الموضوع: جمال البنا يجيز تبادل القبلات بين الشباب والفتيات غير المتزوجين !!!

الراجل ما قالش انها حلال !! .. مجرد قال انها ذنوب و ليست كبائر .. و بعدين اشمعنى جمال البنا اللى بيهاجموه ؟ .. و ليه فتاوى التشدد
و التشنج كويسة و فتاوى الاعتدال التى تراعى بشرية الناس و انهم مش ملايكة تتهاجم بشدة ؟؟ .. كل بنى ادم خطاء و خير الخطائين التوابين ..
مين فى مرحلة المراهقة و السخونة و الشقاوة مامرش بتجارب صغييرة من هذا النوع ؟؟ .. ايه نشنق الناس ؟ .. بعدين ادعاء التقوى و الفضيلة
و اعطاء النصايح للناس و تأنيبهم و تعنيفهم سهل قوى و تهديدهم بالويل و عذاب النار و الثعبان الاقرع ..الخ سهل قوى ..احنا اكبر شعب بيقبل على الشعائر
الدينية و يهتم بالمظهر الدينى و مع ذلك كل الموبقات من فساد و غش حتى الاكل و الدواء منتشرة بطريقة فظيعة
و بنغطى سيئاتنا علشان نرضى ضمايرنا فالرشوة نسميها شاى او عمولة ! و قلة ادب فى الشوارع ليل نهار على عينك يا تاجر و مع ذلك كلنا عاملين ملايكة و اطهار
و بندى نصايح و ندعى التقوى و يمكن نكون اسوأ من اللى بنوجه ليهم النصح .. ثم ان ربنا فى الاخر هو الحكم مش البشر ..و كل الانبياء كانت دعوتهم للتسامح
و كانو عارفين طبيعة البشر و الانسان نفسه خلق الله فيه الغرائز و لو كل انسان ارتكب هفوات فى حياته مصيرة
جهنم مفيش حد حيورد على جنه من اصلة الا الانبياء .. ان اول صفات ربنا سبحانة و تعالى هى الرحمة .. و عندما نقرأ القران الكريم نبدأ بالقول " بسم الله الرحمن الرحيم " ..
الله هو ارحم الرحمين و المسيح عليه السلام قال " من كان من بلا خطية فليرمها بحجر " ..فكلنا يدعى التقوى و يظل يحاسب الناس و هو اللى فيه مكفيه من بلاوى
و خطايا يحاول ان يحجبها على الناس ليظهر انه افضل منهم !
.. هل يكون الانسان سعيد لو ارتكب ابنه فى لحظة ضعف بشرى فعل او ذنب مثل ذلك ؟؟ .. هل يكون مبسوط لو قلنا له ان ذنب ابنك او بنتك غير مغفور و ان مأله جهنم و بئس المصير ؟؟! .. الرحمة يا اخوانا !

المشاركة الأصلية كتبت بواسطة electroman

الراجل ما قالش انها حلال !! .. مجرد قال انها ذنوب و ليست كبائر .. و بعدين اشمعنى جمال البنا اللى بيهاجموه ؟ .. و ليه فتاوى التشدد


و بنغطى سيئاتنا علشان نرضى ضمايرنا فالرشوة نسميها شاى او عمولة ! و قلة ادب فى الشوارع ليل نهار على عينك يا تاجر و مع ذلك كلنا عاملين ملايكة و اطهار
و بندى نصايح و ندعى التقوى و يمكن نكون اسوأ من اللى بنوجه ليهم النصح .. ثم ان ربنا فى الاخر هو الحكم مش البشر ..و كل الانبياء كانت دعوتهم للتسامح

صحيح يا الكترون , انتو عملين مشكلة لية من الفتوى دى , يعنى شوفتو الناس تانى يوم نازلو بوس فى بعض فى الشوارع , دى مجرد فتوى لحلات معينة يعنى , ياريت يكون عندنا سعة صدر شوية حتى لاى فتوى قد تبدو غريبة لاول مرة , اكيد الفتوى مش القصد منها اباحة الزنى و الكلام الكبير دة , انما ابسط من كدة بكتير يعنى , مش لازم نجرى وراء التهويل و التهلليل اللى بيتعمل على كل فتوى ,
كل واحد عندة اسماء معينة من الشيوخ هى دى الى بيثق فى ارائهم , غير كدة متهتمش كتير بقى باى اراء تانية , الله واحدة هوة اللى حيحاسب الناس لانا ولا انت , و كل واحد عارف الصح و اللغلط بغض النظر عن اى فتوى , انما نقعد بقى كل فتوى نناقش فيها كاننا شيوخ وعلماء فدة اللى مش سيلم فعلا .