نداء الى كل التوليداوية...تجمعو

**ahmedmohieeldin** · 27-08-2010 07:08 PM

اخواني الاعزاء اعضاء نايل موتورز...كل سنه وانتم طيبين ومتجمعين على الخير...انا لحد يومين فاتو كنت عضو مش نشيط او فعال لكن كنت بتابع الي موجود على المنتدى كمتابع فقط...انا الحمد لله اخيرا ربنا رزقني وجبت عربية سيات توليدو موديل 2000 من كام يوم وحابب ابتدي اتفاعل مع المنتدى الجميل الي احنا بنتشرف بعضويته..والحقيقة حبيت اعمل الموضوع ده ومش عارف حد اقترحه قبل كده ولا لا...من حبي وعشقي للسيارة السيات عموما وبالتحديد التوليدو حابب اعمل زي تجمع لكل التوليداوية الموجودين وكل اصحاب الخبرات في السيارة الجميلة دي كل الي عنده اي معلومة او شكوى او حل لشكوى ممكن تفيد الكل يبقى ياريت نقدمها لاني بصراحة شايف ان العربية دي مظلومة حبتين....وانا عن نفسي اي معلومة هعرف اوفرها مش هبخل بيها...ودعواتكم ليه اقدر احافظ على العربية دي لاني حبيتها من اول نظرة بس الناس مش بترحمني وبيكسرو مقاديفي عشان التوكيل والصيانة وقطع الغيار وكده...تحياتي مرة تانية واسف على الاطالة...
اخوكم ...معماري/ احمد محي الدين

**mmffor** · 27-08-2010 09:06 PM

التوليدو من العربيات المتميزه جدا في مصر ! يعني عامله زي الالفا روميو ممكن تلاقي 7 او 10 توليدو في القاهره كلها ! جود لك يا مان. على فكره التوليدو من السيارات الفاخره لأنها اعلى من الكوردوبا و الابيزا طبعا

**ahmedmohieeldin** · 28-08-2010 04:01 AM

المشاركة الأصلية كتبت بواسطة mmffor

التوليدو من العربيات المتميزه جدا في مصر ! يعني عامله زي الالفا روميو ممكن تلاقي 7 او 10 توليدو في القاهره كلها ! جود لك يا مان. على فكره التوليدو من السيارات الفاخره لأنها اعلى من الكوردوبا و الابيزا طبعا

مانحرمش من الرد والمشاركة وده المعهود من اعضاء المنتدى المحترمين دايما...هي فعلا انا كنت بحب شكلها قبل ماشتريها وبعد ماشتريتها حسيت انها عربية سابقه عصرها ما شاء الله...

**ahmedmohieeldin** · 28-08-2010 04:05 AM

طيب يا جماعة انا سامع اللهم اجعله خير ان العربية دي فيها abs و ebd وكلام كبير كده...ما الاقيش عندكم كتالوج للعربية دي...توليدو موديل 2000...عشان انا سالت في التوكيل وقالولي مش موجود..وانا بيني وبينكم حديث عهد بالميكانيكا...انا طول عمري بسوق العربية من غير مافهم في الميكانيكا

**Mohamed.Ramah** · 28-08-2010 07:18 AM

معلومات من داخل القسم عن التوليدو 2001 :

بالنسبة للمانيوال
العربيه كل حاجه عفشه و ميكانيكا و كهربا عباره عن Bora فا مفيش حاجه مش هتلاقيها. التابلوه افضل من الBora ازواق و تقريبا هو بتاع الAudi A3, العربيه اوسع من الBora و فيها كماليات اكتر زى مرايات ضم كهربا و ultra sonic بيشتغل جوه الصالون مع الانذار و الكاسيت بيعلى لما العربيه سرعتها تزيد عن ال60 كم/ساعه, فيها فوجات ورا و قدام فبريكه.

و سحبها حلو اوى بصراحة و التقفيل ممتاز و العزل هايل.

-----------------------
بالنسبة للاتوماتيك
العربيه ثباتها ممتاز و تقفيلها نضيف جدا
العربيه زى ما الاخوه الافاضل ذكروا اخت البورا بس شكل وكماليات افضل
قطع غيارها مشتركه طبعا مع البورا والجولف والليون وتقريبا كمان الاوكتافيا ال a4 -الاودىA 3

**nasser74** · 29-08-2010 01:34 AM

ياريت لو حد يعرف اجيب مراية يمين للتوليدو موديل 2000 منيين وتكون الكبيرة زى اللى على الشمال لان انا عندى الصغيرة بس عايز اغيرها واجيب الكبيرة بتخل شكل العربي من برة حلة تحس ان فى تناسب من الجانبين

**nasser74** · 01-09-2010 03:45 AM

انتو فين ياجماعة ماحدش رد عليا لية

- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى
15ب

**ahmedmohieeldin** · 02-09-2010 06:22 PM

المشاركة الأصلية كتبت بواسطة nasser74

انتو فين ياجماعة ماحدش رد عليا لية

احنا هنا اهه... انا اصلي لسه شاري التوليدو 2000 جديد زي ماقلت في الاول ولسه بحاول اجمع معلومات عن اماكن قطع الغيار والصيانة ولسه يادوب امبارح مغير طقم السيور والفلاتر والبوجيهات والذي منه ولسه هدخل على تزبيط الكهربا...وبالنسبة للمراية اليمين انا كمان مش عاجباني وهحاول اسال عليها واول ماوصل لمعلومة هقول على طول

**ahmedmohieeldin** · 02-09-2010 06:27 PM

المشاركة الأصلية كتبت بواسطة nasser74

ياريت يبقى فية تواجد اكثر للتوليداوية ومعلومات عن قطع الغيار واماكن توجدها وافضل اماكن للصيانة والناس اللى بتفهم فيها بجد . علشان انا معايا توليدو 2000 اتوماتيك ومفتاح الريموت بايظ مبيلقطش ودخت ومحدش عارف يصلحه ولا عارفيين العيب فين ومراكز كبيرة لصيانة السيارات الالمانى فقط لدرجة ان فى مهندس من اصحاب احدى هذه المراكز قاللى عليك على التوكيل .......... بس انا ان شاء الله هروح فى اقرب فرصة طالما هما ناس فهمى كويس

والله انا كمان مفتاح الريموت بايظ واشتريتله حجارة كنت فاكر هيه السبب طلع مش المشكله في الحجارة ولسه بدور على حد يعملهولي ياريت الي يلاقي الاول يقول ...ولو رحت التوكيل ياريت تقولي عملت ايه...انا كمان بدور على مفتاح المراية الكهربا ومش لاقيه ... بيقولو في الحرفيين موجود ... وربنا يعينا على قطع غيار الجميلة دي