الموضوع: تحذير من اسكندرية في الصيف

الترام كلة من اولة لأخرة حفر و بلاعات حد يعرف لية ؟ بصراحة انا بتقرف من الترام خالص

ويا ريت الأسفلت الجديد كويس إنما إيه زفت عالى واطى وكمان فيه حتت كتير مفيهاش صرف للمطر زى الطريق السريع من بعد توكيل مرسيدس لغايه المطار القديم .
أول ما ينزل المطر برك برك !!!!!!!!!
ومش كدة وبس إنما بعد كل شتوايه تلاقى الأسفلت بيتكسر ويتفتت
والله العظيم حرام إللى بيحصل دة
هذا اللبيب قال إنه لغايه الصيف إللى فات صرف 156 مليون جنيه على الرصيف والأسفلت !!!!!!!!!ومستشفيات الأطفال الحكوميه فى إسكندريه مفيهاش أماكن فى الحضانات بتاعه الأطفال المبتسرين (شفاهم الله)
حسبى الله ونعم الوكيل سواء فى المحجوب أو لبيب أو أسمه إيه دة.............

انا بأجل تغيير اللادا لهذة الاسباب الوجيهة ... فهى الوحيدة التى تصلح للاسكندرية الان !!! الى ان يأذن الله .

الصراحة من كتير ما باشوف الأرقام الخاصة للسيارات ابتديت احس إني الوحيد اللي مكانش معاه واسطة ولا دفع فلوس وهو بياخد لوحات سيارته
وصلنا لدرجة ان الاستثناء بقى اللوحات العادية

السلام عليكم

بقول ولسة حقول وحفضل اقول إن المحجوب مش من أفضل الناس وزي ما أخونا محمد إبراهيم 1 قال إن المحجوب عمل تجاوزات كتييير زي ما عمل حسنات كتيييير...... نرجع بالذاكرة شوية .... مين إللي كان قبل المحجوب؟؟؟؟ أيوة واحد إسمة الجوسكي ودة لم يفعل شئ للإسكندرية غير الجلوس في مكتبة والنوم في العسل..... إمتة إسكندرية بدأت عهد التطور والنظافة والجمال في عهد المحجوب .... لية؟ علشان كلها كانت مشاريع على رف سيادة المحافظ الاسبق والمحجوب بدأ ينفذها.... يعني المحجوب عمل إللي كان المفروض يتعمل من 10 سنين..... ولكن..... المحجوب أغفل تجاوزات البناء .... المحجوب كبر دماغة من العجمي لانة اصبح منطقة صداع ومشاكل تحتاج حل جذري..... المحجوب وضع اساسات لمشاريع جميلة زي شركات النظافة ولكنها لم تستمر....

لبيب أخد على عاتقة التنفيذ ووضع العجمي نصب عينية وصدقوني يا جماعة العجمي مش حيتصلح حالة إلا باللي بيعملة لبيب ولكن القص واللزق السابق دة كلة كان كلام فارغ..... انا من سكان العجمي وبسب وبلعن في الدولة والمحافظ كل يوم ميت مرة.... ولمن لما بسأل نفسي بموضوعية.... هو المحافظ ذنبة إية؟؟؟؟؟ هة جة وورث تركة مليئة بالمشاكل وقرر يسعى لحلها والحل هو "البتر" وليس الترقيع..... المجاري تطفح ممكن يبعت عربية او عربيتين يشفطوها وخلاص زي ما غيرة عمل!!! لكن هو بيحفر وبيحفر وبيحفر لحد ما يلاقي المشكلة ويصلحها ودة بياخد وقت وبياخد روتين وبياخد عمال ومقاولين مش عندهم ضمير بيأخروا الشغل ...... بس انا شايف نور في نهاية النفق! حتقولولي إزاي!

اولا الشوارع الرئيسية للعجمي وأبو يوسف بدأ فيها أعمال الرصف والإنارة وبدأ يظهر لها معالم حقيقية ...... بدأت عمليات تقسيم الشوارع..... الشغل الذي يتم هو شغل شبكة مجاري حقيقية مش صرف مياة مطر...... أعتقد إن قبل سهر يوليو العجمي سيظهر لة ملامح!

ولكن



المرور يبقى مشكلة عويصة
التوك توك وعربات الكارو والسير في الممنوع ظاهرة متفشية
الركن في الممنوع
الباعة الجائلين

كيف سيتم السيطرة عليهم؟؟؟؟ لا أعرف لكني أعرف أن ما يحدث في إسكندرية الان هو نتيجة غياب امني مروري!

لك الله يا إسكندرية