الموضوع: استفسار بخصوص شراء كروز من منصور شيفروليه

المشاركة الأصلية كتبت بواسطة hameditsh

في البداية رمضان كريم على كل أعضاء منتديات نايل موتورز وبالأخص منتدى شيفروليه

أنا بإذن الله نازل مصر على يوم 6 سبتمبر وعامل حسابي إني أشتري كروز 2011 توب لاين وده أول مره أشتري عربية زيرو بس كان عندي كم استفسار بخصوص اجراءات الشراء من منصور شيفروليه:

كل سنه وانت طيب الله أكرم

توصل بالسلامه ان شاء الله

1- هل لو معايا الفلوس كاش ينفع استلم العربية في نفس اليوم.

فى الفرع الرئيسى فى المهندسين مفيش تسليم فورى

ممكن حد من الموزعين المعتمدين يسلمك فورى او تانى يوم

2- عايز توضيح أكتر بخصوص موضوع الحجز.

الحجز تقريبا ب 5 الاف والاستلام فى خلال شهر تقريبا

3- هل شراء العربية يتطلب أني أروح التوكيل مرتين (مره أعربن علشان اللون والفئة ومرة تانيه عشان استلم)

ايوه لازم يومين

4- هل لو هشتري العربية من التوكيل تنصحوني إني آخد معايا سمكري يعاين العربية.

والله لو تقدر تاخد معاك يبقى خير وبركه وزيادة اطمئنان

5- دلوأتي أنا محتار مبين 3 ألوان وهم الاسود والفضي والعنابي هل ممكن ألاقي 3 ألوان معروضه عند التوكيل ولو مش موجوده في المعرض هل ممكن أشفهم ولو في المخزن.

صعب تلاقى ال 3 الالوان معروضين فى مكان واحد

6- أنا اسمع إن العربية الزيرو مبتبقاش عامله ولا كيلو في العداد الكلام ده صح.

لا بتبقى عامله كيلوهات مش اقل 20 - 30 كم

وهل في أمل ان الكروز 2011 تنزل بالماتور الجديد وايه الاختلافات اللي فيها زيادة عن 2010 وشكراااااااااااااا

99 % نفس الموتور مفيش اختلاف