خد بالك لو هاتغير فيوز فى العربية
من حوالى اسبوع قلت ابص على طقم الفيوزات اللى فى العربية ( كيا برايد ) قال يعنى مهتم بالعربية وبظبطها
فلاقيت فيه فيوز بايظ قلت اغيره
فرحت اشتريت طقم فيوزات من اقرب محل ليا لقطع غيار السيارات
المهم غيرت الفيوز وطبعا بصيت كويس على الامبير اللى مكتوب جنب مكان الفيوز قبل ما أغيره
وكام يوم وانا ماشى بالعربية لاقيت دخان :120146bعند الفانوس الصغير ( هو كان مكسور ) وقبل ما انزل عشان اشوف ايه الجرى لاقيت
دخان كمان من جوه تحت الدركسيون قلت افصل البطارية بسرعة وعقبال ما فصلت البطارية رجعت ابص على اللى حصل جوه لاقيت فيه نار تحت الدركسيون فى الضفيرة I_angr1[1]: والناس اتلمت يا معلم
وجبت ميه وطفيت النار ( الحمد لله كانت نار صغيرة ولحقتها )واللى ماشى فى الشارع مش فاهم فيه ايه بقى يجرى ويقولك العربية هاتفرقع وبقت هيصه
المهم زأيت العربية ورحت للكهربائى ولما كشف لاقينا الضفيرة والاسلاك اللى واصله بيها محروقة فى كذا مكان ومكان الفيوز اللى ركبته سايح
وبعدين الكهربائى رمم لى الضفيرة واستبدل الاسلاك التالفة بعد ما فك الكاوتش الشمال والكاربراتير وكام حاجة كده وشغلانة يا معلم قعد فيها يومين وانا لاقيتها فرصة وجبت له فوانيس صغيرة عشان يغيرها ويركب لى كتاوت لتقوية نور الكشافات الكبيرة وكمان غير لى لمبة اقوى لنور الصالون وكل ده انا اللى رحت اشتر يته وقاس لى شحن الدينامو
هو بس جاب على حسابه الاسلاك والبلاستر والحمد لله كله بقى تمام
بصراحة الراجل شغله نضيف
بس لما جيت اسأله على الحساب قالى 400 جنيه:36_1_1[1]: وبعد الفصال دفعت 330 جنيه
اللى استنتجته ان طقم الفيوزات اللى اشتريته كان مضروب ولما حصلت قفله فى الفانوس الصغير بدل ما الفيوز يضرب ولع لى الدنيا
فخدوا بالكوا لما تشتروا اى حاجة مهمة
للعربية لازم تجيبوها من مكان مضمون تفاديا للحوادث
وربنا يسترها علينا جميعا