تحذير من اسكندرية في الصيف

**Karim_Monir** · 10-03-2008 11:42 AM

شكرا يا حبي على عرضك الغاللي
وابوس ايدك ودماغك ما تفكرنيش بالسنة اللي فاتت
عقللي هفني وانا في مراقيا اخد مراتي ووالدتي وننزل نبص على الشقة اهي مسافة 30 كم
دخلت العجمي وعينك ما تشوف الا النور
وقال بيقولو الكرولا عالية
حسيت يومها اني راكب عربية زحافي
وكل شوية اقول لمراتي ووالدتي انزلوا عشان العربية بتحك
وفي الاخر ركنتها وخدت عربية اجرة لحد جوة وخليتة يستناني عشان يرجعني لمكان عربيتي لاني ماكنتش فاكر سبتها فين
طب كويس ان الشارع الرئيسي اتعدل
مش طالبة يكون عندي شقة في اسكندرية واروح اجر شقة

**Islam_galal** · 12-03-2008 10:09 AM

أول مرة أسمع واحد بيشكر في الجوسقي

**goodwave** · 12-03-2008 10:17 AM

وأنا كمان أول مرة اسمع واح بيشكر في الجوسكي مع إني إسكندراني أبا عن جد!
وأعتقد تنفيذ مشروع الموقف الجديد تم في عهد المحجوب وليس الجوسكي ..... وتوسعة وإعادة تنظيم ميدان محطة مصر تم في عهد المحجوب .... يبقى كان اولى للجوسكي ينظم محطة مصر قبل ما يروح يعمل الموقف الجديد!

**Islam_galal** · 12-03-2008 10:29 AM

و كوبري محرم بك من اللي خلصه
و بعدين الحديقة الدولية دي عليه مش ليه
هي فين دلوقتي؟

الجوسقي (بالقاف) لم أسمع اطلاقا حد بيشكر فيه

يا راجل ده البحر بقي زي صرف المجاري أيام الجوسقي

يا راجل ده كل حاجة كانت ماشية بالفلوس في جيوب ضعاف النفوس

قانون ايه اللي كان الجوسقي بيحترمه دول كانه بيسموه عمدة الإسكندرية من بابا الشتيمة مش الشكر
لا حول ولا قوة إلا بالله

**محمد ابراهيم 1** · 12-03-2008 06:33 PM

على فكره مشروع توسيع الكولانيش لا علاقه للمحجوب به لكن هو نسب له لأنه هو اللى كان موجود
فى فتره تنفيذه
والمشروع كان من وتحت اشراف وتنفيذ وزاره الاسكان
لكن نسب الفضل للمحجوب
طيب لما نستبعد توسيع الكورنيش
يتفضل ايه
تجميل الميادين والشوارع وخلافه
جاب الفلوس منين
من المقاولين
اذاى
عايز تبنى وتعلى فوق قيود الارتفاع مفيش مشكله بس ادفع (صحيح مخدش حاجه فى جيبه ) لكن تجاوز قيود الارتفاع جريمه أبشع من الرشوه
فاكرين عماره لوران كانت من 3 شهور
العماره دى كانت عباره عن بيت اربع ادوار فى عهد المحجوب ارتفعت الى 11 دور على نفس الاساسات وكانت النتيجه زى ما شفتوا
زحام فظيع بسبب الارتفاعات الغير قانونيه
تدهور فى كافه الخدمات واللى عنده الميه قويه يقول عشان ابقى استحمى عنده
شيوع وزيوع وتعمد عدم احترام القوانين عامه (اذا كانت الحكومه بتعمل كده يبقى احنا اللى حنلتزم )
ولسه اسكندريه ياما حتشوف وربنا يستر

**Ghamrawy** · 12-03-2008 08:22 PM

المشاركة الأصلية كتبت بواسطة محمد ابراهيم 1

زحام فظيع بسبب الارتفاعات الغير قانونيه
تدهور فى كافه الخدمات واللى عنده الميه قويه يقول عشان ابقى استحمى عنده
شيوع وزيوع وتعمد عدم احترام القوانين عامه (اذا كانت الحكومه بتعمل كده يبقى احنا اللى حنلتزم )
ولسه اسكندريه ياما حتشوف وربنا يستر

الميه !!!!!!!!!! ارجوك ما تفكرنيش انا ساكن فى التالت فى منطقة راقية و تعالى اتفرج على الميه عاملة ازاى !!!!!!!!1 سرسوب حقير من الساعة 11 الصبح لحد 10 باليل مراتى ساعات الاكل بيشيط منها علشان مافيش ميه تحطها عليه وهى بتطبخ
بلا قرف

**Islam_galal** · 13-03-2008 09:58 AM

المشاركة الأصلية كتبت بواسطة محمد ابراهيم 1

على فكره مشروع توسيع الكولانيش لا علاقه للمحجوب به لكن هو نسب له لأنه هو اللى كان موجود
فى فتره تنفيذه
والمشروع كان من وتحت اشراف وتنفيذ وزاره الاسكان
لكن نسب الفضل للمحجوب

يا عم حرام عليك هو المحافظ ده طرطور مش هو المسئول و لازم يوافق و يدبر جزء كبير من التمويل و بعدين مين اللي كان بيعدي كل يوم علي المشروع و يتابعه بينفسه بجد من غير دعاية و اعلان

المشاركة الأصلية كتبت بواسطة محمد ابراهيم 1

طيب لما نستبعد توسيع الكورنيش

هو انت بتستبعد حاجة بتلاتة مليم و بعدين كان فيه مشروع في المقابل كوبري من المنتزه لبحري داخل البحر و كان له مشروع تمويل من اليابان و الحكومة رفضته ، برضه الراجل معملش حاجه كان طربوش علي نعش يعني و اسكندرية يحصل فيها كل ما اتفق عليه الناس
يا أخي من لم يشكر الناس

المشاركة الأصلية كتبت بواسطة محمد ابراهيم 1

يتفضل ايه
تجميل الميادين والشوارع وخلافه
جاب الفلوس منين
من المقاولين
اذاى
عايز تبنى وتعلى فوق قيود الارتفاع مفيش مشكله بس ادفع (صحيح مخدش حاجه فى جيبه ) لكن تجاوز قيود الارتفاع جريمه أبشع من الرشوه
فاكرين عماره لوران كانت من 3 شهور
العماره دى كانت عباره عن بيت اربع ادوار فى عهد المحجوب ارتفعت الى 11 دور على نفس الاساسات وكانت النتيجه زى ما شفتوا
زحام فظيع بسبب الارتفاعات الغير قانونيه
تدهور فى كافه الخدمات واللى عنده الميه قويه يقول عشان ابقى استحمى عنده
شيوع وزيوع وتعمد عدم احترام القوانين عامه (اذا كانت الحكومه بتعمل كده يبقى احنا اللى حنلتزم )
ولسه اسكندريه ياما حتشوف وربنا يستر

يعني سعادتك كان النظام قبل المحجوب مفيهوش مخالفات للارتفاعات مين يقدر يقول كده ، بس كانت الفلوس بتروح فيييييييين؟
اللي عمله غلط نسبي بس مين بيغلطش ده عمر بن الخطاب غلط
و بعدين مشكلة المياه من أيا المحجوب بس
انت اكيد صادق
يبقي اكيد انا عايش في اسكندرية بتاعة العراق

**محمد ابراهيم 1** · 15-03-2008 06:20 PM

يا عم اسلام من لم يشكر الناس ماله
اذاى تشكر واحد وانت حاسس انه تسبب لك فى ايذاء شديد
وانا اعرف يقينا ان المحجوب لا علاقه له بتوسيع الكورنيش وكل دوره كان تسهيل عمل المنفذين ليس اكثر
وبعدين قبل المحجوب مكانش فيه مخالفات للإرتفاعات والدليل موجود
وبعدين اعتقاد الناس شىء والواقع شىء تانى
الناس فى مصر كانت بتحب عبدالناصر رغم ان عبدالناصر تسبب فى تأخير البلد وايذائها ومقتل أبنائها
توسيع الكورنيش هو الانجاز الذى حدث فى فتره المحجوب وهو اللى ادى الى ارتفاع اسهمه عند العامه نتيجه اعتقاد الناس بأن الفضل يرجع اليه رغم عدم صحه الإعتقاد
اللى عمله المحجوب يشكل جرائم ارتكبت عمدا مع سبق الاصرار وتقول ده غلط نسبى
انا مليش مصلحه فى الاساءه الى المحجوب ولا غيره
لكنى أقول ما أعتقد أنه صواب
والله على ما أقول شهيد

**hofo** · 16-03-2008 12:03 AM

فيه ناس بتزعل من العربيات اللى بتنط الحواجز مع ان ده فى بلدنا قانونى بس اللى بيجننى المشاريع والعربيات اللى بتعدى من فوق الرصيف عشان يمشوا فى الاتجاه التانى واللى راح الكيلوا 21 اكيد فاهم قصدى