ليه كتير مش كاتبين نوع عربيتهم في البروفيل؟

**SHNORY** · 28-08-2010 09:02 PM

المشاركة الأصلية كتبت بواسطة remomemo

اقلك ايه انا مرة ركنتها فى مكان يضايق طلوع ونش "عفش " فى عمارة رجعت لاقيتهم شالوها
قالولى يا باشمهندسة ما تقلقيش جبنا 8 رجالة نقلوهالك يمين شوية دى ماديلية ماتعبناش ؟؟؟؟؟؟

ههههههههه طيب دا انتي تفتخري كده بان 8 رجاله شالوها
مره كان فيه لانوس واقفه في الشارع ومش عارف اطلع منها وكنا 4 وزقيناها بالعرض لزقناها في الرصيف
عموما
الحمد لله علي نعمته عربياتنا لو كانت قديمه ولا صعغيره بتغنينا عن قرف المواصلات وذلها في ايام الزحمه
والواحد كل ما يشوف ناس واقفين تحت مطر ولا مستنيين مواصله بيحمد ربنا الف مره علي نعمته
انا احيانا بقعد اطبطب علي عربيتي واراضيها بكلمتين ههههههههههههه
غانياني وحافظاني وحافظه كرامتي والحمد لله

**nabaster** · 28-08-2010 09:26 PM

المشاركة الأصلية كتبت بواسطة remomemo

عندك حق يا شانورى بس بجد الجملة اللى انا كتبتها دى اتقالت بالنص اكتر من مرة فى مشاركات هنا فى المنتدى لما طلعت عربية صغيرة اسمها تاتا نانو واحد محترم كتب كده احنا قرفنا من الحاجات دى هى والماروتى والتوكتوك والله
وطبعا لغة الشارع زى ما انت قلت
اقلك ايه انا مرة ركنتها فى مكان يضايق طلوع ونش "عفش " فى عمارة رجعت لاقيتهم شالوها
قالولى يا باشمهندسة ما تقلقيش جبنا 8 رجالة نقلوهالك يمين شوية دى ماديلية ماتعبناش ؟؟؟؟؟؟

انتي يمكن مكبره الموضوع شويه

كل عربيه صغيره او كبيره

سفاحة بنزين او اقتصاديه وليها استخدمها الي انتجت علشانه

هحكيلك موقف حصل معايا

كنت داخل شارع ضيق بعربيتي وكان معايا واحد صاحبي

يعني يادوب يعدي عربيه وفي صف راكن شمال

في عربيه 28 جايه في وشي

الراجل مشكورا دخل بوز عربيته في مكان علي الشمال علشان اعدي انا

ومش عارف يركن ويدخل ضهر العربيه

انا نزلت انا وزميلي واستاذنته ارفع العربيه من ورا واركنهاله

الراجل بكل بساطه ابتسم وضحك وبعد ما رفعناها

قالنا دي ميزة العربيات الخفيفه وهوا بيهزر معانا وبيضحك

فبصراحه ملكيش حق تزعلي

وحمارتك العرجه ولا سؤال الـ.......

علي الاقل حمياكي من الحر والمطر وبهدلة المواصلات

A.Yakout