الطريق الي كورنيش المقطم

**ahmed_mido1889** · 28-08-2010 03:30 PM

بس مفيش منزل للمقطم من غير لما تعدي عالاوتوستراد

**M.Osama** · 28-08-2010 03:59 PM

المشاركة الأصلية كتبت بواسطة ahmed_mido1889

يبقي حضرتك هتمشي لحد ما توصل لابراج سما المعادي هتلاقي بعدها بحبه منزل عاليمين هو مش منزل بمعني منزل
هو تفريعه من الطريق هتمشي في الطريق ده
هتلاقي كوبري متطلعووش كمل من تحته هتلاقي نفسك بقيت عالاوتوستراد هتمشي عالاوتوستراد هتعدي كوبري التونسي (خلي بالك الكوبري عليه مطبات صناعيه) هتكمل بعديه هتلاقي كوبري تاني اطلعه وامسك يمين في اخر الكوبري
هتلاقي مطلع المقطم علي اليمين من اخر الكوبري هتخش اليمين هيبقي المقطم بمطالعه في وشك علطول
اطلع لحد الاخر وخليك في الشمال لحد لما تلاقي ميدان كمل علطولهتلاقي مترو ماركت علي شمالك كمل علطول
هتلاقي شارع بالعرض خش يمين هتلاقي الكورنيش في وشك بعد حوالي 200متر وبعد كده هتلاقي الكافيهات في وشك
بس خلي بالك علشان هناك في كافيه ماكسيم ده سرقه علني.

تمام كده انا بعد ما ركزت في السكه دي لقيتها سهله وتمام

تسلم يابوحميد.. ومعلش تعبتك معايا.. بس علفكره انا مش حعد علي كافيهات وكده انا حعد قدام الهضبه علطول

**ahmed_mido1889** · 28-08-2010 04:10 PM

ما هي الكافيهات هي طرف هضبه المقطم حاول تقعد في اخر واحد في اليمين ده اسعاره في الحنين
يعني انت علشان تقعد علي الهضبه لازم تاخد مشروب

**ahmed_mido1889** · 28-08-2010 04:12 PM

ولا تعب ولا حاجه ده انت تأمر

**M.Osama** · 28-08-2010 04:19 PM

المشاركة الأصلية كتبت بواسطة ahmed_mido1889

ما هي الكافيهات هي طرف هضبه المقطم حاول تقعد في اخر واحد في اليمين ده اسعاره في الحنين
يعني انت علشان تقعد علي الهضبه لازم تاخد مشروب

ازاي بقي ! انا قعدت قبل كدا علي الهضبة مباشرة بدون كافيهات ولا يحزنون.. ولا هوا المكان اتغير ؟؟ اصل مروحتش هناك غير مره واحده من سنه تقريبا او اتنين

**ahmed_mido1889** · 28-08-2010 06:34 PM

انا اخر مره كنت هناك كان في العيد اللي فات

**MMamdouh** · 28-08-2010 07:05 PM

المشاركة الأصلية كتبت بواسطة M.Osama

الف شكر ليك يابو حميد علي ردك بس هوا مفيش طريق تاني من بره بره من غير ما انزل اوتوستراد وكده ؟؟ يعني في منزل للمقطم علطول ؟؟

معلش طولت عليك بس الواحد بيتجنب الاوتوستراد قدر المستطاع

فيه طريق اسهل... بعد ما تنزل النزلة اللى وصفها الزميل من الدائرى الى الوتوستراد... ادخل اول يمين يقابلك... اليمين دة بعد طلعة الدائرى مباشرتا و على شمالك حتبقى فيه محطة بنزين... المشى مع الطريق و عند اول تقاطع خش شمال و بعد شوية شمال تانى و اضل ماشى مع الطريق حتلاقى نفسك بقيت فى اخر مطلع المقطم

اتبع الخط الاحمر اللى فى الخريطة و انت نازل من نزلة الاوتوستراد حتلاقى نفسك فى ميدان النافورة

MMamdouh

**د.أحمد سمير** · 28-08-2010 09:25 PM

يا جماعة فيه مخرج رسمي للمقطم من الدائري في طريقك يا محمد أسامة

بعد نفق التجمع الأول والربوة ، وقبل نفق التجمع الخامس هاتدخل يمين في محور na
وهتلاقي مكتوب عليه مخرج المقطم
هاتكمل فيه للنهاية ، ثم شمال ثم يمين وسط المقابر
ثم هاتلف يوتيرن شمال كأنك راجع على الدائري ، وأول يمين هو مطلع المقطم من عند الهضبة الوسطى ، هاتكمل الشارع على طول لا يمين ولا شمال حتى ميدان النافورة

بس هاتضطر تاخد المقطم من أوله لاخره للوصول إلى الكورنيش ..

أنا عارف إن هذا الطريق أبطأ رغم أنه أقصر ..
وأنا لو مكانك يا محمد آخد الدائري لحد مطلع المقطم من الأوتوستراد رغم إنه أطول لكنه أسرع غالباً .
لكني مضطر أجاوب على سؤالك بخصوص وجود مخرج للمقطم من الدائري
وتوصل بالسلامة

**MMamdouh** · 28-08-2010 11:59 PM

فعلا زى ما قال د/احمد... انا نسيت دخلة الN/A من الدائرى... بس هى المشكلة فعلا انك عايز الكورنيش فا حتاخد شارع 9 من اولة خالص لاخرة خالص

MMamdouh

الموضوع: الطريق الي كورنيش المقطم

LinkBack

أدوات الموضوع

عرض

-

-

-

المواضيع المتشابهه

حادث بشع على طريق كورنيش الأسكندرية

كورنيش النيل - الاسكندرية

رياضة الصبح على كورنيش اليكس مين قال جاى

هاااااااااام يجدعان عيزين نقيم سبقات فى المقطم او على الطريق السريع

حدث بالفعل ......... على كورنيش أسكندرية

الكلمات الدلالية لهذا الموضوع

المفضلات

المفضلات

ضوابط المشاركة