الموضوع: مشكلتين وعاوز الحل سيراتو 2010

المشاركة الأصلية كتبت بواسطة hosamenter

ياريت يا جماعة اللى اشترى الانتينا يقولنا جايبها منين وبكام

اعزائى انا شارى الوحدتين من عند ادريان الهرم وهما اللى مركبينهم عندهم بالتركيبب140 جنية وشغالين تمام هما نوعين نوع ب100بالتركيب صينى ونوع ب150بالتركيب تايوانى انا ركبت اللى ب150 وحاسبتهم ب140 جنية علشان كنت مركب شوية حاجات وشغالين زى الفل ماشاء الله ولما السنتر يقفل على 40 ك الزجاج مابيقفلش الا لما انت تقفلة

انا مركب وحدة رفع بترفع الابواب كلها وشغالة مع المفتاح بس الريموت و بس

[QUOTE=AnAcOnDa_0054;3872981112]

المشكله الاولي ان الاريل بتاع العربيه اتسرق ومش عارف اجيبه منين وبكام ياريت حد يفدني بمكانه او سعره

المشكله التانيه وهي وحدات الرفع بتاعت الازاز لما جيت اركبها الكهربائي قلي ان القفل المركزي بتاع العربيه اللي بيقفل ابواب العربيه عند سرعه 20 كيلو لو قفل وانا ماشي هيرفع الازاز وكدا هنزله يدوي تاني
لو في حد ممكن يفيدني الحل ايه وهل في حد ركب وحدات رفع للنيو سيراتو ولا لا

بص يا باشا ... صباح الخير أولا و كل سنة و انتوا طيبين

انا برضه مركب وحدتين رفع صينى ... الوحدة ترفع إزازين و ثمن الوحدة الواحدة 75 جنيه بالتركيب

و مفيش طريقة أثناء التركيب ممكن الفنى يتفادى بيها إن الإزاز يرفع مع السنتر لأنه ببساطة الوحدة متوصلة على سلك الباب المسئول عن وظيفة السنتر لوك ... بالنسبة للحالتين اللى اتقالوا قبل كدة فده ممكن يرجع لنوع الوحدة اللى هم مركبينها أو يمكن تكون الوحدة متوصلة بجهاز استقبال الريموت المسئول عن وظيفة السنتر لوك عن طريق الريموت و مش بتستقبل أى إشارات من جهاز ال Safety Lock المسئول عن قفل الأبواب بعد سرعة 40كم

المفروض إن الحركة دى "المقصود بيها إن الإزاز بيترفع أوتوماتيك و الأبواب كلها تقفل" كانت ولا زالت بتنزل فى البى ام دبليو ... يعنى هى ميزة ... لكن لو حضرتك شايف إنها عيب و مضايقاك أوى إليك الحل:

1- إما إن حضرتك تستنى لحد ما العربية تعدى سرعة 40 و السنتر يقفل و بعد كدة تفتح اللى انت عاوزه

2- أو ببساطة تدوس على زرار ال Lock بتاع الإزاز و بكدة هتفصل عمل وحدة الرفع مؤقتا لحد ما حضرتك تيجى نازل من العربية و تروح مبطل الزرار تانى علشان وحدة الرفع ترجع تشتغل

بس على العموم يعنى كلنا فى الحر و الرطوبة دى بنقفل الإزاز علطول و نشغل التكييف على واحد و نعيش