اولا : حمد لله على سلامة حضرتك من الحادثة واهم حاجة انك بخير وفداك مليون عربية وربنا يعوضك خير وباحسن منها
ثانيا : اهلا بيك فى اسرة نيسان ومشرفنا وتحت امرك فى اى خدمة
ثالثا : اجمل حاجة وخالتنى مبسوط هو ان حضرتك الحمد لله استفدت من الموضوعات المثبتة والموضوعات اللى بنطرحها وبنتشارك فيها بمشاركات مهمة
وده اللى بنسعى ليه اننا نفيد بعض ونجتهد فى عمل الموضوعات مفيدة
وبيسعدنا اكتر اننا بنلاقى اعضاء جدد زى حضرتك بتدخل وبتقراء وبتقدر تعب الاعضاء وبتتشارك معانا وبتفيدنا هى كمان
رابعا بخصوص الاختيارات عشان ترتاح
-اختيارك للاتوماتيك احييك عليه فى بلدنا دلوقتى
-وارشح لحضرتك السوبر صالون ومتقلقش من موضوع العفشة الناشفة دى ابدا , واذا كنت عاوز توفر فى فرق السعر الex مش وحشة ابدا بس هات اللى فيها abs
-بخصوص العيوب لازم تعرف ان الكمال لله وحده , فيه عيوب ممكن تتغاضى عنها واذا ظهرت بتتعالج فى الضمان وبسيطة
والعيوب الكبيرة اللى حضرتك ذكرتها , لو عيوب فتيس , عمرى ما سمعت ان حد اشتكى من فتيس اتوماتيك يابانى
ولو عيب زجاج بردوا عمرى ما سمعت ولو في عيب ظهر فى زجاج حد تلاقيه اتعمل فى ثوانى فى الضمان وبتكون حالة فردية ,المهم انك تطمن لانك معاك عربية نيـــــــــــــسان وكمان مراكز خدمة محترمة بتوجيه من التوكيل الام
خامسا : ضيف مع الكلام اللى قولته ده كله , تقييم العضو المحترم mk682 عن السيارة وكل اراء الاعضاء المحترمين
سادسا : نصيحة شوف انت محتاج ايه وايه اللى يناسب امكانياتك فى القسط ,بمعنى لو الفرق بسيط بين الex والسوبر صالون توكل على الله وهات السوبر صالون , واذا كان الفرق كبير يبقا خاليك فىى فيها الex عربية ممتازة بردوا بس اللى فيها abs
وكمان اطلب منهم هدية مع العربية زى وحدة رفع وسينسور بارك
وربنا يوفقك ومبروك مقدما باذن الله , وان شاء الله تكون معانا دايما
المفضلات