الموضوع: عايز واحد بتاع عفشه كويس

السلام عليكم و رحمه الله وبركاته
لو سمحتو انا معايا عربيه هوندا سيتى موديل 2005 و هى بصراحه عربيه محترمه جدا بس نتيجه المنطقه اللى ساكن فيها علشان لسه جديده و مش متسفلته العفشه بتاعتها بدات تخبط و بقت سايبه على الاخر ف معلش كنت عايز اعرف مكان واحد فى الهرم بيربط العفشه بس يكون كويس علشان جربت كتير قبل كده و يا دوب هما يومين و العربيه ترجع تخبط تانى و شكرا و جزاكم الله كل خير

المشاركة الأصلية كتبت بواسطة احمد المصرى

العفشجى دا ال قالى عليه محمد الشامى وانا شخصيا بثق فى كلامه

المشاركة الأصلية كتبت بواسطة احمد المصرى

[img]file:///c:/docume%7e1/kabdel%7e1.fac/locals%7e1/temp/msohtmlclip1/01/clip_image001.gif[/img]

العفشجى

حضرتك اكيد عارف الطوابق , في 3 شوارع رئيسيه هناك , شارع الصفا والمروه والشارع بتاع السوق , والشارع اللي فيه مدرسه فضل الحديثه

احنا عايزين شارع الصفا والمروه اللي علي ناصيته اللورد بتاع العصير

هتمشي في شارع الصفا والمروه وهتدخل تاني شارع شمال , الشارع على ناصيته صيدليه الصفا المروه

بعد ما تدخل الشارع بحوالى 150 متر تقريبا هتلاقي ورشه (سماره) بتاع العفشه , هي عباره عن ورشتين كبار جنب بعضهم
ورشه لأعمال العفشه والترصيص بالموتسيكل , و التانيه لظبط الزوايا بالكمبيوتر

اهم حاجه بس حضرتك تروحله بدري على اد ما تقدر , لانه دايما بيكون زحمه

وبإذن الله يحل كل مشاكل العفشه الموجوده عندك

وبمنتهى الامانه هو راجل محترم وامين ومن النوع اللي بيشتغل في صمت هو والناس اللي معاه
انا اتعاملت معاه كذا مره , وبصراحه كان شغله 100% , وكمان مصنعيته كويسه , مش بيبالغ ومش هيختلف معاك في فلوس


ولو في اي حاجه مش واضحه في وصف العنوان انا تحت امرك

بجد والهى تسلم ايديك على المجهود ده انا ان شاء الله هجربه و ارد عليك