اسكودا a5 اقوى ولا هوندا سيفيك 2010 اصل انا داخل مع مقارنة مع واحد اكيد الالمانى لا يفوقة احد
عرض للطباعة
اسكودا a5 اقوى ولا هوندا سيفيك 2010 اصل انا داخل مع مقارنة مع واحد اكيد الالمانى لا يفوقة احد
الاتنين عربيات محترمة في الحقيقة
في ناس بتحب الهوندا اوي عشان اسم في عالم السيارات طبعا و انا شخصيا بحب الهوندا جدا و خصوصا 2010 شكلها رائع و العربية من جوا جميله و تابلوه جميل جدا. طبعا الهوندا غنية عن التعريف
و الاوكتافيا برضه طبعا لا جدال من العربيات الحلوة جدا جدا
بصراحة مقارنة صعبة.
يعني انا لو امامي العربيتين هكون محتار جدا
ال 2 أقوياء وعمالقة في صناعة السيارات .
اولاً: الاسكودا تشيكي مش الماني هو مملوكة لفولكس فاجن ومعظم مكونتها منها بس في الآخر برده العربية تشيكي
ثانياً: القوة من ناحية ايه الصلابة ولا المواتير؟؟؟
لو الصلابة طبعاً الـ a5 ولو سحب واداء رياضي طبعاً السيفك
عموماً الـ a5 اكثر وقاراً واوبشنز والسيفك اكثر شباباً واشيك في التصميم
للاثنين كل واحده فيهم ليها مميزاتها بس عموماً الاثنين كويسين
الأستاذ العزيز أنا مش فاهم أقصدك إيه من المقارنة هل هو الشراء أم أنك تمتلك واحدة منهما وتريد فقط المقارنة للوصول إلى الأفضل بين السيارتين، الاثنين حلوين، الاثنين طعمين، الاثنين كويسين، الاثنين غاليين، وفى النهاية كلهم عربيات
ايه هي اوجه المقارنه بالظبط, او بتقارن من حيث ايه علشان نقدر نساعدك؟؟؟
يعني القوه تقصد بيها قوة الموتور ولا كعربيه عموماً, ولا............
بص استبعد الهؤندا لانها ؤاطيى قؤى فى شؤارع مصر وووووو ال a5 تكسب فى النقطة دى
لو الصلابة تبقى اوكتافيا ليه ؟؟؟؟؟؟؟؟؟
انا مش لاقي دليل على المقارنة دي بصراحه
الهوندا تقييمها في اختبارات التصادم عالية ومش لاقي للاسكودا تقييم لها في الاختبارات الأوروبيه الا موديل 2004 واقل من السيفيك
انا رايي لصاحب الموضوع سيفيك اكيد بدون تردد ان شاء الله واستخير لكي ترزق الخير لك
حضرتك الراجل بيقول الصاج و خبط علي صاج دي و دي و حضرتك هتعرف الفرق طبعا الاوكتيفا صجها اقوي و انزل عند سمكريه و اتفرج
المقارنه دي بتفكرني بمرسيدس و بي ام
سفك اكثر شبابيه و اداء رياضي(زي بي ام)
سكودا اكثر فخامه و راحه و رفاهيه(مرسيدس)
بس الفرق الوحيد ان سكودا مش بتجري زي السفك بس مرسيدس بتجري احسن من البي ام:ma:
أولا الاخ الفاضل ميدوكيف
حضرتك راجع مشاركة الأخ الفاضل السراوي وهاتلي كلمة صاج فيها
لأن حضرتك شككتني في نفسي اني مقراتش مشاركته كويسه ولما راجعتها ملقتش كلمة صاج خالص في المشاركة ولكن قال (( صلابة ولا اداء ماتور ))
وعلى اد فهمي وسماعي كما ذكر الأخ الفاضل ان كلمة صلابة لها معاني كتير وبما انه كان بيقارن باداء ماتور ولا صلابة فالمفهوم من الكلام الامان يعني
وبما ان العربيات الحديثة لا يعنيني فيها خامة حديدها اد ما يعنيني فيها درجة امانها
وده اللي معروف دلوقتي لأي واحد بيسمع عن العربيات زي حالاتي فضلا ان يكون بيفهم في العربيات
يعني حديد تقيل بدون امان = صفر
وحديد خفيف بأمان = يبقى كل حاجه
فبالتالي مسألة اني اقارن عربية بقوة صاجها ولا يتم أخذ في عين الأعتبار درجة امانها فدي مسألة لا يوجد لها مكان في عالم السيارات الآن ولا يأخذ بها لأن ده كلام غير علمي وكلام يعتمد على اعتقادات قديمة تم الغائها في العالم الحديث والتكنولوجيا الحديثة في عالم السيارات وده كله على اد سماعي برضه
وتقبلوا تحياتي
السلام عليكم جميعا
في رأيي الشخصي ان نقطة تفوق الإسكودا "الوحيده" هي إرتفاعها عن الأرض نظرا لطبيعة الطرق المصرية
غير كده السيفيك تكسب في كل حاجة
سؤال بس هو موتور الاسكودا مش فولكس فاجن (الماني يعني) و لا تشيكي ؟؟؟
وانا كنت فاهم غلط ؟؟؟؟
الأخ الاستاذ أبو عبد الله
حضرتك لو رجعت لكلام صاحب الموضوع هاتلاقيه بيتكلم عن القوة
والقوة الي احنا نعرفها حاجة من اثنين إما قوة اداء او صلابة لكن ما فيش حاجه اسمها قوة أمان
وإلا كان ساعتها هايقول انهي عربيه آآمن السيفيك ولا الاسكودا A5
لكن صاحب الموضوع كاتب القوة وليس الأمان ومالهاش معنى غير الاثنين دول (صلابة أو قوة موتور) متهيلي واضحة جداً:satelite:
نقطة أخيرة في عربيات كتير جداً واخدة درجة مرتفعة في اختبارات الأمان لكن مش معنى كده ان الناس في مصر بتحبها في ناس تفكيرها ان العربية لما تكون صلبة تكون افضل علشان تستحمل العيال الي بتقد على الكبوت والي بتلعب الكوره في الشارع واحتكاكات السيارت ببعضها وكده
وفي برده ناس كتير جداً في مصر ماتعرفش يعني ايه عربيه واخده 5 نجوم في اختبارت الأمان وبيشتروا العربيه علشان تستحمل الحاجات الي ذكرتها وخلاص
وفي ناس تانيه بتبقى العربيه عندها اغلى من نفسها (زي معظم سواقين الميكوباصات والتاكسيات مثلاً معظمهم بيبقوا عاوزين عربيه تستحمل البهدلة والف طول النهار في الشارع ومش مهم العربيه دي بتديله اد ايه امان لأنه ببساطه عارف انه لو عمل حادثة بالعربية واتعور او دراعة أو احد ضلوعه اتكسر هايعالجه ارخص منمثلاً لما يرجع AirBag فتح منه في العربيه زي ماكان الأول (وهي دي بلدنا)
وبعدين العربيه بالنسبلهم اكل عيش يعني ممكن لو حصله حاجه يجيب حد يشتغل عليها واهو بياكل ويشرب
وبعتذر لو خرجت شويه بره الموضوع بس للتوضيح
عامة الاتنين في الأمان مايتعيبوش وحضرتك هتلاقي في قسم المقارنات كلام كتير عن سيفيك ولا جيتا أعتقد فيه الخلاصة عشان الفانتازيا هي جيتا متقفلة في الشيك بنفس الموتور والعفشه, فرق كماليات وتقفيل و فتيس و أداء لصالح الجيتا وبالتالي فرق فالسعر.
يعني حضرتك شايف ان احنا هنا في المنتدى اي واحد بيسال عن اوكتافيا او هوندا سيفيك من نوعية اللي بياكل عيش بالعربيه علشان تحول الكلام للمنطق دهاقتباس:
وبعدين العربيه بالنسبلهم اكل عيش يعني ممكن لو حصله حاجه يجيب حد يشتغل عليها واهو بياكل ويشرب
متهيألي ان هنا اللي بيسأل خصوصا في الفئة دي مش من النوعيه دي
وده رايي
وتقبل تحياتي
يعني حضرتك سيبت الكلام كله وعلقت على دي وبس:36_1_50[1]:
عموماً ماحدش جاب سيرة الأمان خالص
الي فتح موضوع الامان انت مش احنا ولما جيت اوضحلك دخلتنا في موضوع فرعي ثالث (انا ما قولتش الي معاه هوندا بياكل بيها عيش انت بتقولني كلام انا مقولتش خالص)
انا كنت بعرفك ان في ناس تفكيرها كده مايعرفوش حاجه عن الامان وبضرب مثال على الناس دي مش اكثر
وعموماً انا الي غلطان علشان دخلت معاك في مواضيع فرعية
ياريت صاحب الموضوع يوضح وجهة نظره من القوة المقصوده ايه علشان تتضح الأمور
ومتاسف مش هاقدر ارد علي مشاركاتك تاني لانك بتعلق على الاجزاء الي انت عاوزها فقط وبتسيب جوهر الموضوع :11:
موتور وفتيس وشاسيه آه لكن اعتقد العفشة فيها كلام (يعني فيها الماني وفيها تشيكي) بس انا معرفش إيه تفصيلاً بصراحة
والكلام دا بيبان اكثر بالذات لما بتيجي تشتري قطع الغيار (يقولك عاوز الاصلي تبص تلاقيه تشيكي)
حضرتك تسأل براحتك وانا طالما عندي المعلومة هاجوابك ان شاء الله:3_3_102[1]:
الموتور فولكس مفيهوش كلام الماني من بلده والفتيس برده.
الشاسيه تصميم فولكس وبيتنفذ في كذا مصنع ( سيات في اسبانيا, سكودا في تشيك, فولكس شخصيا ليها مصانع في كذا بلد ) بس كلهم نفس الشاسيه ونفس نظام التعليق ( ممكن يكون بيتصنع في مصنع مختلف ).
المساعدين مثلا والميزان والبارت والحاجات ديه ممكن تكون بتتصنع في تشيك بس هي هي بتاعت الجيتا. بنفس الخامات ونفس مكن المصنع وهتلاقي أي قطعة غيار سكودا مكتوب عليها فولكس واجن جروب: VW, Audi, Seat, Skoda. أي تيل أي سير أي حاجة هتلاقي عليها نفس الكلام.
يعني نفس قطعة الغيار تركب في أي عربية من دول. ياباشا أنا فتحت موتور الFabia ال1600 والRoomster نسخة من موتوري أنا حسيت إني فتحت الكابوت عندي. والLeon والGolf نسخة كاربون مع فرق غطا بلاستيك فوق المحرك.
متقلقش من الموضوع ده. اللي قال Skoda و Seat الماني مش بيبالغ هما بس فرق شكل, كماليات, خامات, تقفيل. و Skoda مش شركة صغيرة ديه من أكبر شركات أروبا في مجال صناعة العربيات حتى قبل مافولكس تشتريها.
وجهة نظر حضرتك لفت انتباهى وخصوصا ان حضرتك راكب باسات واكيد عارف ان الالمانى بصفه عامه ركوبه تانيه!!!
يعنى موضوع ارتفاع السكودا عن الارض مش نقطة تفوق كل السكودا لان الخليجى واطيه وبتحك فى المطبات!
ان شايف ان نقاط تفوق الاوكتافيا هى كالتالى
1- الشكل :فخامه واناقه تتمتاز بها الاوكتافيا وخصوصا لو اليجانس
2- الثبات : فعلا الهوندا ثابته بكل المقاييس بس السكودا راكزه فى الارض اكثر والاحساس بالامان والتحكم اعلى (ثبات الالمانى بتوقيع فولكس فاجن)
3- العفشه : الهوندا مزعجه وصوتها عالى وفى السفر اصوات العفشه بتخبط فى الكابينه كلها على عكس الاوكتافيا افضل كثير فى الموضوع ده ده غير ان الاوكتافيا فى الاجزاء العاليه والواطيه فى الطريق افضل!
4- قوة الفرامل: الاوكتافيا اقوى بطريقه ملحوظه وده عند الفرمله بطريقه مفاجئه العربيه لا تخون توقعاتك
5- العزل : السكودا على السرعات العاليه افضل وخصوصا عزل العربيه عن الارض وعزل الهواء واحساس السرعه اقل بكتير
6- الجوده فعلا السكودا افضل بشكل واضح فى التقفيل وجوده الخامات وجلد طبيعى يغطى الابواب والفتيس والدريكسيون وجلد الكراسى من اجود انواع الجلود (الكانترا) والصاج اقوى بكتير !
6- الكماليات : السكودا تتفوق عن الهوندا vti فى بخاخات لغسل الفوانيس وسينسور ركن خلفى كاسيت تاتش سكرين و gps وثلاجه وبلوتوث ده غير الكمبيوتر اللى فى شاشه العدادات اللى بيوضح كل شىء فى العربيه بالكامل والهوندا مفهياش حتى حاجه توضح البنزين يكفى العربيه تمشى كام كم!!!!!
نقاط تفوق الهوندا
1- الموتور : وطبعا لان الهوندا اقل فى الوزن ب 140 كجم مع قوة الموتور بيخلى سحب الهوندا افضل!!
2- فيها vsa ولكن السكودا asr فقط
نقطه اخيره
السكودا تشيكى كتقفيل وكعربيه تعتير المانى للتالى
1- شاسيه فولكس فاجن موجود فى جيتا وجولف واودى a3
2- موتور فولكس فاجن
3- عفشه فولكس فاجن
4- نفس الكاسيت التاتش موجود فى الجيتا والباسات والباسات وكل عربيات فولكس تقريبا
5- نفس التكييف التاتش بتاع فولكس برده
وانا اقصد بالكلام ده ان العربيه مش بس الاساسيات المانى من شاسيه وعفشه وموتور ولكن كمان الكماليات المانى مما يعنى التشيكى فى الموضوع هو التقفيل وطبعا كلنا عارفين مدى دقه وجوده خامات سكودا اللى بتستعين بفولكس فى الموضوع ده ودى كمان شهادة توب جير
تحياتى ورمضان كريم
تعديلي في نقطه واحده و هي الاداء فالاوكتفيا ادائها اعلي بكثر من الجتا الجتا اتقل من الاوكتفيا بكتير و انا بعدي منها بلانسر 1.3 اوتو اما الاوكتفيا فبتربيني:ma:
بعد كلام حضرتك معتشي في كلام الف شكر للرد الوفي و الكامل
سبحان الله
انا اللي سيبت جوهر الموضوع وطلعت بتفريعات برضه
هو انا اللي حطيت احتمال وبنيت عليه كلام كتير
حضرتك صاحب الموضوع قال انهي اقوى انت حولت الكلام الى صلابة وكمان الى الصاج فقط بدون الامان
يا أخي الفاضل انا كلامي واضح مش محتاج تقويل من حضرتك
حضرتك قولت تعليقا على صاحب الموضوع انه بيسأل عن الصلابة مع انه كان بيقول اقوى
انا اخدت الكلام على الأمان ودي حرية راي ليا
وانت اخدته انه قوة صاج بعيدا عن درجات امان العربيه اللي هيا بتعبر برضه عن قوة الصاج وخامته
وبعدين معجبكشي الكلام وبتعلق على الأخ الفاضل اللي رد عليا وبتقول ده كلام الناس اللي بتفهم مش مجرد سمع
وده كلام ليا بطريق غير مباشر
وده ان دل فبيدل ان حضرتك معترض على راي مخالف لك او ليس كرأيك وده شئ انت حر فيه
ولكن لست حر في انك تتهم كل من يعارضك في الراي انه بيسمع وبيتكلم عن سمع وتنفي الفهم عنه
وياريت يكون الحوار افضل من كده لأن دول عربيتين ومش عارف ايه اللي زعلك من الأول
وعالعموم برضه الهوندا صاجها كويس جدا
وفي اختلاف اني اخبط على صاج عربيه واروح اخبط على صاج الأخري فده ليس مقياس لأسباب كتير وده لو حضرتك سمعت زي ما انا سمعت
وتقبل تحياتي
بس انا افضل السيفيك بصراحة ...
انا شاب
و عاجبني اوي الإنتريور الفضائي للسيفيك ... كما ان علامة هوندا شكلها احلى من سكودا على الدركسيون و على مقدمة و مؤخرة العربية + ان السيفيك سحبها احلى + تكييفها احلى كعادة الياباني ( و عن تجربة a5 2005 و ملاحظة ان تكييفها لا يصل لمستوى عربيتي الكوري)
بس هو السيفيك شكلها هيتغيير امتى ؟؟
وانا كهل (39 سنة) :satelite:
وباحب السيفيك جدا و متفق معاك
انا كل اللي باقولة ان الإسكودا ما بتحكش في المطبات و دي مزيتها الوحيده عن السيفيك في رأيي الشخصي
وده مش قدح في السيفيك ....العيب في شوارعنا المهببة
بالنسبة لشكل السيفيك انا كنت قرات خبر غريب ان الموضوع ده حيتأخر شوية علشان المشاكل المادية اللي بتمر بيا شركة هوندا