لمبه الفرامل بتنور وانا ماشي مع اني منزل الهاند
وساعات لما اخد مطب بتطفي شويه وتنور تاني
ايه السبب؟
عرض للطباعة
لمبه الفرامل بتنور وانا ماشي مع اني منزل الهاند
وساعات لما اخد مطب بتطفي شويه وتنور تاني
ايه السبب؟
اهلا بيك
اقولك يا ريس السبب لان ده حصل معايه قبل كدا
والى حصل كالاتى ان لمبه الهاند مبقتش تنور وانا مش بحب اسيب حاجه بايظه وبرضوا لما كنت باخد مطب كانت بتنور
الفكر كلها ان الهاند فيها سلك بمجرد انك ترفع الهاد السلك بيلمس فى حاجه معنيه تقوف اللمبه شغاله
لما رحت للكهربائى كان السلك ده مش متركب صح يعنى مع شد الفرامل وكدا السلك لاما بيقطع لاما بيتحرك من مكانه
فانت عندك نفس الحوار السلك بتاع الهاند لاما اتفك ومع الحركه بيلمس فبتشتغل لاما اتقطع وبرضوا مع الحركه بيلمس
هتروح عادى للكهربائى وتقوله المشكله بس حاول يخليه ميفكش الكنسوله يعن يمد مفك او اده لان فك الكنسولهبياخد وقت وبهدله
خد بالك ممكن يكون زيت الفرامل ناقص فى العلبة دا لو العلبة ليها سينور مستوى الزيت
زيت الفرامل غالبا
راجع عليه لو ناقص متزودوش انما روح اكشف عالتيل
تحياتي
زيت الفرامل ناقص وعن تجربه
والسبب تلف التيل بدرجة كبيره (جاب اخره)
او تسريب
يا جماعه الراجل بيتكلم عن لمبه الهاند بريك
غير تيل الفرامل الامامي
ايوه راجع على زيت الفرامل فى العلبة لما بينزل عن مستوى ال min بينور لمبة الهاند انا اتاكدت من الموضوع ده مرة بنفسى و سحبت الزيت من خزنة الفرامل بسرنجة لحد علامة ال min و فتحت كونتاكت لقيت لمبة الهاند منورة و للتاكد ان الخزنة بسنسور و لا لا بص على الخزنة هاتلاقى واصلها فيشة و سلك من ضفيرة العربية
زيت الباكم ينقص في الخزنة مع تآكل تيل الفرامل الامامي
و اللمبة فايدتها :
1- تفكرك انك ناسي الهاند مشدود
2- ان تيل الفرامل تآكل و محتاج للتغيير
3- ان فية تسريب زيت من دورة الفرامل و الزيت ناقص في الخزنة بناء علية
الف شكر ياجماعه هجرب مع موضوع زيت الفرامل وهقولكو
اكبر غلط انك تزود زيت الفرامل
لانة لو ناقص بسبب ان التيل عايز يتغير مش حايحل الموضوع
و لما تغير التيل الزيت حايطفح من العلبة لو نسيت تسحب منة بالسرنجه (شغلانة بقى)
و لو كان ناقص بسبب ان فية تسريب من خرطوم باكم برضة العيب ماتحلش و الخرطوم دة ممكن يضرب في اي وقت و ماتلاقيش فرامل تحت رجلك
ابدأ بالكشف عالتيل الامامي لو ناقص كتير غيرة
لو كويس يبقى شوف اي تسريب من الخراطيم او اللواكير بتاعه الباكم
بص ياسيدى انا الموضوع دة حصل معايا في عربيتى السابقة الموضوع اللى كان عندى هو ان التيل اللى ورا كان عايز يتلجلش علية يعنى المكانيكى يفك الطنابير اللى ورا ويعمل عملية نظافة وسنفرة للتيل ويعيد على اللجلاش بتاع الفرامل وجرب وشوف ...
وخلى بالك لو لقيت الزيت ناقص في قربة زيت الفرامل متزوتش الزيت الا لما تعمل الفرامل اللى ورا عشان التيل ساعتها بيكون فاتح بمعنى ان العربية عندها احساس ان الفرامل حد دايس عليها فالزيت بالتالى بيكون شغال جوا مواسبر الماستر بتاع الفرامل فلما يتعمل اللجلاش بتاع الفرامل بالتالى الزيت حيرد تانى لقربة الزيت وشوف وان شاء الله بسيطة
اسف على الاطالة وتقبل مرورى
الاخ صاخب الموضوع انت مش كاتب نوع عربيتك ايه
اولا كلام الاخوة عن مشكلة زيت الفرامل كلام مظبوط و المفروض يتراجع على مكونات الفرامل كويس و يتشاف فيه تسريب ولا مجرد تيل منتهي
الاحتمال التاني لو عربية حضرتك الدبرياج بتاعها باكم مش واير ممكن يكون الماستر بتاعة مسرب او الماستر الداخلي و طبعا لو سكت عليه هايفصل مرة واحدة و يبقي مفيش دبرياج
إما التيل او الزيت عن تجربه
روح لميكانيكي يشوف الزيت اللي بينقط دة منين و ماتسكتش علية لانة لو زيت باكم يبقى انت في دايرة الخطر
و لو زيت موتور او زيت باور مش زيت باكم يبقى غير الجوان اللي بيرشح
و خللي الميكانيكي بالمرة يرجلشلك تيل ورا و يكشف على تيل امامي لو خلصان غيرة
لا الاكسيل وير
اللي باكم الانجيكشن الاتوماتيك ودي قليله جدا
الف شكر يا جماعه ليكو
انا هقولكو عاللي عملتو عشان تعم الفايده باذن الله
انا روحت للميكانيكي لقي زيت الفرامل ناقص شويه
كشف عالتيل لقي فيه نصه تقريبا روحت مغير الطقم كله والزيت رجع مضبوط
نبص بعد كده ......برده اللمبه منوره
بعد محاولات كتيره اكتشفنا ان الطرمبه اللي في علبه زيت الفرامل مزرجنه مبتتحركشي
وديه كان السبب لما نضفناها اللمبه بقت مش بتنور
اذن الخلاصة صح الزيت كان ناقص اما موضوع الزرجنة دى فدى بتحصل 1فى ال1000 معلش حظك . المهم المشكلة انحلت و مبروك عليك . ودايما لما تشوف ميية العربية عينك برضة على خزن الزيت اذا كان فرامل و لا دبرياج و لا باور تراقبها و تشوف المستوى . الطبيعى لما التيل بيتاكل شوية شوية الزيت بينقص شوية فى العلبة لان الماستر بيتملى زيت مكان التيل اللى اتاكل . تحياتى
انا حصل معايا كدا وطلع انه كان التيل ف اخره مما ادي الى نزول الزيت عن المستوي الطبيعي ونورت الاشاره دي
التيل يا جماعه التيل