خشونه في صوت العربيه

**tamer_a7** · 27-08-2010 04:54 AM

الاول احب اقول ان الموضوع تفكير بصوت عالي مع ناس بتفهم اكتر منه اي حاجه تانيه
نشرح المشكله ببساطه العربيه ةهيه ماشيه في صوت خشونه سخيف جدا دا طبعا ليه اسباب كتير
اولا البليه بتاعت العجل طيب العربيه لو بتتحرك بقوه دفعها العاديه علي منزل مثالا وانا ممور بيبقي ما فيش صوت يبقي كده البليه برائه
ثانيا بليه الفتيس وديه بتدي صوت خشونه مع الماشي وحتي والعربيه واقفه بس البليه دي بتبان جدا لما تبقي واقف ومدور وتدوس دبريش بتحس ان الخشونه انتهت فورا او الصوت راح
علشان انت فصلت الفتيس بس دا ما بيحصلش لانه الصوت مرتبط بالحركه وما فيش اي صوت نهائيا في الوقوف علي السلنسيه او حتي لو مزود بنزين
ثالثا والمتهم اللي فاضل وانا شاكك فيه الكوبلن هو مؤخرا بدا يطقطق في الملفات ودي طبع معنها انه بيودع بس هو التساول المهم هنا هل ممكن فعل انه يسبب صوت الخشونه الغريبه دي
مستني رايكم

**rompo6** · 27-08-2010 05:25 AM

بايظ عندي ومبهدل الدنيا

**karimfahmy99** · 27-08-2010 01:38 PM

ممكن لو كاوتش الكوبلن مقطوع او اتقطع و اتغير بكاوتش تانى ان الشحم طلع من الكوبلن فى الحالة الاولى او الشحم اللى اتحط نوع وحش مش بتاع كبالن و ساح و الكوبلن مفهوش شحم فى الحالة التانية . لان الكوبلن ما هو الا بلى برضة

**tamer_a7** · 27-08-2010 02:51 PM

المشاركة الأصلية كتبت بواسطة karimfahmy99

ممكن لو كاوتش الكوبلن مقطوع او اتقطع و اتغير بكاوتش تانى ان الشحم طلع من الكوبلن فى الحالة الاولى او الشحم اللى اتحط نوع وحش مش بتاع كبالن و ساح و الكوبلن مفهوش شحم فى الحالة التانية . لان الكوبلن ما هو الا بلى برضة

وجهه نظر سليمه بردوه يبقي ممكن تكون البليه بتاعت الكوبلن هيه اللي خشنه
النهارده اروح للميكانيكي واخليه يبص علي الكوبلن واقولكم ايه الاخبار

**karimfahmy99** · 27-08-2010 03:04 PM

المشاركة الأصلية كتبت بواسطة tamer_a7

وجهه نظر سليمه بردوه يبقي ممكن تكون البليه بتاعت الكوبلن هيه اللي خشنه
النهارده اروح للميكانيكي واخليه يبص علي الكوبلن واقولكم ايه الاخبار

كلام سليم و يبص على الكاوتشة و اذا كان فى شحم فيها و لا لأ و ممكن يرفع العجلة و يلفها و يشوف الخشانة دى منها و لا منين

**haythamkmal** · 27-08-2010 03:21 PM

بص انا حصلى الموضوع ده قبل كدة وخلانى الف حوالين نفسى وغير الفتيس وبلى العجل ، وفى الاخر طلع الصوت من كاوتش العربية كان كومهو وللاسف مشكتش فيه لانه كان جديد وكان الصوت بيظهر على سرعة 10 كم.
اتاكد ممكن يكون الكاوتش

**cardevil** · 27-08-2010 11:16 PM

المشاركة الأصلية كتبت بواسطة haythamkmal

بص انا حصلى الموضوع ده قبل كدة وخلانى الف حوالين نفسى وغير الفتيس وبلى العجل ، وفى الاخر طلع الصوت من كاوتش العربية كان كومهو وللاسف مشكتش فيه لانه كان جديد وكان الصوت بيظهر على سرعة 10 كم.
اتاكد ممكن يكون الكاوتش

بالنسبة لموضوع الكاوتش الكومهو نقشة الشجرة على فكرة الكاوتش دة المفروض مينزلش مصر اساسا لانة خلا ناس كتير تلف حوالين نفسها الكاوتش دة بتاع بلاد الجليد .... لان لو انت قدامك كاوتش جديد مرر علية كف ايدك حتحس ان الدوران اللى في نص الفردة بارز شوية عن باقى الكاوتش وطبعا دة لازم يعمل احتكاك بالارض ويكون فية صوت بشع حتى في السرعات الضعيفة وطبعا المكانيكية اشتغلو على تغير البلى على حس الفرد دة انا اصحابي عانو كتير

وياباشا يا صاحب الموضوع اول حاجة بص عليها الكاوتش واتأكد منة