مشكله فى العفشة

**ehab3ma** · 27-08-2010 12:15 AM

خبراء المنتدى تحية طيبة عندى مشكلة لما بكون ماشى على اسفلت فيه تعريجات او مشيت على مخالب القط اللى بتبقى موجوده فى الارض بلقى عجلة القياده بتتحرك منى يمين وشمال ياترى ايه السبب مع العلم الموضوع ده بيحصل لما بكون ماشى بسرعه بطيئة على السلانسية مثلا الاول او الثانى ارجوا الرد ....... وشكرا

وكمان عاوز اعرف ما هى فائده البطاحات ومعرف جودتها و متى يتم تغيرها والكشف عليها ومدى صلاحيتها وشكرا ..................

**محمد الشامي** · 27-08-2010 12:46 AM

المشاركة الأصلية كتبت بواسطة ehab3ma

عندى مشكلة لما بكون ماشى على اسفلت فيه تعريجات او مشيت على مخالب القط اللى بتبقى موجوده فى الارض بلقى عجلة القياده بتتحرك منى يمين وشمال ياترى ايه السبب مع العلم الموضوع ده بيحصل لما بكون ماشى بسرعه بطيئة على السلانسية مثلا الاول او الثانى ارجوا الرد

اعتقد بارات الدريكسيون محتاجه تتغير , اللي اعرفه انها لما بتكون بايظه بتخلي الدريكسيون يعووم شويه

**SBkr** · 27-08-2010 02:30 AM

طبيعي طبيعي عندي كدة برضة

**ehab3ma** · 27-08-2010 03:02 AM

المشاركة الأصلية كتبت بواسطة محمد الشامي

اعتقد بارات الدريكسيون محتاجه تتغير , اللي اعرفه انها لما بتكون بايظه بتخلي الدريكسيون يعووم شويه

انا لسه مغيرهم بالاصلى وكمان مغير البطحات بس فيه حاجه بعد مغيرت البطحات حسيت اكنى راكب لانسر بس بعد كام شهر رجع اخبط زى الاول ياترى ده عيب ايه وكمان المساعدين خفيفة يعنى ايه خفيفة وازى اعرفها انها خفيفة وكمان بحس ان الخبط ده لما بكون على سرعة اما فى السرعة البطيئة بتكون كويسه ارجوا الافاده ............... وشكرا

**احمد ابراهيم** · 27-08-2010 03:03 AM

عندى نفس الكلام يا كبير

هل مضايقاك بتعمل اصوات دربكة مثلا او تخبيط او فيها حاجة مضايقاك ؟؟ اعتقد اللى عندك اقصد عندنا ده عادى

**tarek_2005** · 27-08-2010 03:08 AM

نفس المشكلة بس مطنش ومش حاطتها في دماغي لدرجة اني ما بحسش بفرق كبير بين اللانوس والفيات 127 في المطبات غير ان الصوت اهدي شوية في اللانوس

**احمد ابراهيم** · 27-08-2010 04:22 AM

مبدئيا روح ربط عفشة لو مكنتش مربطها قريب و لو المشكلة لسه موجودة يبقى تراجع حد بتاع عفشة على بيض المقصات و بيض الطرف و علبه الدركسيون برضو بتعمل صوت طقطقة او دربكة كده فى الارض المعرجة و شوف صوابع الكاليبرات بيقولو عليها دليل الفرامل بلغة الميكانيكية

اما المساعدين لما بتكون خفيفة تقدر تعرفها بانك تلاقى العربية بتاخد و تدى جامد معاك لما تدوس عليها يعنى مش ماسكة نفسها كده ( بتلب ) بصراحة مش عارف اوصفلك بيبقى شكلها ايه بس لما تدوس على العربية هتلاقيها بتنزل جامد لتحت و بسهولة

**karimfahmy99** · 27-08-2010 07:11 AM

بعد ردود السادة الافاضل طبعا واضح ان لازم حد عفشجى يشوف العيب فين بالظبط لانة ممكن كذا حاجة بارات او بيض او مقصات و ممكن برضة لو بتظبط زوايا عند حد شاطر هو بيعرف العيب فين و ميرضاش يظبط الزوايا الا بعد تصليح العيب لان تظبيط الزوايا مع وجود العيب زى قلتة المهم بتاع الزوايا يكون عندة ضمير لانة ممكن يطنش و المهم عندة الدفع

**SBkr** · 28-08-2010 12:27 AM

ياغالي طبيعي صدقني لأني مربط العفشة وبراجعها دوريا كل حوالي 1500 كم و المساعدين عندي جداد مكملش الأربعة 1000 كم وبظبط زوايا عند دكتور زوايا اسمة ابو حطب في المنصورة وغالبا لما اروح اظبط لازم يرجعني للعفشجي اصلح او اغير حاجة فبل ما اظبط وممكن يرجعني مرتين كمان وعندي نفس العرض دة لكن صوت العفشة كويس مفيش طقطقة او خلافة والزوايا مظبوطة