الموضوع: سؤال إجبارى ( أيهما تختار و لماذا ؟ )

المشاركة الأصلية كتبت بواسطة ahmed_mido1889

انا بحط زيوت 5000 زيوت معدنيه مش تخليقيه
ولو معملتش ال 5000
بغيره كل 6 شهور علشان الزيت بعد كده بيبدأ يتحلل
يعني تلاقي الزيت مكتوب عليه صلاحيه خمس سنوات بس ده في حاله الجالون لم يتم فتحه
لكن بمجرد فتحه تبقي الصلاحيه ست شهور
والكلام ده من كيميائي شغال في شركه بترول بمستودعات الزيت

كلام سعادتك مضبوط 100 100 ماشاء الله عليك

المشاركة الأصلية كتبت بواسطة tarekabosdera

اتعمل مواضيع كتير عن الزيوت واليك الخلاصة :

اولا كل الزيوت سواءا تخليقية او معدنية فهي تعمل بكفائة عالية في الحرارة المرتفعة وفي اجواء مصر والدول العربية بشكل عام .

ثانيا : نقطة تفوق الزيوت التخليقية ( 10000 كم ) على الزيوت المعدنية ( 3000-5000) كم ليس طول الصلاحية . فهو عامل من العوامل ولكن
لليس الاهم .
امال ايه المهم؟
الزيت التخليقي تركيبه يختلف تماما عن الزيت المعدني لان الزيت المعدني مصنوع من مشتقات البترول لكن الزيت التخليقي محضر كيميائيا بواسطة مواد لا يدخل فيها مشتقات البترول .
والميزة هنا ان الزيت التخليقي حجم جزيئاته متماثلة ومتساوية عكس الزيت المعدني .
السيارة التي تحتوي على زيت تخليقي لا تحتاج زمن طويل للتسخين حتى في البرد القارص بينما السيارة التي بها زيت معدني تحتاج على الأقل لدقيتين للتسخين حتى ينتشر الزيت في جميع اجزاء المحرك ولا يحدث احتكاكات ضارة بالمحرك وتقلل عمره الافتراضي .

الزيت التخليقي ينتشر في اجزاء المحرك بسرعة شديدة ( 20 - 30 ) ثانية حتي في البرد الشديد وذلك بفضل جزيئاته المتماثلة.

هناك نقطة مهمة أخرى يتفوق فيها الزيت التخليقي .
عندما يكون المحرك بارد ومطفأ لمدة 4 ساعات مثلا فان الزيت يهبط بالكامل في كارتيرة الزيت . فعند التشغيل وبداية الدوار يحدث اجباريا حكة بسيطة والمحرك غير مزيت . وهذا مع الزمن الطويل يقلل عمر المحرك .
الزيت التخليقي يتميز بأنه يترك طبقة زيتية على جدران المحرك مهما طالت فترة عدم التشغيل مما يجعل بداية الدوار اقل ضرر من الزيت المعدني .

انا قلت كلام كتير وخـــــــــــــــــــــــ ـــــــلاصـــــــــــــــ ــتـــــــه بالبلدي :

محدش يكلف نفسه ويشتري زيت تخليقي لو عربيته قديمة او محركها بياكل زيت

- هات زيت تخليقي في حالة لو ماتور عربيتك حالته جيدة وبتعمل مشاوير قصيرة كتير ( يعني كل 3-4 ساعات تعمل مشوار ) بحيث ان العربية بتكون باردة والزيت مش هيلحق ينتشر بشكل سليم في المشوار الصغير وبالتالي هتضر بالمحرك .

- استعمل التخليقي لو مبتحبش تسخن عربيتك مدة طويلة خصوصا في الشتا لان الزيت المعدني بيبقى شبه متجمد في الجو البارد وبياخد وقت عقبال مينتشر في الاجزاء الضيقة في المحرك .

- استعمل معدني لو عربيتك ماتورها قديم

- استعمل معدني لو بتحافظ دايما على التسخين مدة كافية خصوصا في الشتا ومبتعملش مشاوير قصيرة كل شوية عشان ده اكتر حاجة بتضر المحرك .

ولو مش فارق معاك الفلوس هات تخليقي وريح دماغك لانه حماية تامة للمحرك في جميييع الظروف حتى في الظروف القاسية ووحتى والمحرك بارد .

طبعا أنا لسانى عاجز عن شكر سعادتك و بجد شرح أكتر من رائع و ..و ..و .... والله مش عارف أقول إيه بس جزاك الله خيرا

بس انا برضه مقتنع اني لو مش بمشي مسافات كتير ...يبقى المعدني افضل

انا ممكن طول السنة مكملش 10 ألاف كم اصلاً ... عشان كدا بفضل المعدني ...

المشاركة الأصلية كتبت بواسطة m.osman

بس انا برضه مقتنع اني لو مش بمشي مسافات كتير ...يبقى المعدني افضل

انا ممكن طول السنة مكملش 10 ألاف كم اصلاً ... عشان كدا بفضل المعدني ...

بس سعادتك أنا حسب إللى سمعته من ناس كتير أوى إن الزيت مايفضلش فى عربيتك غير 6 شهور لا أكتر حتى لو كنت مش هاتمشى عدد كيلوهات الزيت ده خلال السنة بردوا لازم تغير الزيت لإن زى ما حضرتك عارف إن صلاحية الزيت داخل موتور العربية مختلفة تماما عن صلاحية نفس الزيت بس قبل ما يتحط فى العربية و هو لسه داخل العبوة بتاعته .

بالنسبة للزيوت التخليقية و المعدنية فتم شرحها بإستفاضة متناهية من قبل الأعضاء ( خصوصا الأستاذ طارق) ( جزاهم الله خيرا ) و بالتالى حضرتك تقدر تحدد إحتياجاتك و على أساسها تختار إللى يناسبك .

تقبل مرورى أخى الحبيب

ده لينك فيه معلومات اكثر من رائعه عن زيوت السيارات ومواصفاتها
Car Bibles : The Engine Oil Bible