استفسار بخصوص شراء كروز من منصور شيفروليه
في البداية رمضان كريم على كل أعضاء منتديات نايل موتورز وبالأخص منتدى شيفروليه
أنا بإذن الله نازل مصر على يوم 6 سبتمبر وعامل حسابي إني أشتري كروز 2011 توب لاين وده أول مره أشتري عربية زيرو بس كان عندي كم استفسار بخصوص اجراءات الشراء من منصور شيفروليه:
1- هل لو معايا الفلوس كاش ينفع استلم العربية في نفس اليوم.
2- عايز توضيح أكتر بخصوص موضوع الحجز.
3- هل شراء العربية يتطلب أني أروح التوكيل مرتين (مره أعربن علشان اللون والفئة ومرة تانيه عشان استلم)
4- هل لو هشتري العربية من التوكيل تنصحوني إني آخد معايا سمكري يعاين العربية.
5- دلوأتي أنا محتار مبين 3 ألوان وهم الاسود والفضي والعنابي هل ممكن ألاقي 3 ألوان معروضه عند التوكيل ولو مش موجوده في المعرض هل ممكن أشفهم ولو في المخزن.
6- أنا اسمع إن العربية الزيرو مبتبقاش عامله ولا كيلو في العداد الكلام ده صح.
7- بالنسبة للأخوه الأعضاء اللي اشترو كروز هل بتيجي متغطية من بره بالبلاستيك الأبيض ولا مش شرط.
وهل في أمل ان الكروز 2011 تنزل بالماتور الجديد وايه الاختلافات اللي فيها زيادة عن 2010 وشكراااااااااااااا