معلش حضرتك انا هعقب علي نقاطك المحترمة مش تحيز لأي عربية لكن هتحيز الي السوق كعرض و طلب
1- لما نيجي نتكلم عن النترا او سيراتو يبقي في وقتنا الحاضر السيراتو هتكسب و الالنترا هترجع مسافات كتيرة اوي لورا و اعتقد ان مبيعات الالنترا سقطت بعد نزول السيراتو و طبعا السوق في مصر مظاهر من الدرجة الاولي و ده سبب ان الناس تجري علي السيراتوا في الوقت الحاضر ... اما بالنسبة ان العربيات كوري و تقفليها كوري دي مش حاجه كويسة زي ما حضرتك فاهم لأن السيراتو اخيرها لو بتحافظ عليها خمس سنين و تقلب العربية مش اكتر من كده و الالنترا باعتراف اصحابها انها خفيفة و كمان واطية جدا .
2- موضوع التجميع المصري ده لا يعيب العربية في شيئ بل بالعكس الحاجات المصري هي الزجاج و المعروف ان دكتور جريش بيصدر للخارج و بعد كده نلاقي العربية كوري و مكتوب علي زجاجها دكتور جريش و الكراسي مفيهاش مشكلة و مريحة رغم انها مصري و الضفيرة المصري مفيهاش مشكلة و اذا وجدت بتتغير فورا في التوكيل .. يعني حاجات محلولة
3- نقطة جديدة بقي جدا علي حضرتك ان هتلاقي العربيات اللي جاية من بره جمرك بالصفيحة الصفرا موديل السنة يعني مش بعيد تكون مصر بتصدر للدول اللي بره مصر ... يبقي كده فعلا عربية اثبتت نفسها داخليا و خارجيا
4- العربية ليها كمية مراكز خدمة لا حصر لها اه فعلا الكمية الكبيرة في مصر و اسكندرية لكن في اسيوط و الغربية و المنوفية و سمعت في الفترة الاخيرة انهم فتحوا في الغردقة.
5- معلومات حضرتك فيها خطأ فادح ان مفيش صني في الموقع لأن لو حضرتك فعلا دورت كويس هتلاقي الصني في الموقع بتاع نيسان الميدل ايست http://nissan-me.com/en/web/models/SUNNY%20CLASSIC/home/hpage.htm
حضرتك تحيزك لعربيتك مش عيب لكن لو حضرتك جربت الصني هتلاقي ان كل الاعضاء هنا عندهم حق
و اهلا بيك في قسم نيسان