

طيب انت تاعب نفسك ليه مع شويه ناس مبتفهمش

روح الرواس وهما علي الاقل يطلعولك العيب فين

---

أنا غالباً لازم اعمل كدة فعلاً
بس الفلوس اليومين دول مقصرة معايا عشان لسه مغير رادياتير والعربية اتخبطت امبارح ولسة عاوز اغير كاوتش
لما اخلص الحاجات دي هاروح للرواس ان شاء الله الشهر القادم وعليك خير

ظبط زوايا ولو الرجرجه راحت أو خفت يبقى الكبالن الداخليه فيها مشكله

ربنا يصلح حالك وحال عربيتك بس انا عندي تقريبا نفس العيب ده بس من العجلة الامامية يمين ودي انا عارف السبب بتاعها وهو ماستر الفرامل مش متثبت بقوة علي العجلة فمع اي مطبات او كات ايز بيرج
وده حله عندي في السوزوكي اني اغير الماستر بالكامل بواحد جديد او استيراد
فبعد اذنك ممكن تفحص ماستر الفرامل بتاع العجلة اللي فيها المشكلة وتتاكد من تثبيته جيدا وما تسمعش اللي يقولك هاوديه عند الخراط واعمله جلبه لانه كلام فاضي

يا جماعة ألف شكر على اهتمامكم وعلى الردود
أنا أخيراً عرفت السبب وعالجته والرجرجة راحت نهائي

السبب كان في الصورة دي


http://lh4.ggpht.com/_8shkBWoqJyE/TI...%D8%B1%201.jpg


http://lh3.ggpht.com/_8shkBWoqJyE/TI...9%88%D8%B1.jpg

الموضوع طلع مالوش دعوة بالعفشة تماماً
السبب هو:
قــاعــدة الموتور الشمال ومكانها تحت عمة الكاربراتير
اشتريتها تايلاندي بـ 130 جنيه من شارع دمشق (بيسموها هناك القاعدة اللي تحت البطارية) أو (قاعدة فتيس)
واضح من الصورة ان الجلبة كانت مقطوعة خالص وده اللي كان بيعمل رجرجة بحس بيها في رجلي الشمال من تحت وعشان كدة افتكرتها عفشة

المهم اني وصلت للسبب -أي نعم بعد 3 شهور- بس الحمد لله ان الموتور سليم
وجزاكم الله خيراً

شكرا ليك على الرد الأخير لأن أنا عندي نفسي السبب وهتجنن كل لما اروح للعفشجي يقول لي العفشة زي الفل من قدام...وعندي نفس صوت الرجرجة ده بس على اليمين.... هروح أبص على القواعد عليها إن شاء الله عند العفشجي

بردو عاوزين نعرف عفشجي كويس في مدينه نصر
وبتاع الكيلو 4 ونص ده فين بالظبط
انا اعرف لحد دار المدفعيه هناك
فين بقي هناك

أنا غيرت القاعدة إلي بتقول عليها دي ..قاعدة الفتيس
جبتها إستيراد بــ 180 جنيه
..........
لكن برضوووو
عندي رعشة في الدواسات(مش في الدركسيون)...بحس إن الموتور بيرقص في الحوض
والعربية كلها بتترج
والعرشة دي مابتجيش غير لما بقرص .. أو بين الغيارات
واحد يقولي بلية العجل..غيرت البلية بالصرة..ومفيش فايدة
واحد يقولي قواعد .. القواعد سليمة ..وغيرت قاعدة الفتيس ..ومفيش فايدة
واحد يقولي رصص .. وإظبط زوايا..وبرضومفيش فايدة

حاجة تقرف
أنا هركب موتوسيكل أرحم