المساعدين خفيفة

**ehab3ma** · 27-08-2010 03:16 AM

العفشجى قالى ان امساعدين عندى خفيفة يعنى ايه خففة وازاى اكشف عليها وايه الاضرار الناتجة عن ذلك وياريت تعريف الفرق بين المساعدين و السوست وشكرا ...................

**محمد الشامي** · 27-08-2010 03:23 AM

المساعدين خفيفه يعني مقاومتهم للإنضغاط (او الشد والجذب اصبحت ضعيفه) , وبالتالى التحميل كله بيكون على السوست , سواء التحميل كأوزان او التحميل في المطبات والحفر

والعكس

السوست لو تعبت هتلاقي مقاومتهم للحركه اصبحت ضعيفه على غير العاده , وهيكون التحميل كله على المساعدين , وده معناه ان المساعدين هتتعرض للضغط والإجهاد الدائم وهتبوظ

يعني السوست والمساعدين الاتنين بيكملوا اداء بعض , والخلل في عمل احدهما بيأثر على عمل التاني بشكل مبااااشر

**ehab3ma** · 27-08-2010 03:44 AM

المشاركة الأصلية كتبت بواسطة محمد الشامي

المساعدين خفيفه يعني مقاومتهم للإنضغاط (او الشد والجذب اصبحت ضعيفه) , وبالتالى التحميل كله بيكون على السوست , سواء التحميل كأوزان او التحميل في المطبات والحفر

والعكس

السوست لو تعبت هتلاقي مقاومتهم للحركه اصبحت ضعيفه على غير العاده , وهيكون التحميل كله على المساعدين , وده معناه ان المساعدين هتتعرض للضغط والإجهاد الدائم وهتبوظ

يعني السوست والمساعدين الاتنين بيكملوا اداء بعض , والخلل في عمل احدهما بيأثر على عمل التاني بشكل مبااااشر

طيب اعرف منين ان المساعدين او السوست خفيفة وايه الاضرار النتاجة عن ذلك وشكرا

**محمد الشامي** · 27-08-2010 03:53 AM

هي بتبان عن طريق الضغط عليها زي ما اي عفشجي بيعمل

يعني تقدر تقول عمليه احساس من خلال الضغط على الشنطه او الرفرف الجانبي وتقييم الحاله

بس بصراحه مش هقدر افيدك في مقاييس التقييم اوي

ممكن ننتظر حد يفيدنا احنا الاتنين في المقاييس دي :-))

لاني الحمد لله محصليش اي معاناه مع العفشه لسا :-)

**karimfahmy99** · 27-08-2010 07:05 AM

طبعا شرح بتعرف ازاى المساعد خفيف صعب شوية بس هقول و اتمنى تفهم الطريقة . تقف برة العربية امام العجلة الىى انت عاوز تختبر المساعد بتاعة . تقوم ضاغط بقوة الى اسفل يعنى تحط ايدك على الكبوت او الشنطة و تضغط لتحت الوضع الطبيعى لو سليم انها ترد و ممكن تتطلع سنة عن ارتفاع العربية الطبيعى و تنزل و تثبت مكانها مرة و احدة . لو بايظ او خفبف بتحس انها بتطلع و تنزل اكتر من مرة . و فى الحالة دى الوضع خطير لو انت من هواة الغرز و الملفات الجامدة لان كدة بيؤدى لانقلاب العربية لان دى من احد و اهم فوائد المساعدين و ليس المطبات بس . ربنا يحفظنا

**MMamdouh** · 27-08-2010 05:56 PM

هى بتبان برضة على السريع لو اخدت مطب هوا بتلاقى العربية زى المركب فى وسط الموج

MMamdouh

**karimfahmy99** · 13-09-2010 06:59 AM

كلمة المساعد خف يعنى مقاومتة ضعفت او انتهت سواء فى الفتح او القفل فسواء مطب غويط هيفتح و يرزع او العكس هيقفل و يرزع . مفيش مقاومة من المساعد و هى دى وظيفتة بالاضافة لتدعيم ثبات العربية برضة

**mely** · 13-09-2010 08:45 AM

المساعد الkypرائع بس ناشف وبيعوم العربيه وهيا فاضيه ولو عايز العربيه متحكش فى المطبات غير السوست الى ورا وركب بتوع اوبل 95 بس اقطع منعم لفه ونص وتعالى قابلنى لو حكت بس بالله عليك لو لاقيتهم قولى فين لان انا مركبهم من سنتين وليا اصحاب كتير مجننانى بدور عليهم بس دول لازم يركب معاهم ال kyp لأن g m معاهم بيبقى فاضى خالص بس ده تعديل لاصحاب الخدمه الشاقه انا عربيتى مفحوته فى الجبل بقالها 3 سنين كنت بحسس على كل المطبات لحد ما عملت كده والى عاز يعرف يميزهم من بعض يقيس قطر السوسته بمفتاح مقاس 14 بلدى لو دخل يبقى لانوس لو مدخلش يبقى اوبل لأن الاثنين نفس الشكل وعدد اللفات ومحدش يجرب يركبه كامل لأنه قوى جدااااا

ارجو الافاده للجميع

بالمناسبه كلام الاستاذ ممدوح حقيقى ونضيف عليه لو مطب صناعى العربيه اول ما بينزل العجل الامامى العربيه بتخبط من تحت