ايه انسب مرسيدس تتشرى فى حدود 80 ل 90 الف ؟ ياريت الاسباب وهل التوكيل بيقدم خدمات للموديلات القديمه؟
عرض للطباعة
ايه انسب مرسيدس تتشرى فى حدود 80 ل 90 الف ؟ ياريت الاسباب وهل التوكيل بيقدم خدمات للموديلات القديمه؟
السلام عليكم و رحمة الله و بركاته
أنا ماعتقدش أن التوكيل بيقدم خدمات صيانة أو قطع غيار للموديلات القديمة , بس انا أعتقد أن صيانة العربيات دى مش مشكلة و أن أغلب الصنايعية بيفهموا فيها , بس الفلوس اللى معاك دى , ممكن تجيب زلمكة e200 1988-1989حالتها نظيفة و ممكن تبقى تكشف عليها فى التوكيل .
و الله أعلم
مازيراتى كواتروبورتيه
شكرا على الرد- انا باسال عن التوكيل على اساس - الكشف فعلا على العربيه تانى حاجه قطع الغيار - اعتقد قطع غيار مرسيدس متوفره - بس الخوف من المضروب- انا ضد القطع المستورده او المستعمله - وجهة نظرى ان الاصلى حتى ولو غالى بس امان وعمر اطول بكتير
انا سمعت برضه الكلام عن موديلات الزلمكه - بس الغريب ان المعروض مش كتير - حتى فى المعارض
ممكن تجيب 200 موديل 89 كامله ودى احسن من اى حاجه
السلام عليكم و رحمة الله و بركاته
المرسيدس الزلمكة ال 200 موديل 1990 و أنت طالع بتبقى أغلى و بتوصل بالكتير لو نظيفة الى 110 ألف جنيه:O_stupid[1]:و بصراحة مش خسارة فيها خااااااااااااااااااالص لأنها فى رأيى أنها أحسن من أى عربية من العربيات الجديدة اللى نازلة اليومين دول من جميع النواحى و حتى لو دخلت قسم المرسيدس هنا فى المنتدى , نادرا ماتلاقى حد بيشتكى من عربيته المرسيدس فى حاجة , و على فكرة , ده رأيى و ده اللى أنا شايفه و أنا حر فى رأيى .
بالنسبة للشكل , هتلاقى أن المرسيدس ال 90 فمافوق , الأبواب ماعليهاش جرايد زى الزلمكة ال1985-1989 لكت بيبقى عليها باكتات عريضة و هى معروفة بالباكتات دى حتى عند تجار العربيات .
أنا من رأيى أنك لو مستعد تدفع السعر ده فى العربية , اصبر و طول بالك لحد ماتوقع واحدة نظيفة و اركبها و انسى الدنيا خاااااااااااااااااالص:36_1_50[1]: .
بالتوفيق ان شاء الله
مازيراتى كواتروبورتيه
انا مقتنع تمام بالكلام اللى حضرتك قلته- اللى شاغل بالى ان الحكم على عربيه زى المرسيدس محتاج مكان موثوق وماعرفش التوكيل ممكن يكشف ويحدد حالة عربيه موديل قديم ولا لا
كمان قطع الغيار - هل للموديلات القديمه متوفره اصلى ولا الواحد حيضطر يجيب استيراد او تقليد وده مش فى تفكيرى خالص
هو فيه ايه يا جماعه
موديل 89 ايه و90 ايه اللى بتقولوا عليه
المبلغ ده ممكن يجيب حته c180 موديل 1999 مرتاااااااااااااااااح
بص شوف الموضوع ده عضو من الاعضاء هيشترى موديل 99 وشوف السعر اللى معروض عليه كام
http://www.nilemotors.net/Nile/177526-c180-99-a.html