بسم الله الرحمن الرحيم
كل سنة و انتم طيبين .. كنت عايز اعمل صيانة للانترا 2005 عاملة 60000 كم .. اكلم مين و احجز فين ولا اروح على طول ولا اية ؟؟:shine[1]: .. يا ريت تفيدونى بسرعة عشان المفروض اغير سير الكاتينة الايام دى :) .. و شكرا :)
بسم الله الرحمن الرحيم
كل سنة و انتم طيبين .. كنت عايز اعمل صيانة للانترا 2005 عاملة 60000 كم .. اكلم مين و احجز فين ولا اروح على طول ولا اية ؟؟:shine[1]: .. يا ريت تفيدونى بسرعة عشان المفروض اغير سير الكاتينة الايام دى :) .. و شكرا :)
بص يا باشا كلم خدمة الصيانة بتاعت غبور على الرقم 16101 و احجز ميعاد صيانة فى المركز الرئيسى فى أبو رواش أو فى مركز قليوب وخلى معاك رخصة العربية وانت بتحجز علشان هيطلبوا منك بعض البيانات الخاصة بالعربية، اتمنى أكون قدرت اساعدك
طب انا حجزت فى فرع قليوب دا بس انا معرفش الطريق ازاى هههههههههههه ممكن حد يشرحلى الطريق
ممكن قوى فى اقرب مركز صيانه معتمد لبيتك او مكان شغلك ومش لازم تروح قليوب ولا ابو رواش
ما انا خلاص حجزت هناك :) و لو عندك فكرة عن مكان اللى فى قليوب دا نبقى شاكرين افضالك لو توصف المكان :)
انا ساكن عند جامع رابعة :) .. اروح ازااااااى بقى ؟؟؟ هههه
ما دام حضرتك ساكن عند رابعة في مدينة نصر يبقي سيادتك تطلع علي الدائري اتجاه طريق اسكندرية الزراعي
يعني مثلا لو تاخد طريق النصر كأنك رايح المطار و بعدين عند الكوبري اللي بعد النادي الاهلي تعدي من يمنيه و ما تطلعش علي الكوبري عشان تطلع علي الكيلو اربعة و نص " طريق السويس "
هتفضل ماشي لحد ما توصل للدائري اول مطلع للدائري ما تخدوش و خد المطلع الثان و هيكون علي يمينك
كده انت طلعت علي الدائري
هتفضل ماشي حوالي 8 ككم لحد نفق السلام و من نفق السلام الي منزل طريق اسكندرية الزراعي حوالي 14 كم او اكثر قليلا
هتاخد نزلة اسكندرية الزراعي و هتمشي في الطريق كأنك متوجه الي قليوب " المدينة "
اول شمال خده و ارجع تاني كأنك داخل علي شبرا " راجع تاني علي القاهرة "و كده الدائري اللي كنت انت عليه هيكون في وشك
قبل ما تعدي الدائري هتلاقي كوبري للمشاه قبله خش يمين في شارع جانبي
امشي بتاع 200 متر
هتلاقي شارع شمال ادخل فيه هتلاقي بوابة توكيل غبور امامك علي اليسار
و توصل بالسلامة ان شاء الله