ههههههههههههههههههههههههه هههههه
جااااااااامدة
طيب يا دكتور هو البرشام ده كبسول و الا حقن ؟ و كام ملليجرام ؟؟ و قبل الاكل و الا الصبح مع قرص الضغط ؟؟ الموضوع اتقلب بالعكس .. الاخ ابوعبدالله هو اللى محتاج يبلع قرص بعد كله مداخلة من العبدلله الفقير اليه تعالى ... على فكرة الاخ محمد شهبور حبيبى .. انا مختلف بس مع شبيهه الاخ ابو عبدالله ! ..ااوكد ان الموضوع مش شخصى و لا حاجه ..و ابو عبدالله اخ عزيز و حتى المناكفة ده محبة و انا شفت صورته فى الاجتماع بتاعكم و هى صورة تدل على انسان محترم و على فكرة عنده حس الفكاهة رغم انه بيحاول يعمل تقيل ! ...
كيف بجواز تبادل القبلات وهو الذي ذكر في نهاية الجمل انها من الذنوباقتباس:
أفتي المفكر الإسلامي جمال البنا بجواز تبادل القبلات بين الشباب والفتيات غير المتزوجين معتبرا أن ذلك يأتي في اطار الذنوب الصغري التي تمحوها الحسنات.
اليس هذا انه يجيز ما حرمه الله
يمكن انا مش فاهم حد من اللي بيدافعوا عنه يفهمني
يا عم وائل انك عارف راجل طيب بل و امير بجد مش مجاملة لكن كمان الموضوع هو ان هجومك على الاستاذ البنا الذى يدعو للتسامح فى مثل هذه الذنوب التى ممكن ان تحدث لاى شاب او انسان و لا تستحق التشنج و تعليق المشانق و رأيك المهاجم له يجعلك عمليا فى صف من يجعل منها كبائر ..
و موضوع الذنوب و الكبائر و الخلافات حولها فى التاريخ الاسلامى موضوع طويل بل و ممتع فى قرأته و الاستاذ البنا مش راجل صغير
او جاهل او غير قارئ حتى يتهمه البعض كده ببساطة بالجهل .. و بعض من يتهمونه فى سن العشرين يعنى ميجوش فى سن احفاده و ليس لهم خبرته الطويلة و لا حكمته و يهاجمون الرجل على فتواه رغم انه و اكرر ينفى نفيا جازما انه يفتى بل يقول انه يجتهد فى الدين مثله مثل اى مسلم
و الا ده مش من حقه !!
اما موضوع انك متعرفنيش فهذا لا يغير من الموضوع .. الموضوع تبادل و تباين اراء - الحياة فى حقيقتها صراع افكار كما يقول هيجل -
و لا اقصد بالصراع هو الحرب و الضرب بل صراع حضارى و سلمى و لكى يبقى كذلك لا يجب ان يلجأ احد فيه لمسائل التكفير او الادعاء
ان وجهة نره تعبر عن الدين و ان خصمه على العكس ... هذه هى النقطة التى اركز عليها دائما و التى لا يقبلها البعض ..و على سبيل المثال
فى النقطة التى اعتبرها مفتاح فى رد الاخ العزيز ابو عبدالله حكاية الخروج على الجماعة او الاجماع !! .. هذه هى افة ما نحن فيه .. القطيع
فقط هو الذى لا يجب الخروج عن مساره اما البشر فليس ذلك ممكن لان لنا عقول تختلف قدراتها و لكل منا تجربته و مزاجه و لا يمكن
ان يحصل اجماع كامل على فكرة او على شخص و لا يمكن ان نحصر انفسنا فى فهم واحد للدين و لا لاى شئ و كبار الفقهاء انفسهم قالوا
ان القرأن حمال اوجه .. المشكلة فى ايامنا ان الفكر السلفى و المسئول عنه و ياللعجب هو حسن البنا .. اخوه !!! و لكن هذه قصة اخرى..!
سبحان الله يخللى اخو ده يبقى ده !
معلش في سؤال :
هو انت بتجيب معلوماتك دي من ميكي؟
حسن البنا ليس له علاقة بالفكر السلفي و بالمناسبة الفكر السلفي بيعتمد على اتباع النبي صلى الله عليه و سلم و الصحابة من بعده و هما دول سلفنا الصالح و الفكر السلفي دا مش حاجة من دماغنا لأن النبي صلى الله عليه و سلم قال " إنه من يعش منكم بعدي فسيرى إختلافاً كثراً فعليكم بسنتي و سنة الخلفاء الراشدين المهديين من بعدي عضوا عليها بالنواجذ"
و الخروج على الجماعة مذموم في القرآن و في أحاديث كثيرة منها:
من رأى من أميره شيئا يكرهه فليصبر عليه فإنه من فارق الجماعة شبرا فمات ، إلا مات ميتة جاهلية
الراوي: عبدالله بن عباس - خلاصة الدرجة: [صحيح] - المحدث: البخاري - المصدر: الجامع الصحيح - الصفحة أو الرقم: 7054
من خرج من الطاعة ، وفارق الجماعة ، ثم مات ، مات ميتة جاهلية . ومن قتل تحت راية عمية ، يغضب للعصبة ، ويقاتل للعصبة ، فليس من أمتي . ومن خرج من أمتي على أمتي ، يضرب برها وفاجرها ، لا يتحاش من مؤمنها ، ولا يفي بذي عهدها ، فليس مني
الراوي: أبو هريرة - خلاصة الدرجة: صحيح - المحدث: مسلم - المصدر: المسند الصحيح - الصفحة أو الرقم: 1848
هو شئ هيزعل حضرتك و ناس كتير من أصحاب مدرسة العقل إن دين الإسلام قائم على النقل و ليس العقل يعني ما جاء في القرآن أو الصحيح من الأحاديث فنحن يجب علينا أن نلتزم به حتى ولو لم نفهم حكمته بعقلنا القاصر(قصور العقل عند مقارنته بحمكة الله عز و جل في تشريعه)
في الأخر أنا و الله أتمنى إن أنا ونت و كل الناس يدخلو الجنة و عشان كدا حبيت أصححلك حاجة أنا شايف إنها مش صح و ياريت تقرا كتير في دينك بالذات من أمهات الكتب و بلاش تزعل مني
شكرا على مداخلتك القيمة لكن يظهر انك ملكى اكتر من الملك ! .. لو رجعت لبداية دعوة حسن البنا نفسه فى الاسماعيلية فالرجل اوضح بجلاء
ان اساس دعوته هو العودة للسلف الصالح !..ممكن ترجع لمجلة ميكى عدد سنة 1949 !! .. لكن هناك فارق بين ان تعيش وفقا لاهداف السلف الصالح و ان تعيش وفقا للظروف المعيشية و البيئية التى كان يحيا فى زمنها السلف الصالح ! ..اذا كان السلف الصالح يدعو مثلا للعدل كقيمة اسلامية و انسانية عظيمة فلنحاول ان نجعل العدل قيمة عليا و ان نحرص عليها و ان نعمل بها وفقا لمعطيات الوافع و الزمن الذى نعيش فيه .. نحن لا نستطيع مثلا ان نرجع لما رواه التاريخ الاسلامىعن الحروب و الغزوات بأستخدام السيوف والا لاكلنا اعدائنا و قرقشوا عظامنا و نقول ان السلف الصالح كان يحارب بهذه الوسائل ..المهم ان نستعد جيدا و ان نحرص على استخدام احدث الوسائل العلمية سواء من سلاح كالليزر او غيره و ان ندرس و نتعلم التكتيكات الحربية و الهندسة العسكرية و الادارة العسكرية ..الخ .. علينا ان نستخدم لغة حديثة و ان نأخذ بأحدث علوم العصر و ان نحارب بشجاعة و روح عالية لو حاربنا و نأخذ الحرب بجدية لا ان نجرى وراء شعارات طنانة .. البعض يظن ان العودة للسلف الصالح يعنى ان نستخدم لغة قديمة و نكتفى برواية الاحاديث و قصص من التراث ثم نكتفى بذلك ! .. لكل عصر معطياته و ظروفة و البيئة الجغرافية و التضاريس و المناخ و الوجود فى مجتمع اسلامى بحت غير وجودك فى مجتمع به نسبة كبيرة من اتباع اديان اخرى .ووجودنا فى مجتمع منعزل غير وجودنا فى مجتمع يراه العالم كله بالصوت و الصورة 24 ساعة .. و واقعنا كأقوياء غير واقعنا كضعفاء نطلب مساعدات من اللى يسوى و الى ميسواش ..
يا صديقى ان استخدام لغة قديمة و الوقوف عند شكل الملبس و المأكل و غيرها لم يعد يكفى لنتقدم .. نحن ننسى ماذا تعلمنا و ماذا فعلنا
و نركز معظم تفكيرنا على المسائل الخاصة بالزى و النساء و هو امر يعكس اهتمام زائد بالجنس و انه فى مخنا ليل نهار و ليس العكس
دليل على تقوى ! - انظر لموضوع سابق عن اكثر شعوب الارض بحثا فى النت عن الجنس - لتكتشف اننا نقول ما لا نفعل و ندعى ما ليس
فينا و ان تدين الكثير منا فى حقيقته تدين زائف .. مع الاسف ! .. انا شخصيا اعتقد ان التركيز على محاربة فساد الذمم اهم من حكاية
ولد و بنت خطفوا بوسة فى بير السلم و نجعلها كبيرة من الكبائر ! .. فساد الذمم يؤثر على المجتمع كله .. البوسه اياها اصبحت ذنب لاثنين فقط !
لا يقول الاستاذ جمال ذلك ليدعو الشباب الى المهيصة (!) و الذى يفهم ذلك لم تصله رسالة الكاتب مع الاسف و تعب نفسه فقط فى التهكم او الهجوم على الرجل ..و اهتمام الرجل هو ان يركز الانظار على اولويات المجتمع الذى نعيش فيه لا على الدعوة للبوس !
موضوع العقل و النقل ايضا موضوع طويل جدا لكن اعتقد ان هناك فى الدين اشياء تخرج عن نطاق العقل على المؤمن و المسلم ان
يؤمن بها كما هى لانه لا يستطيع ان يراها او يدركها بالعيان المباشر او بشكل محسوس مثل الايمان بالله و الملائكة و اليوم الاخر ..الخ
و ايضا الايمان بالمعجزات الواردة فى كتب الانبياء كالاسراء و المعراج و معجزات السيد المسيح و غيرهم من الرسل .. و هناك شعائر
على المؤمنين العمل بها .. اما فيما عدا ذلك فالاسلام يدعو للعقل بشكل واضح و صريح .. و فى امور الحياة الدنيا علينا بل واجب علينا
بأمر الهى ان نتدبر امورنا و ان نتسلح بالعلم و ان نبعد عن الخرافات و ان نعمل و نجد و نتكل على الله لا ان نظل نكتفى بالدعاء و نجلس
كسالى نظن الله ينصرنا بدون تعب ..علينا ان لا نكتفى بكتب الاقدمين حتى السلف الصالح لانهم بشر و تجربتهم من وحى الظروف التى كانوا
يعيشون فيها و لا تصلح بالضرورة لكل زمان و مكان ..
معلش يا جماعه الراجل رغم التحفظات عليه
لكنه لم يحلل القبلات هو قال إن ذلك يأتى فى سياق الذنوب الصغيره التى تمحوها الحسنات
طبعا ده كلام مش مضبوط لأن إستصغار واستسهال الذنوب من ذلك يجعل الناس تتمادى فيها
وعامه فتاوى الراجل ده لا يتبعها أحد ولو انتوا فاكرين فتوى التدخين فى نهار رمضان معتقدش ان حد أخد بيها
كنت هاهتم و اغتم لو كان الراجل ده أهل للفتوى.. رجل دين يعني.. عالم دين.. شيخ أزهر او مفتي.. انما مفكر.. طيب ما يفكر و بعدين يطلع باللي يطلع بيه من أفكار.. عمر ما حد هايقدر يمنع حد من انه يفكر.. انما آخد بنتاج تفكيره ده و لا لأ.. هو ده اللي هاتحاسب عليه امام الله.. و متهيألي كلنا عارفين الحرام من الحلال و اللي بيعمل حاجة حرام بيبقى عارف كويس اوي انها حرام.. ماحدش عبيط.. بس كده.
ذلك الكاتب رجل من أهل الباطل
وقد قيل : أحيوا الحق بذكره وأميتوا الباطل بهجرة
هو يعني علشان قريب حسن البنا ( تقريبا اخوه ) يبقي مفكر وعالم وبيفتي
بهذا المنطق الاعوج يبقي اخو احمد زويل لازم يبقي عالم عظيم .. وابن محمد عبد الوهاب ملحن فذ .. وقرايب محمود الخطيب كلهم حريفه .. وعائلة بيل جيتس طالعلهم نوافذ في ودانهم ..
دي ناس غاوية شهرة وخلاص ... لكن علي حساب الدين ... مش قادر اتصورها دي واعتقد ان البرامج اللي بتستضيف الناس دول بيبقي قصدهم الطرقعة الاعلامية فقط لأنهم بيفرجو الناس علي القرد ابو سديري