ارجو من الجميع ابداء الراى حول شكل الماتركس الجديد 2009 ام الشكل الجديد لانى حستلم الشكل القديم خلال ايام ومش عارف استنى الشكل الجديد ولا مش فارقة كتير واتكل على اللة
ارجو الافادة من الجميع كما تعودنا دائما من اعضاء هذاالمنتدى الجميل الرائع الجدعان
اخوكم
بودا
طبعا الشكل الجديد 2009 دة شبة جيب
الشكل الجديد شكله حلو لكن الخلفيه مش حلوه
هما شبه بعض مش جيب خالص
بس الشكل الجديد
و الف الف مبروك مقدما
ال 2009 احلى بكتيررررررررررررررررررررر رررررر
شكرا يا غالى
الشكل الجديد طبعا خصوصا لما تركب عليه الديفندرات حيبقي تحفة
محمد فهمي
هوا طبعا اي شكل جديد افضل مهما كان ،،
بس الفكرة احنا اصلآ منعرفش الشكل الجديد ده هينزل مصر اساسا و لا لأ
و لو نزل هينزل امتي ،،
'طبعا الشكل الجديد القديم ده خلاص انتهي وولي
طب مفيش أى أخبار.......حتنزل أمتى ؟؟؟ محدش لة صلة بالوكيل يقولنا
مش عارف لكن حاسس ان الصوره دية متفبركة بالفوتوشوب .... وان كان الشكل دة ... هو الى حيطغى على كل موديلات هيونداى لمدة 5 او 7 سنين قدام ... وحتبقى كل عربياتهم مستوحاه من التصميم دة الى بدأ فى ال I30 و الى الصراحة تصميم نوعا ما مش حلو .
هما عاوزين يقلدو بى ام دبليو ومرسيدس والشركات الكبيرة عماتا الى بتبقى كل موديلاتها شبه بعض ..
موديل 2009 شكلها احسن بكتير من الموديلات القديمة
الاتنين اوحش من بعض بصراحة
من وجهة نظري الشكل الجديد أفضل لكن ده مش هاينزل قبل شهر 8 اللى جاي حسب ما في ناس قالت هنا في المنتدى وطبعا ممكن يكون السعر أغلى أو سعر الشكل القديم هاينزل لو تقدر تسنى يبقى استنى شوية
القديممممم احلى
الجديد افخم
القديم احلى ..بمراحل ..للآسف
ولا الجديد ولا القديم انا بحس انها اتوبيس متنكر
يا جماعه لاحظوا ان امضاء المصمم الايطالي للماتريكس peninfarina قد اختفي من علي الرفرف الخلفي في الشكل الجديد طبعا بسبب التغيير في التصميم ... في رأيي الشخصي التصميم الايطالي أفضل بكثير و كان غالب عليه الطابع الأوروبي أكتر بكتير و كان عملي أكتر بسبب انحدار الكبوت حتي يعطيك أفضل مجال رؤية و صغر حجمه حتي يعطيك أقل طول ممكن ليسهل عليك التعامل مع الشوارع المزدحمه ..... يا جماعه التصميم الايطالي الأوروبي مفيش أحسن منه ...
القديم أفضل ...
اقتباس:
المشاركة الأصلية كتبت بواسطة liquidator
كلامك مقنع و جميل وهل عملوا حاجة فى موضوع استهلاك البنزين العالى ؟
أنا لا أعتقد انهم عملوا أي حاجه في استهلاك البنزين لان المحرك لا يزال هو نفسه
Alpha 2 1599cc 104hp@5800 rpm
و كمان ماعتقدش ان الوزن اتغير أو لو اتغير مش هايبقي كتير و يمكن زاد مش قل بعد التصميم الجديد ده ... فا مفيش أي شيء الحقيقه يدل علي تحسين استهلاك البنزين
للأسف ... لكن مع ذلك فأنا بحب صغيرتي جدا و بعشقها عشق مالوش حدود و لو بتستهلك حتي 20 ليتر في ال 100 كيلوا بردو بعشقها ... ( بس 20 لتر كتير بردو ) !!!
أنا شايف ان مشكلة الماتركس الرئيسية من وجهة نظري واللي مخلي شكلها قبيح وغريب وغريب هو ان مقاس الجنوط والكاوتش مش ماشي مع شكلها اطلاقا.
يعني لو عملوا حساب التصميم ان يركب عليها جنوط 16 أو 17 كان شكلها اختلف تماااااما وبقت حاجة تانية خالص
سيدي الفاضل متهيقلي ان أغلب السيارات الميني فان بيبقي كاوتشها مقاسه كده تقريبا يعني 15اقتباس:
المشاركة الأصلية كتبت بواسطة m_elkhishin
الرينو السينيك كاوتشها كده علي ما أعتقد و كمان التويوتا أفانزا مقاس الكاوتش 14 ..
لو الكاوتش كبر هاتبقي 4*4 زي الدايهاتسو تيريوس 2 مثلا ...
خلي بالك الماتريكس بتنزل في مصر بكاوتش 14 و بره بجنط سبور 15 ...
الشكل الجديد
والله مش عارف بس حاسس انها ما اختلفتش كتير الا في المقدمة فقط
تحياتي
الشكل الجديد رائع جدا
الشكل الجديد من أدام
الشكل الجديد من أدام ضخم بالنسبة للخلفى..... القديم متناسب أكتر
الشكل الجديد مقنع وظريف بس بصراحه الحكم الحقيقي لما اشوف العربيه بعيني بس المهم هتنزل امتي وبكاااااااااااااااااااااا م؟
في واحد من الوكيل قاللي ان الشكل هينزل مصر بمجرد نزوله بره عشان العربية بتتعمل في مصانع كوريا بس
بص يا باشا دى ذوقيات
بس انا افضلا الجديد مش علشان هو شبه الجيب
بس اشيك واعرف ان العربيه دى مفيهاش من الجيب خالص ولا كمان ال 4x4
بس بردو الجديد ممكن يبقى فى مواصفات اكتر ومزايا جديده
وتحسين العيوب اللى فى القديم
يعني ياجماعه متوقع ان الشكل الجديد هينزل في 2009 ولا الصور دي مجرد رؤيه وياعالم هتنزل امتي وياريت الاخ الفاضل اللي منزل الصور دي يقولنا جابها منيين وايه التفاصيل اللي كانت مكتوبه مع الصوره سواء كماليات او اي حصائص جديده بالنسبه للعربيه وخصوصا المكنه ياعالم ممكن يكونو منزلين تكنولوجيا جديده .. عالم السيارات دلواقتي فيه جديد كل ساعه زي عالم الطيران وشكرا ياجماعه
شكله شغل فوتوشوب اوى !!!!
بسيا ريت يخلو التابلو من جوه rich شوية
احسن فقير اوى و بلاستيك كدة من جوه !
انا حاسة ان الشكل الجديد ممسوخ كدة ! يمكن لما تتشاف على الحقيقية تبقي احلى
بس once انك نويت على ميتركس يبقي اكيد تستني الشكل الجديد