ازاي اقيس زيت الفتيس في الماروتي؟؟

**dr.hazem** · 27-08-2010 09:41 AM

صباح الخير
يا ماروتاويه
انا كنت بتابع زيت الفتيس

قرأت في الكتالوج ان عشان تشوف مستوى الزيت بتفتح غطا زيت الفتيس وتمد صباعك لو لقيت الزيت واصل لصباعك يبقى ممتاز لا لا زوده

انا مقتنعتش بكده لكن هوا ده المكتوب

وفعلا ملقيتوش لصباعي وزودته لحد اما وصل
بعدها اتحسن سحب العربية رائع
يومين كده ببص لقيت ماسورة الفايض مغرقه الدنيا

والكلام ده من اكتر من شهر
المشكله بقا اني لحد دلوقتي بلاقي زيت فتيس مندع حوالين ماسورة الفايض
ففي حاجه غلط
يا اما زيت الفتيس زياده او انه بيتمدد ولا ايه

المطلوب هوا اقيسه ازاي؟؟؟
هل المؤشر اللي في الغطا هوا اللي بيقيس المستوى؟؟ رغم كلام الكتالوج؟؟
علما بان الكتالوج اللي عندي بتاع ال 2010 وجبته من موقع الشركه اما عربيتي فهي 2007

سلامي للجميع

حازم

**love7amada** · 27-08-2010 07:28 PM

متابع

**aymanay32** · 27-08-2010 08:59 PM

غطاء زيت الفتيس فيه حديدة نازلة منه عاملة زى المسمار
هتلاقى فيها من تحت خربشة كدة
دى مقاس الزيت
لما تفتح تطلعها و تشوف الزيت واصل فيها لحد فينمغطى الخربشة و لا زايد عنها
و فى حالتك ستلاقيه زايد عنها شوية

دى مقاس الزيت
و ممكن كنت تدور فى المنتدى هتلاقى مواضيع بتتكلم عن الموضوع دة بالتفصيل و نوع الزيت بتاع الفتيس و سعرة و كل حاجة بس كنت هتتعب شوية
لان المواصيع دى من فترة طويلة
و اى حاجة احنا فى الخدمة يا باشا

**dr.hazem** · 28-08-2010 05:36 AM

شكرا يا ايمن باشا
عموما انا اخدت بالي من الخربشه دي بس مش ده اللي مكتوب في الكتالوج والزيت عندي يدوبك على الخربشه يعني لو هوا ده المقياس كان لازم الاقي عليه زياده
انما اخدت بالي بقا ان الكتالوج طلع مشاور على سداده في الفتيس عاليه هبقى اصورهالكم بس مجربتش افكها والله لكن هيا دي اللي قصدهم تمد فيها صباعك
ولو فكيتها هبقى اقولكم عليها ان شاء الله

تحياتي