الموضوع: نصايح لمدخن بيحاول يبطل؟

بص يا سيدى انا كنت مدخن شره جدا...كنت بدخن تقريبا علبتين فى اليوم لمدة 17 سنة متواصلة...المهم طبعا قهوة وسجاير على الريق مع سوء تغذية و مفيش رياضة فبالتالى الاعراض ظهرت بدرى بدرى
اولا:التهاب الجهاز التنفسي مع التهاب فى الحلق مزمن مش بيروح
ثانيا: ذبحة صدرية و دى طبعا كانت صعبة جدا عشان صغ السن
ثالثا:قوقون عصبى من كتر المنبهات مع التدخين

المهم بقى قررت ابطل...اول اسبوع صعب جدا جدا جدا جدا و مش هتعرف تبطل الا لو قاعد فى البيت و مش بتنزل لان هتلاقى صداع مش طبيعى و دة لمدة اسبوع
بعد كدة عادى ممكن تشم رائحة السجاير و تكرهها
انا بصراحة ماكنتش متوقع انى هبطل لكن الحمد لله انا بطلت من يوم 1-3-2009 و مش ممكن انسي اليوم دة ابدا
يعنى حوالى سنة و نص و مفي اى مشاكل و مش بفك ارجع تانى بصراحة

نصايح بق واحد عاش التجربة:
اول اسبوع لازم تكون قاعد فى البيت و مهما حصل ما تحاولش تشرب لو حتى سجارة واحدة لان الفترة دى هى البيبدأ فيها الجسم بالتخلص من النيكوتين تدريجيا (اعراض انسحاب)
ودى اصعب فترة عن تجربة بتحس ان صداع_عدم تركيز_عصبية _لكن لازم تكون انت فعلا عاوز تبطل و تحط قدامك مساوئ التدخين_انا عشان تعرضت للموت فاكيد كان اسهل انى ابطل و خصوصا ان الدكتور كان قالى ان العلاج مع التدخين مش هينفع

المشاركة الأصلية كتبت بواسطة angeliccore

شكرا يا باشا

أنا فعلا بحاول أعمل اللي بتقوله بس صعب قوي..كل شوية أرجع واقول ما أنا داخل الجيش كلها كام شهر والتعب اللي حتعبوا في التبطيل حيضيع أول مدخل عشان معرفش حد من صحابي ماكانش بيشرب بره الا ودخَل واتعلم يشرب سجاير والشتيمة إلخ...

إيه ينفع ك حاجة تاخد دماغي عن مسكت السيجارة؟
لب؟ سوداني؟ إيه غيرهم..أنا أصْلي مبحبش اللب :)

انا ما استخدمتش ولا لب ولا سودانى انا اعتمدت على عصير الطماطم
معرفش ليه بس كل الاعرفهم نصحونى بيه و خصوصا اول فترة
و فعلا ما حستش بالاعراض الا اول اسبوع بعد كدة ولا الهوا
على فكرة الجيش مش مبرر انك ترجع تشرب...بالعكس انت لو عندك عزيمة مش هتفكر حتى انك تولع سيجارة او تحرق فى صحتك زى ما كلنا متوقعين انك طالما دمك محروق او متنرفز يبقى تولع سيجارة عشان تهدى

المشاركة الأصلية كتبت بواسطة ASKAFRAWY

انا ما استخدمتش ولا لب ولا سودانى انا اعتمدت على عصير الطماطم
معرفش ليه بس كل الاعرفهم نصحونى بيه و خصوصا اول فترة
و فعلا ما حستش بالاعراض الا اول اسبوع بعد كدة ولا الهوا
على فكرة الجيش مش مبرر انك ترجع تشرب...بالعكس انت لو عندك عزيمة مش هتفكر حتى انك تولع سيجارة او تحرق فى صحتك زى ما كلنا متوقعين انك طالما دمك محروق او متنرفز يبقى تولع سيجارة عشان تهدى

السلام عليكم
كلام حضرتك صحيح عن الطماطم انا طبعا مش مدخنه بس درست ان الطماطم وخصوصا عصير الطماطم بالعسل مفيد جدا لان عصير الطماطم يقاوم أمراض الرئة الناجمة عن التدخين اتوصل علماء يابانيون إلى ان عصيرالطماطم يمنع ظهور وتطور مرض انتفاخ الرئة وكان العلماء يعكفون على دراسة تأثير المكوّنات الغذائية على صحة الانسان. ويأتي هذا الكشف بعد تأكيد ابحاث علمية حول العالم على اهمية الطماطم، وبعد سماح وكالة الغذاء والدواء الاميركية بوضع علامات على بعض منتجاتها، تشير الى كونها تقلل من احتمال الاصابة بسرطان البروستاتا. وقال باحثون في كلية الطب بجامعة جانتندو، ان مشروبا يحتوي نصفه على عصير الطماطم قد منع تماما حدوث تضخم الرئة الناجم عن التدخين. وقد قارنوا بين أعداد من الفئران استنشقت دخان السجائر30 دقيقة في اليوم لمدة خمسة ايام في الاسبوع لفترة ثمانية اسابيع، ووجدوا ان ابتلاع مادة «لايكوبين»؛ وهي مادة مضادة للأكسدة توجد في الطماطم، قد منع حدوث المرض.وكانت أبحاث اميركية حديثة قد اشارت الى أن ثمار الخضروات الحمراء الطازجة الغنية بمركبات «لايكوبين» تقلل خطر الإصابة بسرطان الرئة، الذي يعتبر تدخين السجائر أهم عامل
خطر للإصابة به، والى أن تناول الطماطم يقوي الرئتين يوميا صباحا يغوضهم عن ماده النيكوتين ويساعدهم في البعد عن التدحين emphysema ولقد وجدو ان المقلعين عن التدخين لو اعتادوا شرب عصير الطماطم يزيد مناعتهم واستغنائهم عن التدخين ....واولا واحيرا لازم حضرتك تكون مقتنع من جواك انك تبعد عنها ياله احنا مستنين حضرتك ومعاك وان شاء الله تبشرنا

وقنا واياكم كل سوء