الموضوع: ( بوسة غشيمة شوية للينيا )

اولا و اخيرا نحمد الله على كل شىء و اسأل الله الا يريكم سوء قط
امبارح بالليل والدى و هو رايح الشغل بالعربية واحد خبط فيه من ورا .. جاى على سرعة عالية و ضغط فرامل بعد ما زحف مسافة 5 متر ولا حاجة عربيته و قفت فى اللينيا
الخسائر : الاكصدام اتخرشم من تحت و رحل لجوة و فرق من عند الفوانيس و الحمد لله لو كانت الخبطة اقوى من كده كان زمان الاكصدام اتخرم من كذا حته و للاسف لازم الاكصدام يترش او يتغير عشان ترجع زى ما هيا

المهم انا كنت عايز اعرف التأمين اية نظامه مع حاجة زى كده و اية اللى المفروض اعمله و للعلم والدى قال للراجل اللى خبطه يروح لحاله عشان هو عربيته وشها كله اتبهدل

المشاركة الأصلية كتبت بواسطة semsem_uno

يا ساتر يا رب
مش عارف ليه الناس الزوق دايما يحصل معاها كده
الحمد لله علي كل شيء و بالمناسبة العربية بتاعتك ورا الأكصدام في كمرة صلب!! لؤي الكناني بنفسه اللي كان قايل لينا كده انا و يوكو
و كويس ان والدك بخير الحمد لله و مفيش حاجة في ضهره او حاجة و العربية الحمد لله انها اكصدام بس

و يوكو هيقوللك عالتأمين لأني معنديش فكرة بصراحة

شكرا يا سمسم انت اكيد من الناس الزوق ( ربنا يكفيك شر حوادثهم مش قصدى افول عليك بعد الشر )
و الحمد لله على كل شىء و والدى بخير الحمد لله

الحمد لله انها جت على قد كده
وربنا يستر معانا جميعا

المشاركة الأصلية كتبت بواسطة smaalos

الحمد لله انها جت على قد كده
وربنا يستر معانا جميعا

الحمد لله
شكرا على مشاركتك

المشاركة الأصلية كتبت بواسطة medo.malek

اولا و اخيرا نحمد الله على كل شىء و اسأل الله الا يريكم سوء قط
امبارح بالليل والدى و هو رايح الشغل بالعربية واحد خبط فيه من ورا .. جاى على سرعة عالية و ضغط فرامل بعد ما زحف مسافة 5 متر ولا حاجة عربيته و قفت فى اللينيا
الخسائر : الاكصدام اتخرشم من تحت و رحل لجوة و فرق من عند الفوانيس و الحمد لله لو كانت الخبطة اقوى من كده كان زمان الاكصدام اتخرم من كذا حته و للاسف لازم الاكصدام يترش او يتغير عشان ترجع زى ما هيا

المهم انا كنت عايز اعرف التأمين اية نظامه مع حاجة زى كده و اية اللى المفروض اعمله و للعلم والدى قال للراجل اللى خبطه يروح لحاله عشان هو عربيته وشها كله اتبهدل

اولا حمد لله على سلامه والدك وربنا يبعد عنك وعن اخواتنا كلهم شر الحوادث
التامين ياسيدى لو مامن مع شركه تامين بره مع نفسك مش مع مصر للتامين اللى موقعه عقد مع اوماترا يبقى لازم محضر ونمره العربيه و اهم حاجه نمره العربيه وبتتصل بشركه التامين تعمل معاينه وعلشان تصور العربيه وبعد كده بتتفق معاهم على انك تصلحه فى التوكيل وبتهيقلى انك بتدفع وتديهم فواتير او هما اللى بيصلحوا ويحاسبوك لو دى مش اول حادثه
لكن لو مامن مع مصر للتامين يبقى اعمل محضر وكلم التوكيل لان فى مهندس ليهم هناك قاعد عالطول هناك وتتفق معاه تجيب العربيه امتى وهما بيصلحوها والتوكيل بيتحاسب مع الشركه

المشاركة الأصلية كتبت بواسطة yoko

أولا حمد الله على سلامة الوالد وفعلا فيه كمره صلب تحت الإكصدام زي ما قال سمسم

معلش تعديل بسيط مصر للتأمين وقناة السويس الإتنين تبع التوكيل بتروح التوكيل تطلع فوق بعد ما تسلم العربيه أول ما تطلع السلالم على الشمال تدخل تقولهم عايز إخطار حادث وبعد متعمله بشويه هتيجي موافقة مبدأيه ةوتمشي وتابع معاهم في التليفون لحد ما تخلص العربيه وتتعاين تروح التوكيل تاخد الفاتوره والقطع البايظة وتروح التأمين وتاخد منهم وصل مخصوم منه نسبه التحمل وترجع على التوكيل تديهم الوصل وتدفع نسبتك وتاخد العربيه وتمشي

أما لو تأمين مختلف بتروح التأمين تعمل معاينه وإخطار حادث وتروح بعدها التوكل تعمل العربيه وتدفع تمنها وتاخودها تروح التوكيل تديهم قطع الغيار وتعمل معاينه بعد الإصلاح وهيقولولك تيجي بعد فتره (من 3 أيام لشهر حسب التأمين) وتروح تستلم منهم شيك بالمبلغ

شكرا يوكو على معلوماتك الحلوة بس انا عايز اعرف هل لازم محضر و الكلام ده ولا ممكن اروح على طول اخلص الحاجات اللى انت قولت عليها دى ؟
و هل لازم العربية تتصلح فى وقتها ولا ممكن تمشى شوية ولا اية ؟

المشاركة الأصلية كتبت بواسطة yoko

إنت تبع تأمين إيه لو قناة السويس مفيش محضر لو العربيه هتكلف أقل من 10 الاف جنيه وأكيد الموضوع موصلش لنصهم حتى

الحمد لله الخسائر كلها فى الاكصدام و نمرة العربية يعنى ممكن الاكصدام يترش او هايتغير كله دى اقصى حاجة ممكن تتعمل ان شاء الله ( ده لو مفيش حاجة مستخبية ربنا يستر )
بالنسبة للتأمين انا مش عارف و الله والدى هو اللى خلص ورق العربية فا هاعرفلك انا مأمن مع مين و هاقولك