ايه اللى خلاك تجيب كروز وتسيب السيراتو ( او اى عربيه تانيه) ؟

**mido** · 27-08-2010 02:47 PM

انا عارف الموضوع قتل بحث بس انا تعبت من التفكير ومش عارف اختار وقلت اخد راى الى جاب العربيه ؟
اكتر حاجه عجبانى فى الكروز شكلها من جوه ومن بره بس السيراتو بعد كده شايفها تكسب

**kamalsalem** · 27-08-2010 03:00 PM

باشا استخير واعمل اللي قلبك مرتحلو، بس انا هقولك على موقف وتخيل معايا

انت معزوم على فرح مع مراتك ف فندق كبير، تحب تظهر ف عربية شكلها ايه؟ اصل كل العربيات الغرض منها واحد لكن البرستيج بيفرق معايا (زي ما قلت قبل كده انا متربي في الخليج وبقدر العربيات الكبيرة)

السيراتو جميلة وبجد مليانة اوبشنز بس فكر انت محتاج ايه فعلا.. انا فعلا رحت للكروز عشان شكلها احلى واوسع وراسية كدة وشكلها كأنها طالعة من خناقة مع 6 اسود ولسه عايزة تتخانق

وخد بالك بعد التعديلات الاخيرة الكروز بقت اغلى

**mhmdalsaadany** · 28-08-2010 01:51 AM

الكروز = امان دي واخدة خمس نجوم بالدرجات النهائية في كل اختبارات التصادم
طبعا انا عارف ان في ناس هتقول مش هي دي نفس العربية التانية 6 ايرباج وكدا ولكن الصاج والتقفيل واللحامات في الشاسية واحدة وانا عايز اقول عن كام موقف حصلي اثبتلي فعلا ان العربية صاجها جامد جدااااااااااااا
دا كفاية قفلت الباب تحس انة باب عمارة مش عربية هههههههه

**medomonier** · 28-08-2010 02:27 AM

يا باشا السيراتو مليانة اوبشنز كثيرة وشكلها حلو لكن عربية ورق امسك باب الكروز وباب السيراتو وانت تعرف

**ahmedbeirut123** · 28-08-2010 05:49 AM

this is the reply of mr hossam_zaky

أنا معايا نيسان صني 2009 ex أتوماتيك و ناوي علي السنة الجديدة أغيرها و بتكلم في نفس السعر اللي بتفكر فيه و كنت من أشد المعجبين بالسيراتو لحد ما بحثت كتير و وصلت أن الكروز أرقي منها بكتير علما أن كان نفسي في الجيتا زي اللي مع أخويا لكن لقيت أقرب حاجة لمواصفات الجيتا كانت الكروز عشان
- لو أنت بحثت علي النت حتلاقي في أوروبا مقارنة الكروز بتكون بالجيتا و الأوكتافيا ( مع فارق السعر كأفضلية و ملاحظة أن الأوكتافيا اسمها في أوروبا لورا )
- فتيس الكروز أتوماتيك 6 نقلات ( السيراتو 4 بس عشان كدة الناس بتشتكي صو ت الموتور بيعلي بعد ال120 )
- توفير الكروز في البنزين عالي جدا زي الجيتا عشان الفتيس 6 نقلات ( عن تجربة في الجيتا )
- سرعة قصوي للكروز أعلي من السيراتو ( عندك نقلتين في الفتيس أكتر من السيراتو )
- ثبات الكروز عالي جدا بيقترب من ثبات الجيتا ( عرفت عن طريق البحث عن المقارانات علي يوتيوب )
- الكروز مريحة جوة البلد و في المطبات راحة معقولة
- عفشة الكروز تصميمها متقدم جدا و دة السبب في الثبات علي السرعات العالية مع راحة في المطبات و السواقة حوة البلد
- عفشة السيراتو تقريبا كيا وفرت فلوس تصميمها و أكتفت بتصميم تقليدي جدا عبارة عن ( قنطرة في الخلف ماسكة العجلتين ) و عشان تكون ثابتة علي السرعات العالية خلت المساعدين و السوست ناشفة( بتعبير تاني بيسموها رياضية ) لكن سواقتها داخل البلد أو في المطبات بتكون شوية متعبة لأنك بتحس بالمطبات و اللي قاعد ورا بيتضايق ( عن صديق يملك السيراتو جنط 16 )
- و زود علي كدة أنتشار السيراتو و تميز الكروز و ده وجهة نظر شخصية
- مع ملاحظة أن شنطة الكروز و السيراتو قريبين من بعض بس أعتقد شنطة الكروز ممكن تكون أقل في العملانية شوية و ده محتاج منك زيار تشوف بعا العربيتين علي الطبيعة

**yoko** · 28-08-2010 06:05 AM

انا معيش دي ولا ديه لكن معظم الكلام ده مش مظبوط!!!

المشاركة الأصلية كتبت بواسطة ahmedbeirut123

this is the reply of mr hossam_zaky

- لو أنت بحثت علي النت حتلاقي في أوروبا مقارنة الكروز بتكون بالجيتا و الأوكتافيا ( مع فارق السعر كأفضلية و ملاحظة أن الأوكتافيا اسمها في أوروبا لورا )
مش شرط عشان كده تبقى أحسن

- فتيس الكروز أتوماتيك 6 نقلات ( السيراتو 4 بس عشان كدة الناس بتشتكي صو ت الموتور بيعلي بعد ال120 )
معاك

- توفير الكروز في البنزين عالي جدا زي الجيتا عشان الفتيس 6 نقلات ( عن تجربة في الجيتا )
لأ لإن وزن الكروز تقيل بس عموما الإتنين حريقة بنزين (مقارنة بالعربيات ال1600 الأخرى خصوصا جوه البلد)
- سرعة قصوي للكروز أعلي من السيراتو ( عندك نقلتين في الفتيس أكتر من السيراتو )
الي بيفرق في السرعة نسب التخفيض مش عدد النقلات!!!

- ثبات الكروز عالي جدا بيقترب من ثبات الجيتا ( عرفت عن طريق البحث عن المقارانات علي يوتيوب )
فعلا لكن مش لدرجة الجتا
- الكروز مريحة جوة البلد و في المطبات راحة معقولة
- عفشة الكروز تصميمها متقدم جدا و دة السبب في الثبات علي السرعات العالية مع راحة في المطبات و السواقة حوة البلد
السيراتو والكروز نفس تصميم العفشة

- عفشة السيراتو تقريبا كيا وفرت فلوس تصميمها و أكتفت بتصميم تقليدي جدا عبارة عن ( قنطرة في الخلف ماسكة العجلتين ) و عشان تكون ثابتة علي السرعات العالية خلت المساعدين و السوست ناشفة( بتعبير تاني بيسموها رياضية ) لكن سواقتها داخل البلد أو في المطبات بتكون شوية متعبة لأنك بتحس بالمطبات و اللي قاعد ورا بيتضايق ( عن صديق يملك السيراتو جنط 16 )
ما الكروز برده نفس العفشه من ورا بالملي قضيب ماسك العجلتين
- و زود علي كدة أنتشار السيراتو و تميز الكروز و ده وجهة نظر شخصية
- مع ملاحظة أن شنطة الكروز و السيراتو قريبين من بعض بس أعتقد شنطة الكروز ممكن تكون أقل في العملانية شوية و ده محتاج منك زيار تشوف بعا العربيتين علي الطبيعة