الموضوع: الصيانه الدورية كل كام كيلو

ده الاستاندرد بتاع الصيانه


سير تكييف
40,000 Km 4.0 Years
فلتر هواء
20,000 Km 2.0 Years
سير دينامو
40,000 Km 4.0 Years
زيت الفرامل
30,000 Km 3.0 Years
مياه التبريد
40,000 Km 4.0 Years
زيت المحرك + فلتر
5,000 Km 6.00 Months
فلتر بنزين
20,000 Km 2.0 Years
بوجيهات
20,000 Km 2.0 Years
سير كاتينة
40,000 Km 4.0 Years
شداد كتينة
80,000 Km 8.0 Years
كاوتش
40,000 Km 4.0 Years
طلمبة مياه
80,000 Km 8.0 Years

لكن حكايه من واقع التجربه دي فهي هتفرق من استخدام شخص لشخص تاني , وكمان حسب عوامل تشغيل السياره

المشاركة الأصلية كتبت بواسطة ehab3ma

متشكر يا باشا بس فيه حاجة ياترى فيه حاجة اسمها صيانة 100000 كيلو وايه اللى المطلوب تغييرة

بصراحه معنديش فكره واول مره اسمع عن الصيانه دي

المشاركة الأصلية كتبت بواسطة ehab3ma

وكمان ايه اعراض تلف كلا من طلمبة ابنزين طلمبه المياه لتلفى حدوث الشئ فجاه وشكرا

اعراض تلف طلمبه البنزين : صوتها بيبدأ يعلى لفتره بطريقه ملحوظه جدا , وبعدها بتتوقف عن العمل فجأه , و الكلام ده ممكن يتم على مدار شهرين او اكتر بعد علو الصوت لغايه لما تعمل عملتها

اعراض تلف طلمبه الميا :
1- سماع صوت احتكاك غريب من المنطقه اللي راكبه فيها الطلمبه
2- تسريب او نشع مياه من حول الطلمبه
3- خلل في اداء دوره التبريد متمثل في غليان الميا في دوره التبريد وفي الحاله دي دايما الخرطومين الكبار بتوع الردياتير (اللي رايح للمكنه واللي راجع منها) هتلاقي واحد منهم حرارته عاااديه جدا تكاد تكون منعدمه والخرطوم التاني هتلاقيه سخن مولع وهتحس الميا بتغلي جواه , وطبعا القربه هتلاقي الميا بتغلي فيها , وده لان ريش القلاب بتاع الميا حجمها تلاشى واصبحت بلا فائده والميا مش بتدور في الدوره بشكل سليم
وعن تجربه . طلمبه الميا شغاله معايا لغايه 120000 كم والحمد لله , على الرغم من ان جدول الصيانه بيقول 8 سنين او 80000 كم

المشاركة الأصلية كتبت بواسطة ehab3ma

طيب يا ريت مكان طلمبة المياه فين وكمان خرطوم المياه طبعا لو صور يكون احسن

الرقم 1 , 2 في الصوره هما الخراطيم الداخله والخارجه للردياتير

الرقم 3 هو اقرب مكان لطلمبه الميا , لانها خلف مجموعه سير الكاتينه بالظبط