الموضوع: نادي محبي الكروز

عربية محترمة

المشاركة الأصلية كتبت بواسطة ahmed_darwish73

أنا في حيره يا جماعه بين شيفروليه كروز و سكودا فانتازيا. أنا ميال أكتر للكروز بسبب إن سعرها أرخص و أبعادها زي الفانتازيا إن ماكانتش اكبر شويه. لكن السمعه في مصر لصالح السكودا. أنا متأكد إنا فيه ناس كتير كانت في نفس الحيره. أرجو المساعده و لو أمكن حد يعملنا مقارنه محايده بين الإتنين بدون تحيز و ترك مسأله فرق الصناعه بين الألماني و الكوري. و شكرا

انت مدرك انه فرق السعر بين الاتنين يعمل عربية تالتة؟ ههههههه

لو حطيت الاتنين جمب بعض هتظلم الكروز طبعاً لأن الفانتازيا فيها حاجات الكوريين لسه مش بيعرفوا يعملوها زي التكييف المتعدد انه كل كرسي يبقالو تكييف لوحده... الكروز ارحص... الفانتازيا اتقل... السمعة دي خليها على جنب عشان اللي يسمع كلام الناس يبيع عياله... الامان طبعا في الفانتازيا اكتر لأنها فيها صاج اكتر (ده كلام بالبلدي طبعاً لو انت بيهمك وزن العربية عامة لأن الكروز خدت الخمس نجوم بتوع الاتحاد الأوروبي)

الاتنين سوقهم مش اوي حتى الان يعني كمان 10 سنين مش هتكسب فيهم اكيد

مش هتصدق انه اللي ساعدني على الاخنيار في الاخر كان واحد معاه فانتازيا وده اللي شجعني اشترك معاك في الحوار..

شوف اختياراتك واستخير وخد القرار... ع الورق الكروز تكسب عشان فرق السعر بس انا اقولك بصراحة مش هتلاقي حد ينصف الكروز في المقارنة دي غيري... والالماني هيفضل الماني