شوف يا باشا...
بالنسبه لعربيه زيرو, زيوت الـ10,000 كم بتكون مريحه و مافيش منها قلق
لأن العربيه و الموتور جداد, و التغيير كل فتره طويله اريح...
بالنسبه للعربيات القديمه, زيوت الـ3000, او 5000 كم بتكون افضل
لأن الموتور بعتبر مستهلك نسبياً, و كمان مع التراب و العوامل الجويه
ده بيأثر بالسلب على كفائة الموتور, و الافضل تغير على فترات قصيره
لكن انا شايف ان القرار يكون لصاحب العربيه, و حسب ظروف و مكان
معيشته, و طريقة سواقته بشكل عام...
يعني الانسان اللي عايش في مكان في تراب كتيير (زي مكان تحت الانشاء مثلا)
او طبيعة شغله كده (مهندس مدني مثلا), او طبيعة سواقته سريعه و فيها
شد كتير و حرق, او كيك داون....... كل ده سلبي على الزيت و الموتور
يبقى رأي يغير الزيت على فترات متقاربه افضل, 5000 كم مثلا
او يحط 10,000 كم, و يغير كل 7000-8000 كم...
و فعلا التغيير على فترات متقاربه اسلم و افضل للموتور لأنه بيقلل من
الضرر على الموتور و اجزائه نتيجة اختلاط الزيت بالاتربه و الشوائب
و اللي بيقلل من كفائة الزيت و لزوجته, و بالتابعيه ده بيأثر على الموتور
نسبياً مع الوقت و لفترات طويله, و دي ميزة التغيير على فترات متقاربه...
ده رأي الشخصي المتواضع بشكل عام, و يا رب اكون قدرت افيدك...
تقبل تحياتي...
المفضلات