ميكانيكي بالاسكندرية

**SunSet** · 26-08-2010 11:11 PM

ممكن حد يدلني على ميكانيكي شاطر وأمين وعنده ضمير عشان معاينات العربيات في الاسكندرية

**grumby78** · 26-08-2010 11:33 PM

لو ميكانيكي ل سكوده او فولكس فاجن او سيات او اودي يبقى هريسه اللي في كوم الدكه عند المطافي اللي جنب سينما امير . ده رقم واحد في البلد للماركات دي وعنده كمان محل قطع غيار ليهم غير كده ما اعرفش.

**SunSet** · 26-08-2010 11:44 PM

المشاركة الأصلية كتبت بواسطة grumby78

لو ميكانيكي ل سكوده او فولكس فاجن او سيات او اودي يبقى هريسه اللي في كوم الدكه عند المطافي اللي جنب سينما امير . ده رقم واحد في البلد للماركات دي وعنده كمان محل قطع غيار ليهم غير كده ما اعرفش.

شكرا لاستجابة حضرتك

هو في الحقيقة غالبا العربية مش حتكون واحدة من الماركات دي

بس ولو كان ترضالي أتعامل مع واحد إسمه هريسة

**ashouhdy** · 27-08-2010 12:37 AM

هههههههه جامد هريسة دة

شوفى فى واحد ع اول شارع المعسكر الرومانى من ناحية الترام جوة ال باركينج اللى ع يمينك اسمة طارق هو اسمر و طويل هو ممتاز فى الكورى كلة والشاهين راجل امين جدا جدا جدا وغير كدة مؤدب بجد ..... روحى واتفقى معاة وانا اضمنهولك ع الأخر

**ashouhdy** · 27-08-2010 03:42 AM

هو مؤدب جدا ومحترم جدا وانا بتعامل معاة من اكتر من 12سنة هو و الاسطى الكبير بتاع اسمة الاسطى ابراهيم و احب اطمنك انهم ممتازين جدا و الجميل ان مكتر مهما اعدوا سنيين فى رشدى اللى هى منطقة راقية نسيوا تماما اخلاق الميكانيكية السيئة!!!

روحى واتفقى معاة قبل ماتتحركى وهو من بصة واحدة حيقولك ع اللى فى العربية متقلقيش بس اهم حاجة اتفقى ع كل حاجة من قبل ماتتحركوا عشان الاحراج فيما بعد

**ashouhdy** · 27-08-2010 05:30 AM

المشاركة الأصلية كتبت بواسطة muslima

جزاك الله عني خيرا

لكن حضرتك برضه مش قلت هو بيفهم في الماروتي والا هي كل الناس بيفهموا فيها؟ كمان هو المعتاد بيأخذوا كام؟ و ممكن رقمه لو سمحت؟

ملحوظة أنا كنت عمالة أفكر هو المعسكر الروماني كان فين بس إفتكرت لما حضرتك قلت رشدي

ده الموازي لشارع سوريا؟ وبعدين لو أنا جاية من الترام , مش حيبقى الباركنج على شمالي والا أنا بأتكلم في شارع تاني أصلا؟

لأ تمام انت كدة وصلتى صح الباركينج فى ضهر زهران-سويزا ع طول بالنسبة للتليفون افضل انك تتعاملى شخصيا وهم اجازة الاحد ... انتى روحى بس وقولى عايزة طارق ... و الماروتى عربية سهلة ميكانيكيا متقلقيش

تليفونة والله ضاع منى اصل انا ساكن جمبة ع طول وبركن العربية ع اول الشارع او جوة الباركينج فعمرى مااحتجت التليفون الا فى مرة واحدة كنت ع الصحراوى فى العامرية والعربية عملتها و كلمتة جالى :)))

**ashouhdy** · 27-08-2010 05:43 AM

لا والله ع حسب الشغل اللى فى العربية وانا من الناس اللى ممكن ادفع زيادة 50جنية بس أخد شغل 10 ع 10
والله اسمعى كلامى الراجل محترم جدا و مؤدب و امين بقول لحضرتك 12سنة :))))) يعنى جربى ومش حتندمى او انت مش خسرانة حاجة وانا كل يوم رايح جى علية لو عربيتك عندة مثلا حوصى عليها :)

-

-

-

الموضوع: ميكانيكي بالاسكندرية

LinkBack

أدوات الموضوع

عرض

ميكانيكي بالاسكندرية - انشر الموضوع فى :

-

-

-

-

-

-

المواضيع المتشابهه

ميكانيكي جين 2

ميكانيكي

ميكانيكي تويوتا بالاسكندرية

ميكانيكي فيات باليو بالاسكندرية

ميكانيكي جيد

الكلمات الدلالية لهذا الموضوع

المفضلات

المفضلات

ضوابط المشاركة